▀▄▀ مواليد السبعينات بس يدخلون ▀▄▀

[قلم حر]

ممكن تقولون لي شنو ؟؟؟ قواري عديله ؟؟؟؟

مفردها قاري
ادري على بالج قوري
نوع عديله تراد مارك يعني ماركه مسجله

 

[maha_Q8]

مفردها قاري
ادري على بالج قوري
نوع عديله تراد مارك يعني ماركه مسجله

ههههههه مشكوووور على التوضيح

كلمة (( قاري اعرفها )) بس ما ركة عديله ​

 

[ريّس نفسه]

ههههههه مشكوووور على التوضيح

كلمة (( قاري اعرفها )) بس ما ركة عديله ​

ماركة عديلة هي ماركة القاري المشهور بذاك الوقت .. خبرج الكويتيين هبة بكل شي

هذا تقريبا شكله

 

[maha_Q8]

ماركة عديلة هي ماركة القاري المشهور بذاك الوقت .. خبرج الكويتيين هبة بكل شي

هذا تقريبا شكله

مشكووووووور على التوضيح والصوره​

 

[بن فرناس]

ماركة عديلة هي ماركة القاري المشهور بذاك الوقت .. خبرج الكويتيين هبة بكل شي

هذا تقريبا شكله

كنا انسميه قاري بالون

واللي يملكه كنه يملك مرسيدس اخر موديل

 

[kuwaitey]

كنا انسميه قاري بالون

واللي يملكه كنه يملك مرسيدس اخر موديل

اذكر قارى البالون انعم قارى بسواقه كنت اخذه من راعى الكواى

تذكر قارى سبورت اول مانزل اللى بريكه داخل الدواسه وشغل استعراض

بريكاااااات ويعرض فيك القارى تسوى تجنب فيه = درب الحيه

ومرات اذا فلسنا وماعندنا تيل نأجر القارى الفره بخمس تيل

 

[.:. عطر .:.]

منو يذكر نشيده ما دري قصيده بالإبتدائي الي يقول أولها و الله يكفيكم شر تاليها

قد خرجنا عندما جاء الربيع ..... و أقمنا في خيام بالفضاء
حولنا العشب على الرمل البديع ..... و طيور البر تمضي في الهواء

ياليت من يذكرها يكملها أو يعدلها بس صج نشيد يوون ن ن ن ن ن س الله يرحمها
من ايام

اذكر نشيدة تحية اللقاء .. هل تعلمون تحيتي عند الحضور إليكمو .:. انا ان رأيت جماعة قلت السلام عليكمو

و على طاري القواري تذكرون يوم كنا نسمي السيكل طرطعان :d

البنات تذكرون مريول الالعاب الابيض المكشكش و الجوتي -تكرمون- باليه

الله يوسع صدوركم بالعافية ما عندي مشكلة اعترف اني مواليدكم ههههههه .

 

[ريّس نفسه]

كنا انسميه قاري بالون

واللي يملكه كنه يملك مرسيدس اخر موديل

بالضبط مثل شعور هالاخ



اتوقع هذا شكله عديله .. نبي احد يأكد او ينفي المعلومة

 

[ابن ضعيان]

للذكرى فقط
نشيد قلمي:

قلمي قلمي .. نورُ الأممِ
أنت صديقي.. عند الضيقِ
أنت هنائي .. فيكَ رضائي
يوم نجاحي .. كنتَ سلاحي
نادوا حَوْلي .. وارعوا قَوْلي
يحيا القلمُ .. هو والعلمُ



نشيد الطائر:


يا طائرا ما أجملك.. يا زهرة في الشجرِ
أنت على الغصن مَلك.. مكللا بالزهرِ
سر في هواء حملك.. وطر بغير حذرِ
لولا جهاد أمّـِك .. يا طائرا لم تطرِ



وأخيرا نشيد الأسير اللي كسر خاطري:


وقف الأسير مقيدا ****بين الأسنة والعدا
وإذا تلفت حوله****وجد السلاح مسددا
قالوا له--- ماذا أعد أميركم****للعاديات وجندا
إن بحت بالأسرار عشت****مدى حياتك سيدا
فتبسم المأسور من****هذا الكلام ورددا
عاشت بلادي حرة****ولها دمي من الفدا
أفنى ويبقى في علا****وطني الحبيب مخلدا

 

[mai-Q8-83]

لووووووووووووووووووووول

سوالف حلوه

 

[Kuwait]

÷

 

[لندن]

تذكرون شجرة الكنار؟


إللي بيته في كنار مبتلش فينا طايحن له تحذف

والله أنك ذكرتني يوم حذفت علي لشجرت لكنار بفريجنا والحذفه راحت بالقلط وكسرت جامت مرسيدس جارنا :d:d

 

[AutoCad]

والله أنك ذكرتني يوم حذفت علي لشجرت لكنار بفريجنا والحذفه راحت بالقلط وكسرت جامت مرسيدس جارنا :d:d

ودرو عنك ؟

أشهد إنك أكلت طق لين قلت بس :d

 

[لندن]

ودرو عنك ؟

أشهد إنك أكلت طق لين قلت بس :d

بحزتها الوالد يقول الي يحب النبي يظرب::d:d

 

[ابوفهد2008]

بالضبط مثل شعور هالاخ :d

مشاهدة المرفق 113760

اتوقع هذا شكله عديله .. نبي احد يأكد او ينفي المعلومة

اتوقع بالون 24

 

[AutoCad]

في سالفة مشهورة فيها السبعينات

الفلعه

من الشطانة لازم مفلوع سواءً بصمية أو حايش طرف باب السكة أو أو أو


يعني تعددت الأسباب والفلع واحد

بالنسبة لي حدث ولا حرج

منو يذكر فلعاته؟

 

[acton]

اتذكر اول ايام حبل الغسيل بالحوش نتعلق عليه ونشد فيه واول الحبل مومثل الحين بسرعه ينقطع المهم تعلقت فيه واطيح على زاويه البيت والدم تقول نوافير للحين العلامه موجوده ​

 

[هورنت]

الله عليكم

رديتونا لأجمل ايام العمر ,, <<< من مواليد الـ 70

كل ماقيل في الموضوع تم عمله وبجدارة

​

 

[weld.q8]

والله بجيتنا من الذكره الحلوه ............... انا اذكر باص 25 اودينا سوق الحمام مع الدياي والحمام ومر على شركه هوندا الي بالديره انشوف سياكل 50 سي سي

 

[RichMan]

تذكرون التلفزيون قبل يوم الجمعة الساعه 9 الصبح يبطل واول شي يطلع القران الكريم وعقبه جريندايزر وعقبه الزنكلوني مادري عصفور افندي ...

تذكرون تلفون الوزارة للبيت اللي يجي معاه سله

المدارس قبل كانوا يعطونا كشاكيل عليهم صور صباح السالم وجابر الاحمد رحمة الله عليهم وكانو بعد يعطونا قطع خام رصاصي

تذكرون (( جواتي بروسلي )) اللي لونهم اسود وعقب طلعت اشاعه ان مكتوب عليها من تحت ((الله))

تذكرون مقاوم الساعات ؟!؟ تجي لربعك وتغطي ساعتك وتخلي السير بس طالع وتقوله قامت ؟؟ واذا وافق تبدل الساعه معاه ؟؟ (( هذي كانت عندنا بالجهره قبل ))

مواليد 1974