ساعدوني يا شباب !!!!

الموضوع في 'اعلانات المركبات' بواسطة P.Engineer, بتاريخ ‏16 نوفمبر 2008.

حالة الموضوع:
مغلق
  1. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    السلام عليكم ....

    كنت مدخل سيارتي كراج الغانم بسبب صوت بالبريك .. وهل مشكلة مو قاردين يحلونها من شهرين تلعوزت معاهم مو عارفين شنو الخلل وبدلوا مليون قطعة حتى رنقات والتواير تبدلت وليه الحين الصوت موجود حتى وصلت ليه درجة قاموا يبدلون دهن الباكيكس علشان الصوت ...

    مو هذي المشكلة .. المشكلة أن يوم السبت دقوا علي طلبوا مني أيي الكراج .. رحت ولا يقولولي أنه السيارة طاحت من الجيك (الرافعة) ودعمت الطوفة وتضررت السيارة من جدام .. المداقر الأثنين والدعامية تكسرة واليت في خدوش والباب ما قام يفتح !!

    وصار مشادة بيني وبينهم بالكلام وقولهم هذي السيارة أنا مابيها خلاص أولا فيها مشكلة البريك الي ما تنحل وثانياً دعمتوا فيها كسرتوها .. الحين شنو اسوي فيهم !! السيارة ما زلت تحت الكفالة وهذي غلطت الغانم .. أحد يفيدني شنو اسوي ؟
     
  2. م \مبارك

    م \مبارك عضو جديد

    التسجيل:
    ‏19 مارس 2008
    المشاركات:
    128
    عدد الإعجابات:
    0
    السلام عليكم ورحمة الله وبركاته
    أخوي مايبيلها شئ السالفه ...
    أولا : الموتر فيه خطأ مصنعي اللي للحين عالكفاله وتطلع فيه أصوات ما عارفين المشكله من وين هذي شغله

    ثانيا : مادام الموتر تعور عندهم المفروض انك تقدم شكوى للاداره وتقول فيها فوق ما السياره خربانه خراب ماله علاج واهي للحين عالكفاله السياره طاحت عندكم بسبة الاهمال وانا ابي تبدلونها بغيرها جديده او تاخذ تعويض نقدي .

    ثالثا: وأخيرا اذا السياره عليها تأمين شامل شوفهم يعوضونك بقيمتها كامله اذا عندك واسطه بشركة التأمين
     
  3. BO.MSHARY

    BO.MSHARY عضو جديد

    التسجيل:
    ‏5 يناير 2008
    المشاركات:
    225
    عدد الإعجابات:
    0
    تبي نصيحتي !!

    أرفع عليهم قضيه وريح بالك .
     
  4. Rap Soul

    Rap Soul عضو جديد

    التسجيل:
    ‏2 سبتمبر 2007
    المشاركات:
    966
    عدد الإعجابات:
    0
    قبل ما ترفع القضيه اخوي كلمهم بالطيب وقولهم ابي تعويض نقدي او سياره جديده
    وفي حالة عدم موافقتهم هددهم بأنك بترفع قضيه واذا ما فاد ارفع القضيه
    وعسى الله يوفقك
     
  5. بور-صا

    بور-صا عضو نشط

    التسجيل:
    ‏8 يونيو 2007
    المشاركات:
    4,112
    عدد الإعجابات:
    0
    مكان الإقامة:
    حَيْثٌ يَآِمُرُنِيْ آٍلْشُوُقْ
    اخوي اذا مانفع معاهم الطيب راسلني على الخاص عندي لك محامي شاطر وحقك تاخذه وانت مرتاح وصدقني ماينفع معاهم غير القانون لانهم راح يماطلون معاك والله يعينك واي استفسار انا حاضر
     
  6. aadm1

    aadm1 موقوف

    التسجيل:
    ‏22 يونيو 2005
    المشاركات:
    981
    عدد الإعجابات:
    2
    اخوي الله يعينك

