تو الناس يازين

[معاي الحق]

عندي خطين والاثنين من شين
والحين سجلت على فيفا
لاني ناوي اشوت شين شلوت بلا رجعة

الحرامية، كنت مسافر 10 أيام ويوم رديت الاقي فاتورة خيالية
يوم طلبت الكشف لقيت ان اللي كانوا يدقون علي والخط مو معلق عندي،
الخط يفتح ويحسبونها مكالمة خارجية علي

والخدمة السيئة من عندهم ، يعني لا انا تكلمت ولا غيري قدر يوصللي

والفاتورة غصب عني دفعتها

 

[المتسامح]

أقوي رد مؤلم بالنسبة لشركة زين هو الغاء خدمتهم و الرحيل الي شركة أخري..
خاصة اذا كان خطك نظام فاتورة ( Postpaid) .

من واقع معرفتي بهم جيدا .. لا يهمهم علي الاطلاق أنتقادهم كلاميا ..
فهم لا يحترمون لغة الكلام انما لغة الأرقام !

 

[Castroy]

الشركتين شين وطنية نصابين
كنت على شين اشتراكي ب22 فلس عن طريق شركة وقفلت جهازي لاني مسافر وطلع عليي فواتير ب40 دينار- قمت لغيت خطي واخذت وطنية
كان عليي فاتورة الشهر اللي طاف ب120 دينار وحجبو خدمة ارسال المكالمات
رحت ادفع وقلتلهم كم ادفع وتردولي خدي قالو ادفع 80 دينار ونردلك الخط
دفعت المبلغ وبعد اسبوع اتفاجئ يلغون خطي نهائي
يعني مافي سيرفس لا ارسال ولا استقبال
ودقيت عليهم وقالولي مالنا شغل-- الالغاء صار من قسم التحصيل- ادفع ال45 دينار اللي عليك ويردونلك خطك!!!!!
وانا ماصارلي 8 ايام دافع 80 دينار!!!!!
والله ابيع خطي حتى لو 1 واروح على فيفا

 

[mohabbas]

شئ متعارف من زمان ماكوشئ جديد

 

[fhfh]

شهالمدح اللى مالة اساس حق فيفا متى جربتوها وعرفتوا زينها من شينها جربوها اول وبعدين امدحوها على كيفكم

 

[fabulass]

تكفه رد الدقايق عليهم

 

[D.NeT]

بو يوسف هذه ( شين ) وانت تعرف من رئيس تنفيذي للشركة وما صله القرابه مع ناصر الخرافي

انا راح انقل خطي من الوطنية الى فيفا حتى لو سعر الدقيقه 500 فلس ابي اطلع حرتي بالشركتين

 

[hhh_hhh]

بو يوسف هذه ( شين ) وانت تعرف من رئيس تنفيذي للشركة وما صله القرابه مع ناصر الخرافي

انا راح انقل خطي من الوطنية الى فيفا حتى لو سعر الدقيقه 500 فلس ابي اطلع حرتي بالشركتين

حبيب يا دكتور
طلع حرتك طلعها .. الله يعينهم من حرتك .. وطلع خردتك وبيزاتك بعد زيادة .. وبالنهاية يمكن تزيد حرتك حرة ثالثة فوقهم .. أو تبرد على حرتينك:d

 

[hhh_hhh]

عفوا ... أخوي لا تندفع وايد وانه ماني خلق أندفع وايد بالكلام ... وماني متناقش وايد وياك . لكن أحب أقولك شغله آنه أوضح وأطلب المجال للتوضيح وحسن النقاش . وماني محامي ولا قاضي لكن أتكلم لوجهة نظري وخبرتي . لا أطعن في قول أحد ولا أنتقد أحد معين . وأرجو عدم الرد بمثل هذا الأسلوب الهجومي .

هذا من باب الرد الطبيعي ... أما من باب فتح النقاش

فنعم أعرف الكثير ... وأبسط شي أعرف واحد وهو بنفسه قالي و وقالي أن أستلم الهديه ... وهي موبايل مع خط ذهبي وأذكر ان كان الموبايل n95 نوكيا العادي وخط ذهبي مجاني له . وهذا غير أن في مشاركة في سابقه في أحد المواضيع الموجوده في هذا المنتدى يتحدث عن هذا الكلام .. ويا ..... ألم ترى ما قال كاتب الموضوع في صلب الموضوع . أرجو عدم التكذيب ثانيا ومن وكلك محاميا عن كثير من الاعضاء . وشكرا لحسن الرد الثاني منك مقدما . ​

