القلاف يناشد الامير بحل المجلس وتعليق الدستور

[الصدق منجاه]

الوطن:القلاف يناشد الامير حل المجلس وتعليق الدستور

عاش سيدنا

 

[mo7amey]

ودي اقول كلام وايد على هالتصريح بس مو وقته كلش ..
بينت على حقيقتك يا القلاف

 

[الصدق منجاه]

والله عاد القلاف اشوف انه خوش عضو
والله محبوب هالعضو

 

[Falcon]

تعليق الدستور مو من صالح الكويت أمام المجتمع الدولي

خصوصا ربعنا الامريكان راح يزعلون علينا

 

[stock sniper]

يحلون المجلس ويفكونا ويخلون الحكومة تشتغل بروحها لمدة سنة خلي نشوف شنهو تسوي

ساعتها نعرف تعطيل التنمية من الحكومة ولا من المجلس اللي مايبي الامصلحتة ومصلحة جماعته

 

[Hit & run]

هممممممممممم

أنا أعتقد المجلس إذا انحل....وتوقف فتره....راح نشوف تنميه حقيقيه....

وبالعافيه على التجار ....إخذوا اللي تبونه...بس عطونا تنميه...

المجلس ...يعيق التنميه....لأن الكل بالمجلس مناشب التجار...

يالله...نشوفه منحل اليوم...

 

[بيتك للتداول]

تعليق الدستور اخطر من الغزو على الكويت يا القلاف؟؟؟؟؟؟؟؟؟؟؟

 

[كوادر]

سنه مو كافى يبيله 4 سنين و خل اللى قاعد يشتغل بالعلن يصييير مثل الفار و يشتغل داخل جحره

 

[mo7amey]

تعليق الدستور اخطر من الغزو على الكويت يا القلاف؟؟؟؟؟؟؟؟؟؟؟

للاسف الناس مو راضيه تفهم هالشي

 

[الصدق منجاه]

تلفزيون الوطن
الداخلية: الفالي سيغادر بعد غد واسمه ضمن الممنوعين من دخول البلاد

 

[ostath]

ودي اقول كلام وايد على هالتصريح بس مو وقته كلش ..
بينت على حقيقتك يا القلاف

بين قصدك ...شنو يعني بين على حقيقته ...لو ساكت احسن

 

[تفاءل بالخير]

تلقونه سامع او متأكد من خبر حل المجلس فقال خل اطلع فيها بطل واطالب انا بالحل جدام الناس

 

[بيتك للتداول]

للاسف الناس مو راضيه تفهم هالشي

الطمع عمى عيونهم صار ما يشوفون الا احمر وخضر ؟؟

يا عالم لا يقصون عليكم بتخضير السوق انتم خسرانين اكثر من 50و60و70% من فلوسكم...

 

[السيل]

القلاف ماصدق انة ينجح ؟؟؟؟؟؟؟؟؟؟؟؟؟؟

 

[مساهم11]

للاسف حضرة السيد اخر واحد المفروض يتكلم عن الحل
لانه يتربح انتخابيا وشعبيا بالتظاهر الخوف علي البلد

 

[الفسكرة]

يا جماعه تذكرون امريكا عندما اعلنت ان الكويت حليف استراتيجي !

امريكا لم تجعل الكويت حليفا استراتيجيا إلا لأنها تمتع بدستور وديموقراطية وهامش كبير من الحريات !!

وغير هذا معروف الاتفاق اللي تم بين بوش الاب مع ابونا جابر الله يرحمه بشأن الحياة النيابية والمزيد من الديموقراطية في البلاد في حال تحريرها ..

كل هذا يجعل من الصعب جدا تعليق الدستور الآن .. ولكن يجب إيجاد حل لمجلس الأمة غير الحل !!

 

[الصدق منجاه]

يا جماعه والله شي يحز بالخاطر
الحين لما الحكومه تتجاوز وما تشتغل
ويجي اي عضو يبي يستجوب...على طول الحكومة تلوح بالحل وتصكير المجلس

خوش ديموقراطيه!!!!

 

[نيويورك]

عندما تأكد للجميع ان حل المجلس على الابواب .. بدأ التسابق في تسجيل موقف او استجواب او اي شيء تطاله يده .. حتى اذا تم حل المجلس مثلا .. فيقول انا السبب و انا اللي طلبت ذلك لتسجل في سيرته الذاتيه .. او انا اللي استجوبت رئيس مجلس الوزراء أو .. أو .. ليثبت للناس انه قوي .. و سجل موقف بحجم الحل او تعليق الدستور ..

 

[mo7amey]

بين قصدك ...شنو يعني بين على حقيقته ...لو ساكت احسن

مو كل كلمة تنقال على الانترنت يا اخوي الشاطر يفهم انا شنو اقصد

 

[تفاءل بالخير]

يا اخي بعض النواب اتقول كأنه قاعد بالروضة على هالتصريحات حسباله الناس ما تفهم