ماذا حصل للكويت ؟؟؟

الحالة
موضوع مغلق
التسجيل
29 أغسطس 2008
المشاركات
639
الإقامة
دولة الكويت
اخوانى اخواتى حبيت انى اخفف الظغط عن نفسي وعن باقي زملاء هالمنتدى وحبيت انى اكتب تلك الكلام وانا خارج تلك الوطن والساعه حاليا 6 و45 دقيقه بضواحى لندن ولازال الليل مظلى علينا بظلاله والذى جعلنى اكتب تلك العنوان وتلك الكلمات الذى اقراءه واسمعه عن الكويت والاوضاع اللتى يحدث مافي حدودها الداخليه كانى ارا مجموعه تحاول ان تهد تلك البلد وهناك مجموعه تحال او تردعها ولازالت تقاوم كل ملامح الوطن تبعثرت وتلاشت ونخشي ان ننساها او يجعلنا التاريخ ننسي ملامح تلك الدوله وخصوصياتها فوصلنى ان الرحمه على وشك ان تتلاشا وان الاحترام للدوله على وشك الانهيار فكثير من الزملاء اللذى يعملون بالسفارات العربيه كثرت اسئلتهم وتكرر سئوالهم الذى يقول اشفيكم شسالفت الكويت وشعبها وحكومتها بورصه انهارت ازمات مشاريع متوقفه شعب لا يوجد عنده بحكم تصرفاته وكلامه اى ولاء او احترام للدوله وللسلطه جرايم تارسه الجرايد اختلاسات من جميع النواحى شعب ماعنده الا ابي وابي وصار يتناسا العطاء من تلك البلد له اغرب ماسمعته من شخص للتو اتى من الكويت حين سئلته كيف جاركم ابو فلان قال ماشوفه الا وهو ياراكب السياره او نازل منها قلت ماتسلم عليه مايسلم عليك قال يابوفلان محد بالديره له خلق للثانى قلت السبب قال لازال البحث جارى عن السبب ادرى ان موضوعى هذا ليست تلك الصفحات له ولاكن قلت لنفسي اكتبه لعلى اخرج وتخرجون من التفكير بالبورصه والاسهم فالواضح ان هناك مجموعتين مجموعه تريد الاستلاء على ثروات الشعب والدوله ومجموعه مسكينه لايوجد بيدها شي سواء الانتظار للفرج وعلى فكره الكل من موظفين السفارات العربيه يعرفون السبب ولاكن انا لا استطيع ذكره احتراما لكم وللجميع وتقبلو تحياتى ومع السلامه

ما فيه الا العافيه والجو حلو حيل والبلد كلها خير والامو ر اللي صايره عاديه وصحيه واتصير بالديره اللي انت فيها استجوابات يوميا لكن عندنا ناس يضخمون الحدث المهم انك ترجع بالسلامة انت ومن معك سالما معافى
 

بوكندر

عضو نشط
التسجيل
22 سبتمبر 2007
المشاركات
252
الإقامة
دولة الكويت
مشكور يا اجوررود على اهتمامك بالكويت

الكويت بخير وإنشاله تستقر ديرتك بعد ونرتاح كلنا من المشاكل

وشكرا على مشاعرك ( على طاري مشاعر أشلون هالسهم ماراح يرسى على بر ؟؟)

أرى ما بين الرماد وميض نار وأخشى أن يكون لها ظلام
فإن النار بالعيدان تزكى وإن الحرب مبدأها الكلام
 

mdf

عضو نشط
التسجيل
7 ديسمبر 2005
المشاركات
113
الإقامة
هناك في قلبها
يا اخي شتبي تفتح هذا الموضوع والله حتى في الاحلام ما تلقي اللي يسر عن الكويت .

يا حلو ايام الغزو والله ايام فقدناها تشوف الكويتي ودك تحظنه حتى لو ما عرفته بس فيه تجاذب في القلوب ولا ترضى من يسب البلد والامير والكويتي ابد .

انا كنت استغرب لما دخلت الكويت مع القوات اول ايام التحرير وصدف اني دخلت الكويت من ارض مرتفعه وتفاجأة لما شفت الارض وكأنها بساط أخضر والممرات الارضيه للسيارات وكأنها لوحة خلابة في منظرها والسماء غائمة ورذا المطر يتراقص على الاعشاب واغصان الزهور الصفراء تتمايل طربا يمينا وشمالا ، نسيت وقتها أو تناسيت من أنا وماذا كنت ألبس من لباس العسكرية والآليات والمدرعات من حولي وسافر بي النشواان والخياال الى الافاق وكانني أطير طربا لما أرى , هل هذه الكويت فعلا؟؟؟!!!
سبحان الله ....
كنت أسمع في المذياع يوميا ان الارض تبكي من الغزاة واوحلت تربتها ولكن ما رأيته أبدا لم يكن ما أسمعه بل تتراقص مع الفراشات باعشابها ..
وبعد مضي أشهر قليله اجدبت الارض وانقطع الماء من السماء وماتت الاعشاب واندثرت غصونها المائلة حتى تقطعت وتطاير الغبار وطرد رذاذ المطر واشتد لهيب الارض حتى أجلى الغيوم وبخرها وهكذا حتى يومنا هذا.

