بومحمد

[هاب ريح]

بومحمد... حلاتها قاعد علي الصطحه وفوقك المظله وهوا نسناس خفيف بارد وقاعد بظل وعندك قوطي بيبسي بارد علي القوطي مثل الضباب وخيطك 90 ويمك الثلاجه فيها ثلج ويمك صحن متروس ربيان ثلاثه كيلوا تقريبا ومايمدي يحوش القاع مايمدي الا بحلجه. والمايه خواهر مره نقرور ومره شماهي ومره نهاش ومره ثور عندق تمغط اصابعك تمغط وانت متربع وتترس هالثلاجه وربعك كل واحد لاهي بمكانه لاهي لو اتناديه مايرد عليك وهدوء وكل اشوي تسمع من واحد منهم يكلم نفسه اي ايي كاهو وحيل ... بلا بورصه بلا بطيخ ها واذا خلصتوا ها تبطلون المطبقيه الي فيها عيش مريبين ومرقت دقوس تنجبونه ها تحت هالظلال وبالخمس وراه قلاص لبن وكل واحد يرد لمكانه ياحلات هالقعده والله انها ابرك من القعده جدام الشاشه ويارب يصعد وليش نزل ولا ااااخ يالقهر ودك اتهف الشاشه بالمطرقه الي يهدمون فيها الطوفه الي مع الافغانين اتهدم الشاشه والطوفه مره وحده . ولادرل تخرق اسم السهم ولاتربط الشاشه بحبل غسيل 2ملي ونص وتربطها بدبت سيارتك وتمشا بالشارع.

ولاشتقول؟ اتصدق مره من المرات انا وواحد من الربع نزلنا سعر سهم النقرور اي والله تقريبا صايدين فوق ال700نقرور ماشاءالله ضاربه معانا القراقير مثل سهم البيني اذا انفجر قولوا ماشاءالله ياجماعه ونزلنا بسوق شرق اكواد والدلالين ثلاثه شغالين معانا طبعا مايشاور بالسعر بيييع من كثر ماحنا انزل طاح سهم النقرور اقصد سعر النقرور لأن العرض زاد علي الطلب عرفت اتصدق اهل البصطات ذاك اليوم ماكو احد ماشرا دق السعر دق دق دق لييين نزل مثل نزلت الاسهم الي انا شاريها الحين المهم.

وبس ماعندي شي اقوله فمان الله.

اخوك لصغير ابوسعد

 

[هاب ريح]

تكفه بومحمد نسيت اقولك مع البيبسي البارد الي عليه ضباب ككاو بونجوم. واذا بطاط نايس اهو مولازم البطاط بس مايضر بس بونجوم مهم.

 

[مستثمر73]

هاب ريح هاهاهاهااهاهاهااهاهاهااهاهاهاهاهااهاهاهاهااهاهاهاه
هاهاهاهااهاهاهااهاه

حلوووووووووووووووه والله

شوقتنا للحداق والله

 

[النوووخذه]

هههههههههههه والله ضحكتني يا هاب ريح... تصدق الفكره قاعده تقرقع في راسي... وقاعد اقول شلي بلاني بهالبورصه...قبل مجابل هالخيط ويوم عوهه ويوم 90 ويوم في الجون ... حتى ان ما صدنا يكفي تغيير الجو والهدوء وراحت البال ... تيي والا حدك تعبان تحط راسك وتنااااااام .
المشكله خسارتي بهالسوق كبيره... يعني كان فيها خوش يخت ... جنريتر.. وغرفتيتن وسوالف كووول ...( ولو انه الصطحه لا يعلى عليه لزوم الحداق )..بس ما اقول الا الله كريم ..علشان جذي مرات اقول خل اصير مستثمر واريح بالي ولا ابطل الجهاز كل شوي وانقهر ... المشكله مو بس البورصه خافسه الا حتى الجو عافس هالاسبوع.. ما ندري نلاقيها من السوق والا من الجو.. والا الواحد وده ينزل ويريح باله هاليومين بلا عوار راس بلا بورصه بلا نيله .

 

[بو محمد]

هــب ريـــح مــزاجك 100 %



يبيله ســـــفره والله وانغوص بالبحر الأحمـــر

شــــــــــــــــــــــــــــــــــــــــي

بو محمد تحت عمق 17 متر جربوا الغوص متعه ما بعدها متعه ..