    الظاهر واحد قوي معطي سيارتك عين ما خلاها تترقع

    حمدالله علي سلامتك وان السيارة انت مو فيها

    وتتعوض انشاء الله
     
  7. alnmr

    alnmr عضو نشط

    التسجيل:
    ‏12 سبتمبر 2008
    المشاركات:
    796
    عدد الإعجابات:
    77
    اخوي والله اني ناصحك لاتستلم السياره الا ونت رايح المقفر ومسوى اثبات حاله ونا اخوك انطح الصياح بالصياح لان ديرتنا يبيلها واحد السانه طويل اولاتنسا تمر حمايه المستهلك اذا طحت ابشباب شقرديه تراك اخذت سيلره جديده اوبالتوفيق
     
  8. alnmr

    alnmr عضو نشط

    التسجيل:
    ‏12 سبتمبر 2008
    المشاركات:
    796
    عدد الإعجابات:
    77
    سياره جديده انشاءالله
     
  9. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    مشكورررين على ردودكم ما قصرتوا ... أنا السيارة رفضت استلمها من أول ما شفتها .. وقلتلهم مراح أخذ السيارة .. وعرضوا علي أنه يصبغون السيارة كامل مع تبديل كل القطع المتضررة وأنا رفضت هل حل .. بس الحين أهما ناطرين تنحل مشكلة البريك بعيد بينظرون لموضوع الدعمه ..

    أخاف اسويها قضية والسالفة تطول وصير فيها روح تعال .. كلمت حماية المستهلك قالولي أنهم راح يساعدوني في مشكلة البريك أما سالفة الدعمة فهذا تخصص المحكمة لازم أنا اسوي أثبات حالة من المخفر وقدمها حق محكمة المدنية أو شي جذي .. مادري إذا لكم راي ثاني فيدوني ..
     
  10. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  11. pirateee

    pirateee عضو جديد

    التسجيل:
    ‏29 يونيو 2007
    المشاركات:
    89
    عدد الإعجابات:
    0
    السلام عليكم
    للاسف يمكن كلامي ما يعجبك بس هذا السيناريو المحتمل....
    هذا مو رايي ولا كلامي بس اللي صار معاك نفس اللي صار مع واحد من الربع ومشكلته مع الغانم...
    رفع قضية وقعدت بالمحاكم تقريبا ثلاث سنوات وشوي وما اخذ منهم اي حق بالعكس دفع ارضية للسيارة, حتى ان القضية تحولت لادارة الخبراء وعمه يشتغل هناك وهم ما قدر يفيده.
    غصبن عليهم راح يصلحون السيارة بخصوص سالفة الجيك, وسالفة البريك بيقعدون يجربون شغلة شغلة لما يصيدون الخراب من وين.
    نصيحتي انك تحاول تطلع منهم باقل خساير ممكنه.
    والله يكون بعونك ويعوضك
     
  12. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    اي هذا الي احاتيه تطول السالفة ... ناطر بدقون علي نشوف شنسوي فيهم ..
     
  13. sorry

    sorry عضو جديد

    التسجيل:
    ‏30 ديسمبر 2005
    المشاركات:
    251
    عدد الإعجابات:
    0
    اول شي لا تستلم السياره
    ثاني شي اطلب مقابله احد المدراء العامين (( لازم يكون احد ابناء الغانم ))
    وانشاء الله ماراح يظلمونك
     
  14. FreeTrader

    FreeTrader عضو محترف

    التسجيل:
    ‏15 سبتمبر 2005
    المشاركات:
    9,696
    عدد الإعجابات:
    10
    مكان الإقامة:
    الكويت
    فعلا كلمهم بالطيب اولا
    ..
    بقولك الشغله الي صارت لي معاهم للاسف (كراج تعبان)
    بدلت مضخه البانزين عندهم (طبعا سيارتي ماهي على الكفاله ) ودفعت تقريبا 150 دينار