كلامك عدل يا خوي
انا استفدت من خدماتهم مرتين اذكر عطوني دقايق مجانية وعطوني رسايل مجانية .. وهالكلام من فترة يعني قبل لا تدخل شركة فيفا .. هذا من باب ذكر شهادة حق
ومن جانب آخر أقول ان زين عندها سلبيات في خدماتها واسعارها صحيح
مع هذا ما راح اغير رقمي إلا لما اشوف شركة الثالثة افضل منها بالواقع والاسعار وثبات الخدمة وجودتها وليس بالكلام والشعارات والعروض التسويقية

 

[بويوسف 55]

تكفه رد الدقايق عليهم

واللة ماردالدقايق عليهم شعرة من ظهر 000000

 

[free777]

والله ادفع حق فيفا دبل ولا حق شيييييييييييين .............تستاهل فيفا السعوديه ولا الكويتيه النصابه

 

[النــاقــد]

تذكرون يوم كانوا ياخذون 50 دينار على خدمة "كشف الرقم"

 

[nxman]

تذكرون يوم كانوا ياخذون 50 دينار على خدمة "كشف الرقم"

البيجر 90دك

وكاشف الرقم كنت ادفع 110دك ايام الانطلق واحد مو 50دك

والله لو دقيقة فيفا 5 دنانير لا اسحب على شين حسبي الله عليهم ونعم الوكيل فيني حره منهم ::verymad::

 

[alsaher55]

شين ياشن

اه ياشين وانا صارلى من سنه 1994 والله العظيم عمرهم مادزو او دقو على وقالو لك هديه

اربعه عشر سنه مص فلوس

مع العلم انى مشترك بنظام الفواتير واستقطاع بنكى من بنك الخليج بواسطه بطاقه مالستر كارد يعنى عمرى ماطوفت لبانهم ياخذونها
دايركت من البطاقه
دقوا على مره وقالو فيه عرض واستانست قالو خصم على سعر المسجات الى نص السعر
لمده سنتين
رسائل داخليه فقط
قلت اوكى قالو لحظه تدفع غرامه 100 دينار اذا الغيت الخدمه
قلت خووووش عرض

ههههههههههه

صج حراميه

 

[اشتراكي]

الخرافي صار اغنى شخص بالعالم من ظهورنا وأشكره مايربط الكويت مع

الشبكه مالت زين العالميه اشكره يبون يمصون دم الكوايته اللي حرام فيهم

النفط

ماكو فرق بين الخرافي وعبدالباري قطوان كلهم حاسدينا

انا ماقلت هالكلام الا مقتنع ان شين سرقتني والله ياناس سرقتني بالفواتير

عينك عينك والله سبحانه يحاسبني على هالكلام

 

[khalid592]

الفرج قريب ان شاء الله .. ووداعا يا شيييييييين .. راح اكنسل خطوطي كلها بأذن الله في هالشركه التعبانه (شين)

 

[(فزاع)]

البيجر 90دك

وكاشف الرقم كنت ادفع 110دك ايام الانطلق واحد مو 50دك

والله لو دقيقة فيفا 5 دنانير لا اسحب على شين حسبي الله عليهم ونعم الوكيل فيني حره منهم ::verymad::

جيك على تلفوني .. انطلق 1
حزتها كانت الكوبيه .. والاريل لازم يتعلق فوق.. على ابو ان كشخه ..
ويا حبذا لو كانت عندك شبح .. يكون شغلك تمام .. عدل مدل ..

​

 

[نائب]

:d

جيك على تلفوني .. انطلق 1
حزتها كانت الكوبيه .. والاريل لازم يتعلق فوق.. على ابو ان كشخه ..
ويا حبذا لو كانت عندك شبح .. يكون شغلك تمام .. عدل مدل ..

​

السلام عليكم
مرحبا فزاع شفت صورت انطلق 1 وتذكرت سوالف قديمه كلش ولا عداد البطارية جنه عداد دفاية قاز ههههههههه

ياجماعه تري شعار زين اللي انا حاطه موحبا فيهم لاني مساهم فيها الله لايردها بس ابيع راح افنقر هالشعار واحط فيفا
علي فكرة يمكن بداية السنه يسمحون بتحويل ارقام المشترك علي حسب رغبته خبر موأكيد لكن الصبر زين هذا للعلم قبل تفنقرون ارقامكم وعشان تموت قهر شين تخسر مرتين عميل + رقم ( عصفورين بحجر )

 

[fabulass]

ماراح ينضبطون عندنا الا بهيئة اتصالات و زيادة المنافسة

 

[تفائلوا بالخير]

لاتلومون زين كانت بيوم من الايام ولازالت محتكره السوق لكن اللوم على الحكومه المفروض تحط 10 شركات واكثر وبهالحله المشترك هو المستفيد انا سمعت ان في بريطانيا اكثر من 20 شركة اتصالات