هل يكون اول ايام التداول انتقاما ونزول لم نره من قبل

[فوزى بو احمد]

التوقع بناءا على عروض الاسعار اليوم التى لم يتم التداول عليها
نسبة عالية من الاسهم بدون طلبات وبفارق سعرى اقل من الايام اللى قبله مثال سمنت الكويت ثلاث ايام عروض بدون طلبات واليوم تمت عليه صفقة نازل 150 فلس شوف جم شركة بنهاية تداول اليوم
خوش اقتصاد ما فى شى شباب الاوضاع زينة والامور هم زينة وشركاتنا قوية
تصريح الشمالى تهديد حكومى للمتداولين بالخضوع للامر الواقع والاستسلام

 

[fahadilm]

التوقع بناءا على عروض الاسعار اليوم التى لم يتم التداول عليها
نسبة عالية من الاسهم بدون طلبات وبفارق سعرى اقل من الايام اللى قبله مثال سمنت الكويت ثلاث ايام عروض بدون طلبات واليوم تمت عليه صفقة نازل 150 فلس شوف جم شركة بنهاية تداول اليوم
خوش اقتصاد ما فى شى شباب الاوضاع زينة والامور هم زينة وشركاتنا قوية
تصريح الشمالى تهديد حكومى للمتداولين بالخضوع للامر الواقع والاستسلام

الله يستر اخوي
الواضح نزول .... بناء على التهديد الي اطلقوه الأكباااااريه
وكأنهم يقولون الأمر بيدناااا ... ولاراح يفيدكم احد

 

[قـنـــاص2]

من كثر ما نزل المؤشر صارت عندنا مناعه

 

[(فزاع)]

انا عندي حل ..

هدني واهدك ..

​

 

[nawaf52]

ياخوي اي نزول بعد قبل لما كان المؤشر ينزل 100 نقطه بيومين كانت العالم تحط إيدها على قلبها هالأيام المؤشر قام ينزل 350 نقطه بيوم واحد وعينك ماتشوف الا النور يعني بنزلونه اكثر خلاص صار عندنا مناعه قمنا اذا شفنا اللون الاخضر واحد يتصل بالثاني اشصاير بالسوق فيه شي يديد ان شاء الله خير .

 

[bnyder2002]

أشهر بورصتين أوقفتا التعاملات
أشهر بورصتين أوقفتا التعاملات خلال الازمة العالمية هما بورصتا موسكو والبرازيل لمدة ثلاثة ايام ثم استأنفتا التداول لتخسر الاولى 16% و الثانية 14% من قيمتها بعد عودة التداول.

الله يستر

 

[السوق الكويتي]

تصريح الشمالي سيء جدا جدا ,, واتمنى محاسبته !

لأنه بالفعل سيثير الذعر بالمستثمرين ,,



ولكن ؟! الشمالي صرح قبل فترة حان وقت الشراء .. وحدث العكس

 

[ABO_BADER]

شنو خايفين منه السوق نازل اكثر من 7000 نقطه


وخسايرنا كبيره وماراح تفرق معانا


عسى الله لايوفق كل شخص


يحاول الضرر بصغار المستثمريين​

 

[bahar]

التوقع بناءا على عروض الاسعار اليوم التى لم يتم التداول عليها
نسبة عالية من الاسهم بدون طلبات وبفارق سعرى اقل من الايام اللى قبله مثال سمنت الكويت ثلاث ايام عروض بدون طلبات واليوم تمت عليه صفقة نازل 150 فلس شوف جم شركة بنهاية تداول اليوم
خوش اقتصاد ما فى شى شباب الاوضاع زينة والامور هم زينة وشركاتنا قوية
تصريح الشمالى تهديد حكومى للمتداولين بالخضوع للامر الواقع والاستسلام

يعني شنو راح يصير أكثر من الحد الدنى؟؟؟؟؟؟؟؟؟؟ مهو كل يوم الاسهم حد ادنى:d

 

[ha101061]

المبلل مايخاف من المطر

 

[mrshed]

شلون يعنى نزول ما شفناه من قبل يعنى ممكن ينزل السوق أكثر من 500 نقطه ؟

يعنى ال 500 نقطه وايد شفناها لدرجه تعودنا عليها يعنى نبى أنشوف أرقام يديده مثل 650 أو 700 نقطه

 

[حفار قبور]

انا عندي حل ..

هدني واهدك ..

​

هذا مثل الصعيدي سيبني وأسيبك

 

[ميلان]

انا بدور عمل وريح بالي والي عندي اخليه وديعه لما تفتج عقدتهم حتى ناقصين تهديد يجيهم يوم يرفعون السوق

 

[anw-exchange]

احنا قاعدين ومتكين ومتأهبين ان السوق يوصل 6000 نقطة بعد اسهمنا وصلت 48 فلس موفارقة معانا انها توصل 20 فلس.

 

[hassanabass]

هذه التصريحات الحكوميه تؤكد على تورط ادارة البورصه مع الحكومه على النزول المستمر والمفتعل لاسعار الشركات وهذا الحكم العادل لوقف التداول وان كان ليس حلا لكنه قد يكون
بشارة لصغار المستثمرين وردعا لمن تسبب فى هذا النزول المستمر والذى التهم مدخرات هؤلاء
الناس دون وجه حق فلو اعترفت هذه الشركات بافلاسها من خلال ادارة البورصه وافصحت عن
ذلك لم يكن يصدر مثل هذا الحكم ولكن هذا التواطىء من قبل ادارة البورصه هو من افرز ذلك القرار
والتهديد بان عوافب الايقاف وخيمه كان من الاولى توجيهه الى ادارة البورصه والى اصحاب الشركات
التى لم تحترم القوانين الماليه بل تمادت فى ضرب القوانين عرض الحائط لانها علمت بانه لا يوجد
من يحاسبها ونحن فى انتظار اعلان افلاسها ومحاسبة ادارة البورصه لانها ضللت الناس بسلامة
الوضع المالى لهذه الشركات او رفع قيمة اسهمها الى القيمه الاسميه على الاقل.

 

[anw-exchange]

يمكن قرار الايقاف ما منه فايدة بس شوي برد جبدي لما شفت باقر مقهور حسيت انها جت بالصميم

 

[qatel4]

السوق كله كان بالحد الادنى بعد شنو عندهم ينتقمون منه
في جميع الحالات هاليومين اللي سكروا فيهم السوق يأخرون الخساير لا اكثر ولا اقل

 

[بوغمازات]

السوق راح يكون هبوط حاد ,, واتوقع يوصل الي 5000 نقطه واقل ...

 

[wooow]

هذا اللى كنت اكلم الربع بالديوانيه عنه ... قلت: تصريح باقر ما يطمن وعندى احساس ان الجماعه يبون يتقاضون من توقيف البورصه هالجم يوم وياخذونها بأثر رجعي

لكن الله لا يوفق كل مسؤول نيته باطله

 

[anw-exchange]

مانقول الا حسبي الله على كل ظالم دمر صغار المستثمرين وخسرهم