لـــــيش متضايق

[مساهم11]

كثر هذي الايام من يقولك

انا متضايق


انا زهقااان


انا متملل


ممكن نفتح قلوبنا ونقول شنو منو الي مضايقنا ؟
ولو بالتلميح الغير صريح

 

[مساهم11]

انا متضايق للي قاعد يصير بمجلس الامه

 

[NoOoOoR]

أنـــــا متضايقه من الدوام والمـــــــدير::verymad::

دايمـــــــــــا اجازتي مرفوضــــــــــــــــه

ما توقــــــــــع الا بطلعـــــــــة الروح

وشكرا على الموضوع

 

[شجرة العود]

أنا متضايقة من حال الدنيا ومن الناس اللي تنكر العشرة والمعروف ::verymad::

 

[الهمس الخجول]

متضايقه بسبب سووق البورصه والأحداث اللي صارت الفتره الاخيره بالكويت

 

[sms 74]

وشنو الشي اللي ما يخليك تتضايق ,,, بصراحة كل شي صاير غلط بهالوقت ,,, ووين ما تتوجه مشاكل وعوار راس
بس عاد انا حييييل الحمدلله متفائل واونس نفسي وما اوقف عند اي موضوع يضايقني والامل بالله كبير

 

[yoyo1983]

كثر هذي الايام من يقولك

انا متضايق


انا زهقااان


انا متملل


ممكن نفتح قلوبنا ونقول شنو منو الي مضايقنا ؟
ولو بالتلميح الغير صريح

صدقني اذا قربنا من الله سبحانه وتعالى بطاعته وعبادته راح انعيييش بسعاده ماتنوصف

عسى الله يغفرلنا ويرزقنا السعاده بالحلال​

 

[ابو عذبي كويت]

السلام عليكم والله وضع البلد ايضيق الخلق اتصدقون اغلب الشباب ايفكرون بالهجره عسافه على بلدنا الحسد كلاها اكل واطمع والجشع الله يستر من الجاى

 

[nestla]

متضايقه من حظي النايم .
بس الحمدلله على كل حال

 

[مساهم11]

شكرا للجميع للمشاركه

اختي سويت ليلي كلام جميل
ولكن لا يخلوا اي منا من طوارئ الامور التي تغلب علي النفس البشريه
وان ادعينا بغير ذلك
حتي في الصلاه لا نسلم من التفكير والهم

 

[acton]

السلام عليكم والله وضع البلد ايضيق الخلق اتصدقون اغلب الشباب ايفكرون بالهجره عسافه على بلدنا الحسد كلاها اكل واطمع والجشع الله يستر من الجاى

متضايق من الغربه اللي انا فيها وبرجع الكويت وشنو مايكون احب ديرتي وشي واحد راح اتضايق منه اذا رجعت واهو الطائفيه ماحب يصير فيها جذيه

 

[maha_Q8]

أوضاع الديره ما تسر الخاطر ووضع البورصه ..........وغيرهم

الله يحفظ لنا الكويت واهلها.......من كل سوء وحاقد

شكرا

 

[مساهم11]

انا متضايق ان ولدي طاح وانشقت شفته

 

[sms 74]

انا متضايق ان ولدي طاح وانشقت شفته

سلامات انشاء الله وما يشوف شر ,,,,

 

[مساهم11]

الشر ما يجيك اخوي sms 74
والحمدلله جات سليمه

اشكرك للسؤال

 

[(فزاع)]

اتضايق ..؟ اتكدر ..؟ يضيق صدري ..؟
حق ليش ..؟ حق شحقه ..؟

انا عايش بهالدنيا جم مره ..؟
مره وحده عدل ..؟

طيب ليش ما اعيشها بالطول وبالعرض ..!

وأي شخص او اي شي بهالدنيا يحاول يكدرني ..
فـ بكل بساطه اقول له ..
مو انت .. ولا عشره من امثالك يقدرون يضايقوني ..
حتى لو اجتمع مجلس الامن \ مجلس الامه بكبرهم ..!

الدنيا حلوه .. وبسيطه ..
وباجر راح يكون احلى ..
احلى بـ وايد من اليوم..!
علشان جذي ..
ليش يضيق صدري ..؟​

 

[nestla]

اتضايق ..؟ اتكدر ..؟ يضيق صدري ..؟
حق ليش ..؟ حق شحقه ..؟

انا عايش بهالدنيا جم مره ..؟
مره وحده عدل ..؟

طيب ليش ما اعيشها بالطول وبالعرض ..!

وأي شخص او اي شي بهالدنيا يحاول يكدرني ..
فـ بكل بساطه اقول له ..
مو انت .. ولا عشره من امثالك يقدرون يضايقوني ..
حتى لو اجتمع مجلس الامن \ مجلس الامه بكبرهم ..!

الدنيا حلوه .. وبسيطه ..
وباجر راح يكون احلى ..
احلى بـ وايد من اليوم..!
علشان جذي ..
ليش يضيق صدري ..؟​

ماشاالله على التفاؤل الي عندك , كنت محتاجه اسمع مثل هالكلام عشان اتفائل .
شكرا لك و ان شالله دوم نكون متفائلين

 

[بوالعيس بيك]

السلام عليكم

انا متضايق مؤقت والسبب أوضاع البورصه ..

ومتفاؤل بالمستقبل

 

[قلم حر]

انا لما اتضايق اروح الديوانيه واشوف الخادم اللي بديوانيتنا وافكر فيه
واقول هذا المسكين تارك امه وابوه وعياله وزوجته ومتغرب عشان 50 دينار
اللي يالله تكفيهم اكل وهم راضي ومستانس ... هنيه اقول اللهم لك الحمد
والفضل والمنه على النعمه اللي احنا عايشين فيها ولكن للاسف الكثير فساقه مايحمدون ربهم على بالهم النعمه دايمه مايدرون النعمه زواله ولا واحد قبل كم يوم صاكه فيه الدنيا تقول ميت له عزيز والسبب المطعم ماحط
له دقوس على الساندويج وغيره زعلان زين ما طلق زوجته والسبب كان الاتصال بالانترنت بطئ وواحد زعلان ليش فلان يقلدني ويشتري نفس جوتيي .

اقول اذكروا الله واحمدوه بكرة واصيلا

 

[nouf]

انا متضايق مؤقت والسبب أوضاع البورصه ..

ومتفاؤل بالمستقبل

انا معاك البورصه اكلت كل ماعندي