استفسار بسيط عن الكابرس 2007 الشكل الجديد

[سجين الود]

السلام عليكم

شباب انا ابي اشتري كابرس 2007 الشكل الجديد

ابي اعرف شنو مشاكل السياره ؟

حصلتها عند بيت التمويل والغانم المستعمل بسعر 6100

هل السعر يعتبر مناسب ؟

ياليت تفيدوني عن كل مشاكلها ومميزاتها

وطبعا الطلب هذا للمجربين وعارفين الي مايعرف عنها شي

مجرد ان يسمع بالدواوين معذور من الاجابه

وكل الشكر مقدما للجميع​

 

[سجين الود]

طبعا اقصد الـ ltz

لا تأخرون علي ياشباب ابي اخذها هاليومين

 

[سجين الود]

شدعوه معطيني طاف 11 واحد شاف الموضوع

ولا احد تكلم ؟؟

 

[q8max]

والله يالطيب انا استأجرتها من المطار لمدة يومين

بصراحه المدة غير كافيه لتقيم السيارة

بس لاحظت بعض الشغلات مثل صوت اسفل السيارة على ما اعتقد انه في العمود

السيارة فخمه وسريعة جدا .. وشكلها حلو

وهذا اللي اقدر افيدك فيه (( ومبين على السيارة انها استهلاكيه في قطع الغيار))

ونسأل الله التوفيق لك ..

 

[كشخه]

اخذ من بره بيت التمويل مو شي سياراتهم ولا يهمك سعر وفرق 500 دينار من بره اهم شي تاخذ موتر وترتااح


واكيد كابرس الي شفته بيت التمويل لونه كحلي ال دي زد

وكابرس موتر قوي ويتحمل وعند واحد من ربع ماءشاءالله عليه موتر
ومواصفااته حلووه

 

[سجين الود]

شفت اكثر من وحده عند بيت التمويل
وصناعات الغانم بعد اذا عطوني شرط الفحص ابي اخذ منهم

زين اذا اخذتها في احد يقدر يشغل نظام ال جي بي اس

بالكويت مثل سيارات الامارات والسعوديه ؟؟

شاكر لكم اخواني والله يعطيكم العافيه

 

[كشخه]

تقدر اخوي يركبوون لك قطعه الوكاله

 

[سجين الود]

والله ياخوي سألتهم قالوا ماعندنا السي دي

مال البرمجه ويركبونه 200 دينار هذا اذا وصل السي دي

بس شغل بره احسن وارخص

يعطيك العافيه ومشكور على الرد الجميل

 

[مجنون مها]

الكابريس موتر ما عليه كلام

واذا تبي نصيحة اخوك وفلوسك كاش زيد عليهم 900 دينار وروح الدمام وخذ 2008 اصفار من الوكاله واختار اللون اللي تبي والمواصفات افضل من الغانم

 

[قيس]

تقدر اتروح الخفجي معرض التوكيلات ترا الاسعار مناسبة ومواصفات احسن من الغانم

 

[foxmind]

2008 ينباع مستعمل ب 5000 انا شايفه عند المشاتل بس ماادري شنو نوعه بس شفر كابرس وسعره يطيح بسرعه يعني لاتفكر تبيع لانك بتخسر

 

[liger79]

السلام عليكم
اخوي آنا ما اعرف عن الشفر اليديد بس لاحظت انك تبي تشتري من بيت التمويل سيارة مستعمله
اخوي نصيحه لوجه الله لاتاخذ سياره مستعمله من بيت التمويل أو أعيان أو مصطفى كرم أو الشركات عموما لأن أغلب السيارات كانت أجار ... والاجار ما تدري شلون كان استعمالهم .. يعني أرصفه على تشفيط على دعمات خفيفة وووو وأقلها يمشي عالسيارة وهي بارده بالشتاء لا ويحط بانزين عادي مو خصوصي ... وأعتقد ان سعره اقل من جذي بوايد بره .
وشكرا وسامحنا عالقصور​