مبرووووووووك ... حتى الايــجــــــــــار نزل !!

الحالة
موضوع مغلق

النــاقــد

عضو نشط
التسجيل
8 مايو 2006
المشاركات
993
السلام عليكم

حبيت ابشركم بشرى جديدة حلوة وهي نزول الأيجار في بعض المناطق على خلفية نزول تهافت الناس على بيع منازلها.

اتصلت من فترة على اعلان في منطقة عبدالله المبارك بخصوص ايجار شقة مكونة من 3 غرف وصالة و حمامين ومطبخ مجهز وصدمت لما الرجال قالي: الايجار 170 دينار ! ولكن الشقة تأجرت امس !

قلت له الله يوفقك لكن هل هذا السعر "تبرع منك" والا هو فعلا السعر العادل والدارج عندكم ؟

قال لي : والله انا كنت ابي اجرها بـ 230 دينار بس محد اجرها مع انها شقة جديدة وغير مسكونة ! حتى انه ماكو احد اتصل علشان يشوفها على الاقل...!

قلت له: اشدعوة ... الناس كلها تبي شقق ليش ماكو احد اتصل ؟

قال: لا ياخوي اتصلوا ناس لكن لما اقولهم ابيها 230 دينار يقولون يصير خير وما يجي احد !المهم يا خوي بعدها قمت انزل بالسعر حتى وصلت الى 200 دينار ونفس الشيء حصل مع وجود 5 عوائل اتصلوا علي وشافوها لكن ما تم اي اتفاق والحين بصراحة اجرتها على 170 على معاريس كسروا خاطري لكن كان ممكن اعطيها اياهم على 180-190والله كريم ويعوضنا ال 6 اشهر اللي ظلت فيها فاضية ومن دون فايدة

سلمت عليه وانتهى الحوار


هانت يا جماعة ان شاء الله تكون بداية تصحيح لأسعار الايجار اللي صاحبت هبوط اسعار المنازل قولوا امين.
 

Abdulla990

عضو نشط
التسجيل
10 نوفمبر 2007
المشاركات
447
الله يبشرك بالخير
و مشكور على هالأخبار الحلوة :)
 

Prnce

عضو نشط
التسجيل
20 ديسمبر 2007
المشاركات
1,624
الله يبشرك بالخير ان شاءالله والجنة ..
 

طارق55

عضو نشط
التسجيل
13 أكتوبر 2008
المشاركات
397
شئ طبيعي ينزل الايجار بالمناطق الجديده .. غرب الجليب .. جابر .. سعد .. لانه هذه المناطق أغلب بيوتها ناس مسويه شقتين فوق في الطابق الثالث .. يعني أكو خمسين شقه في الفريج الواحد .. أذا تبي تعرف أذا الايجار نزل .. روح أسأل في جنوب السره وقرطبه .. شوف الاسعار النار الي فيها .. فوق ال 500 وأنت طالع
 

مشاري بو ناصر

عضو نشط
التسجيل
15 سبتمبر 2008
المشاركات
1,124
الإقامة
دولة الكويت الغالية
يا أخوان هذا مو مقياس لنزول الإيجارات ...

على شقة واحده تنقاس النزول ...!!!

يا أخي أنا بقولك شي ...
إذا تم تبيع قسائم خيطان والمنطقه الثانية وإذا تم توزيع طلبات الإسكان مع البيوت الحكومية ...
وإذا بلشت الناس في البناء في المناطق التالية ...حطين وشرق القرين وإلخ ...

قولي أهني أن الطلب على الإيجارات قل ... وأن الناس أكتفت إللي طلع لهم بيوت وإللي خلص بناء بيوتهم ... أهني تعال وأحسبها معاي ...
 

BO-MUBARAK

عضو نشط
التسجيل
12 مارس 2006
المشاركات
3,995
مانزل شي بل بالعكس اطمعو الناس وقامو يطلعون المأجرين القدامى ويأجرونها من 370 صارت الحين 450 دينار 3غ 3ح غ خ

لا حول ولا قوة الا بالله
 

محمد2000

موقوف
التسجيل
6 فبراير 2005
المشاركات
1,004
الإقامة
الــQ8ــكــويــت
كثير من اصدقائي ماجرين شقق في الجليب والمنقف وغيرها من المناطق الجديدة .
والاسعار للشقة 3 غرف نوم حمامين مطبخ كالآتي :-
غرب الجليب 250 اقصي حد
المنقف 350 اقصي حد
اما الشقة المذكورة اعلاة يمكن تكون بدون اسانسير وغرفها صغيرة ولا يوجد مواقف سيارات والتكيييف عادي ....!
 

من الكويت

عضو نشط
التسجيل
9 أبريل 2007
المشاركات
1,135
الإقامة
دولة الكويت
يــــــــمكن يختلف من منطقه الى منطقه وعلى حسب المنطقه وممممشكورين على الموضوع وان شالله نزووول اكثر الى اكثر خل الناس تسكن
 

النــاقــد

عضو نشط
التسجيل
8 مايو 2006
المشاركات
993
اول شيء اشكر الجميع على المشاركة في الموضوع واتوقع ان اللي يقول السالفة سالفة شقة وحدة ايضا قد جانبه الصواب, فهذي الشقة بالصدفة طحت عليها و اكيد ما خفي كان اعظم وان قل!