    استلمتها بعد يومين تقريبا ومشيت فيها اسبوع ولا في احلى منها
    بعد اسبوع اوقفت علي سيارتي الساعه 5:30 الفجر :) على الخط السريع !! ايضا من المضخه
    المهم يا محفوظ السلامه وديتها الكراج وبدلو المضخه على الكفاله لان المضخه مكفوله 30 يوم بس قالولي تدفع اجور التركيب !!!! 38 دينار
    قلت مو مشكله بس ارتاح من هالسالفه وخاصه اني مأجر سياره

    المهم تصدق السياره قعدت بالوكاله 13 يوم تقريبا وموعارفين المشكله !!! خاصه اني كل ما اكلمهم بالتلفون يقولي للحين ما خلصت
    وحتى لما اروح الكراج يدخل على الكمبيوتر ويقولي للحين مو عارفين المشكله
    وانا للحين ادفع اجار السياره لين وصل اجاري تقريبا 135 دينار

    نفذ صبري اخر الايام ورحت بكل هدوء وكلمت مدير الكراج وقلتله انا ناوي اشتكي رسمي عليكم لاني دريت انه السياره ما لمسوها تقريبا 5 ايام والي قالي الهندي الي ماسك السياره لانه يقول انه السياره خالصه حسب الي مستلمها قبله
    المهم لما تاكد من ملف العمل للسياره وفعلا شكوتي في محلها تاسف طبعا وقالي راح ندفعلك قيمه اجار السياره الي ماجرها منهم بس علي ادفع رسوم التركيب وحلينا المشكله وديا

    وهذا ما انصحك فيه الان قولهم انك ناوي تشتكي اذا مالقيت حل يرضيك بدون اعصاب ولا تهور وراح يقدرون حالتك
    ان ماصار مالك الا وزاره التجاره قسم حماية المستهلك وراح يقومون بالواجب اكثر

    صدقني عند التجاره ماراح يضيع حقك
     
  15. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    اخوي ....

    عيال الغانم ناس اياويد

    اطلب مقابلة احد المدراء من عائلة الغانم... وبالهداوه واللين والكلام المعسول والشرح الوافي .... يعطونك حقك + زيادة + بوسه على راسك

    لكن مو تروح حق طوني وكومار ومدحت وجان بيار ...........

    الهواش ما يجيب نتيجه ... واذا ما نفع الكلام .. قول لهم مشكورين وروح حماية المستهلك مع محامي شاطر ... واذا محاميك شاطر حيل يقدر يجيب لك تعويض بقيمة السيارة واذا شاطر حيل حيل يطلع لك بتعويض نفسي لأن نفسيتك تأثرت خلال فترة العطل بقيمة 5001 ثانية
    غير سعر السيارة واذا اثبت ان انت قمت بتأجير سيارة بديلة خلال فترة العطل المحامي يجيب لك فلوس التأجير ... واذا اثبت ان ترتبت عليك خسائر مادية اخرى جراء فقدانك وسيلة انتقالك مثلا خسرت صفقة او تأخرت بمعاملة ترتب عليها رسوم او مخالفات راح تكون من التعويض ... وحاول قدر المستطاع تكون موثق كل شي بالوثائق والفواتير والمستندات

    بعدها راح يبوسون ايدك عشان يعطونك سيارة ثانية من الوكالة ... وتتنازل ... ووقتها قول ما ابي كراجكم .... بس يبيلك طولة بال ومحامي شاطر جدا
    واحذرك من استلام السيارة او التوقيع على اي ورقة ....

    ترى الموظفين يحاولون قدر المستطاع ابعاد المدراء عن المشاكل ....

    ولا تنسى تصور السيارة بكاميرا نوعية جيدة وبين الضرر حفظا لحقك

    المثل يقول ( اللسان الليّن ... ياخذ الحق البيّن )
     
  16. العنيزي

    العنيزي عضو جديد

    التسجيل:
    ‏26 أكتوبر 2007
    المشاركات:
    40
    عدد الإعجابات:
    0
    لا تنسى الدعاء اللهم لاسهل الا ماجعلته سهلا وانت تجعل الحزن اذا شئت سهلا

    اللهم انصرني على من ظلمني وتحسب عليهم حسبي الله فيهم ونعم الوكيل
     
حالة الموضوع:
مغلق