وين يحطون حماية واجهة السيارة الامامية " سؤال لاهل الخبرة اللي حاطينه "

[xkuwaitx]

السلام عليكم

مساكم خير شباب

بغيت اعرف وين يحطون حماية الواجهة الامامية للسيارات .. نفس زيبارت تطلعت شركات ثانيه

شنو افضلهم من ناحية السعر و الجودة و وين مكانهم ؟؟

لان زيبارت غالي حيل و انا ادور الرخيص الزوين على قولتهم

اللي ركبوا على سياراتهم و جربوا يا ليت يفيدونا

و جزاكم الله خير

 

[مساهم11]

اخوي هي الافضل من ناحية القوة
ولكن تقدر تمر شارع الزينه وتشوف
مر محلات المهلب والمجد ولا تشتري الا تفتر علي اكثر من محل

وبالتوفيق يا غالي

 

[xkuwaitx]

تسلم يا غالي ما قصرت

و نشوف راي باقي الاخوان و الفايدة تعم انشالله

 

[grgor55]

اغلب المحلات بالشويخ (لومار -فى كول-ابتكار ) وبنسبه للسعر في الغالي وفيه الرخيص لكن دور على الجوده والكفاله وبتوفيق

 

[نائب]

السلام عليكم

مساكم خير شباب

بغيت اعرف وين يحطون حماية الواجهة الامامية للسيارات .. نفس زيبارت تطلعت شركات ثانيه

شنو افضلهم من ناحية السعر و الجودة و وين مكانهم ؟؟

لان زيبارت غالي حيل و انا ادور الرخيص الزوين على قولتهم

اللي ركبوا على سياراتهم و جربوا يا ليت يفيدونا

و جزاكم الله خير

هلا اخوي من واقع خبره حماية الجام الامامية من الحصي عشان ماتنكسر ركب فلم الساير الاصلي تري قيمته من 35 الي 50 انا ركبتة عن طريق v-kool مهم لازم تكون الجام الاماميه مومكسوره(جديدة) عشان ماتخسر الفلم اللي راح يركب عليها وهذا رقم ابوفهد المسؤل بشركة في كووول
(97558974) وراح يفيدك عن الحمايه الاماميه للبودي وإذا تبي بعد تركب عازل حراري تري شغلهم مافي احسن منه بالكويت وانا مسؤل حط فلوسك بالشمس واقد بالظلال
مهم هذا يعتمد علي سيارتك اذا كانت تسوي وحديثه ركب وماراح اتحسف وديربالك من فلم حماية الحصي وكيله بريتش تري خايس حدة وتشوف من خلاله السيارة اللي امامك اذا شابه الليت كأنها سيارتين تري ركبت منهم وبعدين رجعته لهم بعد ماوريتهم الاشياء المدبوله خطر بغي يسببلي كذا حادث علي طريق السعودية انتبه الساير وبس انا مركبه الحين شي مرتب
اسف علي الإطاله

 

[rachelsteak]

llumar

 

[حتتك بتتك]

انا انصحك بلومار

مكانهم بالري عند سوق المستعمل كانك رايح للافنيوز

وراعي المحل كويتي محترم جدا جدا راح يعطيك من الااخر




ملااحظه:ترى والله ماتربطني اى صله فيهم بس اني ركبت مره عندهم بس هذي للامانه

 

[_fhd]

روح اتو زان ورى وكالة فورد و جربهم يعطيك كفاله مدى عمر السيارة و الفلم ما يصوفر مع الوكت ولا ينقطع خله يوريك اطلب منه تجربه

 

[bakkay79]

ريح بالك مع كفاله 5 سنوات

السلام عليكم جميعا
اخوي باختصار

شارع كند دراي او كراجات الشويخ في ماكدونالدز بظهره كراج الغنام عنده تظليل وحماية (في-كوول)(v-cool) اغلب اهلي و ربعي حاطين منه ممتاز
موفقين

 

[y0usef]

السلام عليكم
يعطيكم العافيه ياشباب على المعلومات الطيبه بس يتليت تعطونا الاسعر وارقام التليفونات

 

[هكرز]

اعتقد انك تبي حق وجه السيارة بالكامل مو بس الجام الامامي اذا صحيح روح حق (برتيش سنتر) بالري ترى شغلهم احسن من زيبارت ...

 

[Camaro]

نصيحه لوجه الله انا مركب من اوتو ديزاين وشغلهم تعبان وثاني شغله ماتسوى الاسعار 120 وفوق والمشكله دعمني واحد دعمه بسيطه واذا بسويها بتروح عليي الحمايه ف خلك على اللولو او دورلك واحد بوطقه 30 دينار كافي عليها