فممكن جدا يكون هناك شقق تاجرت برخص بس محد داري عنها لان المجلات والمكاتب العقارية لما يحطون السعر يبالغون فيه علشان المكاسر !

يعني يقولك شقة ايجارها 330 دينار و بعد المكاسر توصل 270 دينار او اقل بعد !!

يعني عادية السالفة و تحصل بكل شيء تقريبا ينباع و يشترى !


كثير من اصدقائي ماجرين شقق في الجليب والمنقف وغيرها من المناطق الجديدة .
والاسعار للشقة 3 غرف نوم حمامين مطبخ كالآتي :-
غرب الجليب 250 اقصي حد
المنقف 350 اقصي حد
اما الشقة المذكورة اعلاة يمكن تكون بدون اسانسير وغرفها صغيرة ولا يوجد مواقف سيارات والتكيييف عادي ....!



انا اسف اخوي اني ما شرحت عن الشقة شرح وافي فما الومك

سجل عندك

الشقة عبارة عن 3 غرف وحدة ماستر والباقي كل غرفة مقاسها :

4 في 4,5 متر
( اتوقع مقاس جيد اذا مو جيد جدا وماراح اقول ممتاز)

صالة 4,5 في 6 امتار ( ايضا شيء جيد اذا مو جيد جدا ! )

اجلكم الله حمامين

تكييف مركزي !

سخان مركزي!

ستلايت مركزي !

و يوجد مصعد !


بس عيبها مطبخها اشوي صغير يعني يدوب يلحق على عائلة وحدة لكنه مجهز !

اقولكم انا مت من القهر انها طافتني لكن الله يهني صاحبها و اللي سكن فيها ,, وبصراحة قاعد ادور الحين لكن مو لاقي نفس هذا السعر 170 دينار لان بالاساس راعي البيت قال اجرها لمعاريس "اكسروا خاطره" يعني اتوقع السعر العادل للشقة 200 دينار و هو مؤشر ممتاز لنزول اسعار الايجار !

من 250 دينار الى 200 دينار هذا 50 دينار فرق او ما نسبته 20% نزووووول
وشكرا
 

alanzi

موقوف
التسجيل
9 أبريل 2007
المشاركات
1,399
???????
وووووووين ناازله الله يهديك
انا ساكن بشقه غرفتين وصااالة بسعد العبدالله 180 والدور الاول بعد
 

Abdulla990

عضو نشط
التسجيل
10 نوفمبر 2007
المشاركات
447
???????
وووووووين ناازله الله يهديك
انا ساكن بشقه غرفتين وصااالة بسعد العبدالله 180 والدور الاول بعد

ايجارها ايام الغلاء ب 150دينار فقط و الحين يمكن ارخص
 

بو^حمني

عضو نشط
التسجيل
14 يوليو 2008
المشاركات
49
على جم صارت ايجارات قرطبه؟؟؟

شقه 3 غرف حمامين صالة مطبخ
 

بو^حمني

عضو نشط
التسجيل
14 يوليو 2008
المشاركات
49
اوللللللللللللللللللللللله

عيل شلون الناس يقولون الايجارات نازله؟؟
 

hayawi13

عضو نشط
التسجيل
14 فبراير 2006
المشاركات
365
اخوي انا توني موقع عقد ايجار لشقه ثلاث غرف و حمامين و صاله من غير غرفه خادمه بالشهداء على 400 و المستأجر خوش ريال باين عليه و لما عرضت الشقه بالمنتدى طلعلي جم واحد يتفلسف و يقولون اشدعوه تطيح بجبدك و ووو بس اللي شفته اني انا قمت اتخير المستأجر و اقارن بينهم و هذا معناه اني لو صابر ممكن اكثر من 400 ااجر بس القناعه زينه
 

NBKq8

عضو نشط
التسجيل
21 أغسطس 2008
المشاركات
376
اخوي انا توني موقع عقد ايجار لشقه ثلاث غرف و حمامين و صاله من غير غرفه خادمه بالشهداء على 400 و المستأجر خوش ريال باين عليه و لما عرضت الشقه بالمنتدى طلعلي جم واحد يتفلسف و يقولون اشدعوه تطيح بجبدك و ووو بس اللي شفته اني انا قمت اتخير المستأجر و اقارن بينهم و هذا معناه اني لو صابر ممكن اكثر من 400 ااجر بس القناعه زينه



اصدقك وكلامك عدل
اعتقد انا مع الاخوان
مشينا بمقولة
(( أحلام الفقيــــــــر وايــــــد ))
 

عبدالله1967

عضو نشط
التسجيل
8 سبتمبر 2008
المشاركات
74
أنا بالنسبة لي مسـتأجر من 5 سنوات بصباح السالم الدخل المتوسط ب450 دينار بيت كامل صاحب البيت زاد علي الايجار من 450 الى 700 دينار

الحين قاعد أدور بسعر أقل

أقل شئ حصلت ب650 والبيت قديم يعني مو نفس نظافة البيت اللي ساكن فيه انا الحين.
 
الحالة
موضوع مغلق
أعلى