أنظر لحاسبي فيه ملايين لكن .... وش الحيلة

[ربحان]

السلام عليكم ورحمة الله وبركاته ,,,

أخواني الكرام :

أنا ابدخل بالموضوع علطول ... وأقول :

الحين اللي يفتح حساب بالأوسط ويحط فيه دراهم .... وش يزين ...

أنا درست النظريات على استأذنا المهندس سيف والحمد لله شرح واضح وسهل في دورة الرياض الأولى .

لكن أرجو من الأخوة الكرام أحد يتفضل علي ويفتح لي الطريق لأني ما أدري شلون أشري وأشري من أي شركة وأين الستوب لوز في موقع الأوسط طبعاً

أسئلة أرجو منكم أن تخبروني بها وأكيد كل واحد منكم يعرفها ...


وأخيرا أنا ابي شركة أبدأ فيها للتجربة فقط .


أعذروني على الأسئلة لكن أتوقع أي شخص مبتدأ يحتاجها وهي ملخصة كالتالي /

كيف أشتري في الأوسط ؟
وأشتري من أي شركة في البداية ؟
وأين الستوب لوز في الأوسط ؟
وماذا بعد ذلك ؟

طبعاً أكيد سأتابع الشارت وأحلله لكي ابيع لو وصل الهدف ؟

 

[امواج]

الحمد لله انه في حد مثلي ضايع في الطوشه .... مب بس انا بروحي حاسه انه العالم كلهم في صوب وانا في صوب ... فتحت حساب في الاوسط وبعثت لهم الفلوس ولحد الان ما في شي في محفظتي المالية....
لكن حتى لو في شي ... إيش اشتري وكيف الطريقة؟؟؟
أنا لو بس حد يعلمني الخطوات الأولى وعقب خلااااااااص انا بروحي بادبر أموري وبا ألعب في السوق لعب ....
يا جماعة ترى هذي التخاريف كلها لاني توني راجعة من الشغل والظاهر انه صادتني ضربة شمس ....
الله كريم انشاء الله

 

[أبو راكان]

النصيحة بجمل

وش لكم بالأوسط أو أي بروكر محلي....عليكم بالبروكر الأمريكي الأمريتريد
(Ameritrade) أرخص منهم وأسرع منهم وشرط بخمس ثواني إنت شاري السهم أو بايعة..وعمولتهم ثابتة سواء شريت سهم ولآ عشرة ألاف سهم 10.99$...

 

[أبو راكان]

للعلم أنا مثلكم جديد على السوق ماصارلي شهرين(يعني للآن أحبي) وللآن ماواجهتني أي مشكلة معاهم ولله الحمد......

 

[بو محمد]

لا تحــاتون .....

الشباب بالمنتدى مايقصرون ,,الشرح بالأرقام

تــروح للكرت الأصفر وتعمل كليك

1- نــوع العمليه شــراء/ بيع

2- اسم الشركه

3- كميه الاسهم

4- نــوع الأمـــر ضلل الـ limit order (يعنى راح يشترى بالسعر اللى حاطه بالظبط) أكيد لما يوصله ويمكن يشتريـلك جزء من الكميه

5- الــســعــر (احرص على وضع السعر صحيح )

6- المدة تبى الأمر فعوله يوم . , أو اكثر اذا أكثر روح حق good for وحط مدة الطلب

7- عرض الطلب .

هذه المرحله الأولى

 

[بو محمد]

تــأكــد ...

مــن المعلومات اللى بالأحمر

- ضع رقمك السرى اللى بالاصفر ثم انتر ...

وبالتوفق وراح أكملك الشرح اذا تبى

بالنسبه لاختيار السهم وسعر الدخول والبيع فهذا موضوع اخر أكلمكم فيه تالى

والستوب لوز تقدر تسويه بعد ما تشترى السهم طبعا

وتروح تأشر على سل (1)

تروح للخانه رقم (4)

stope order اللى معناها بيع لما يوصل سعر السهم الى كذا ولما يوصل يبيع بسعر السوق

مثال انت شارى سهم بـ 6 $ وخايف ينزل وماتلحق الستوب لوز

تعطيه سعر مثلا 5.5 $ أى ياكمبيوتر اذا وصل سعر السهم الى هالرقم بيع الاسهم

بسعر السوق مو شرط السعر اللى حاطه يعنى يمكن يبيع كميه على 5.48 $

وكميه اخرى لى 5.45 $ وهكذا ...

stope limit order فى المربع الأول اللى على اليسار 5.50 $ والثانى 5.250 $

يعنى اذا وصل السهم 5.50 $ راح يعرض أسهمك للبيع على 5.250 فى السوق

وراح يتم البيع مابين السعرين مو أكثر من 5.50 $ ولا أقل من 5.250 $

وان شاء الله يكون شرحى سهل ومفهوم

واى استفسار انا بالخدمه .

بالتوفــــيق ان شاء الله

 

[بو محمد]

نصـــيـــحة .....

أنصحكم بالتعامل مع وسيط أمريكى مثل أمير تريد

أو اللى أنا معاهم E*trade صراحه 100 %

بس مو الحين خلكم مع الأوسط لمدة 6شهور لغايه ما تعرفون السوق عدل

وتابعو المنتدى وان شاء الله خير

تحياتــى ....

 

[bu-abdullaziz]

يعطيك العافيه بو محمد

البرنامج الى حاطه هل هو الاوسط برو ؟!!

اذا نعم شلونه معاك فى تنفيذ الاومر !!

وشكرا

 

[بو محمد]

هلا بو عبد العزيز

نعم هذا برنامج الأوسط

بالنسبه لتنفيذ الأوامـــر صراحه جيد جدا ...

بس عيبهم العموله , بعض الأوقات السيرفر داون , مافى امكانيات قويه

مثل لايف شارت للماكد أو rsi ... الخ , ولا لايف نيوز (

ولا ليفل تو ,سل شورت ..... أشياء مهمه جدا غير متوفره

الله يوفقهم .

تحياتى ...

 

[malk]

الأخ بو محمد

جزاك الله كل خير

ما قصرت

كنت ناوي أجاوب الشباب بالصور

لكن مثلك سباق إلى نفع إخوانه ما شاء الله عليك

بس لو حطيت لهم الشاشات اللي بالعربي كان أحسن لهم

بالتوفيق

 

[Abu Faisal]

شباب سؤال "ملقوف معليش"

شريت كتاب المال والاستثمار في الاسواق الامريكيه؟
والاهم هل قريته؟ السؤال موجه للاخت امواج والاخ ربحان
لانه راح يفيدكم كثير

 

[ربحان]

شكرا لكم يا أخوان ...

وسوف أجرب وأرد عليكم لو صارت لي اشكالات


شكر الله لكم وجزاكم الله خيرا