لما يا كويت ماذا حصل بالله عليك أخبريني ؟ هل كان صدام وجنده هم خير لك ام الحنان الكويتي وحسد أهله الذي أكل بعضه بعضا .

كويتي يسرق أخاه الكويتي
كويتي يفرح لفقر أخاه الكويتي
كويتي يموت حسدا لاخاه الكويتي
كويتي يدمر الارض ويذود عن من يخذل الكويت

أين الحكومه ؟
يا رئيس الوزراء بالله عليك هل هذه الكويت التي تفخر ان تكون رئيس وزرائها ؟
ياوزير (ما) هى انت راض عن قيادتك لوزارتك وتتشرف بخدمة الكويت بفشلك؟
يا رئيس مجلس الأمة أي مفخر لانجازات المجلس بعهدك وعدتك ؟
يا عضو منتخب هل ما قمت به أضفت رصيدا لبلدك وشعب أمتك ؟

من نناشد ؟

ليس لنا الا الله أولا نتضرع إليه أن يحفظ الكويت وأهلها ويرزقهم بماء طهورا ينضف النفوس قبل الأرض.
وثانيا نناشد رمز هذا البلد وأبو الجميع وعنوان الكويت وقبلة الشعب أن ينفض كل ما يشوب الكويت ويرديها ويقطع بحزم كل من يتلاعب بمصير الكويت فما عرفنا به من قلب نابض وحصن حصين للكويت ولا يعتمد على من هم دونه فما رأينا من هو الكفؤ لرفع راية الكويت بين الامم ونقول لسموه قد مددت يد الطيب بحبل متين ولكن من ذاالذي يعرف كيف يمسك بطرفه .
 

(فزاع)

عضو نشط
التسجيل
18 ديسمبر 2007
المشاركات
4,472
الإقامة
.. الكون ..
يا يا حلو ايام الغزو والله ايام فقدناها تشوف الكويتي ودك تحظنه حتى لو ما عرفته بس فيه تجاذب في القلوب ولا ترضى من يسب البلد والامير والكويتي ابد .

انا كنت استغرب لما دخلت الكويت مع القوات اول ايام التحرير وصدف اني دخلت الكويت من ارض مرتفعه وتفاجأة لما شفت الارض وكأنها بساط أخضر والممرات الارضيه للسيارات وكأنها لوحة خلابة في منظرها والسماء غائمة ورذا المطر يتراقص على الاعشاب واغصان الزهور الصفراء تتمايل طربا يمينا وشمالا ، نسيت وقتها أو تناسيت من أنا وماذا كنت ألبس من لباس العسكرية والآليات والمدرعات من حولي وسافر بي النشواان والخياال الى الافاق وكانني أطير طربا لما أرى , هل هذه الكويت فعلا؟؟؟!!!
سبحان الله ....
كنت أسمع في المذياع يوميا ان الارض تبكي من الغزاة واوحلت تربتها ولكن ما رأيته أبدا لم يكن ما أسمعه بل تتراقص مع الفراشات باعشابها ..
.


ما ادري ليش تذكرت .. ايام الغزو .. من ردك ..
تذكرت أول يوم الغزو و يمعة أهلنا ببيتنا لأنه عندنا سرداب
تذكرت اخوي العسكري, كان ماخذ الفيديو و الأفلام معاه يوم استدعوه عباله غشمرة ..
تذكرت صوت يوسف مصطفى و دموعه الظاهرة من صوته بالراديو ..
تذكرت فرحتنا يوم درينا ان بابا جابر وصل السعودية ..
تذكرت اخوي يوم يقول .. والله ما نعطيهم شبر واحد ..
تذكرت صوت ولد خالتي و هو يصارخ فوق السطح الله أكبر..
تذكرت أول مظاهرة للنساء جدام فياصل بالجابرية , و أعتقد فيها استشهدت سناء الفودري البطلة ..
تذكرت ابوي و هو يجابل السي أن أن قبل لا يشلعون العراقيين ستلايتنا – أيامها نادر الستالايت و غالي ..
تذكرت العراقيين و هم ينطون سور بيتنا ..
تذكرت كاظم يقول انتوا الكويتيين تبوقون و تقولون العراقيين حرامية ..
تذكرت الطابور على الخباز , الخبزة سمرة و النطرة ساعه يالله يالله تحوشك خبزة و بنظام الكوتا بعد ..
تذكرت الهوندا السماوية مالت الاستخبارات و هم يفترون بالفريج و كل العسكريين ايدهم على قلبهم كل واحد يقول طلع اسمي
تذكرت رويشد و سعاد بالليلة المحمدية ..
تذكرت مقابلات الكويتيين بفندق كونتيل انتل بالشارقة
تذكرت حياكم الله و ها خوتي ها, صدام اسمك هز امريكا صدام اسمك عز و هيبة
تذكرت 17 -1 و تلفون نص الليل, الحرب الجوية بدت
تذكرت صوت الصواريخ و الطيارات و قعدتي بالحوش بالليل مستانس أشوف المضادات
تذكرتني و اخوي الله يرحمه و احنا نلزق الدرايش بالتيوب
تذكرت قطعة الماي و الكهربة ,و سباحتنا بماي الجدر المسخن على الجولة
تذكرت النومة بالسرداب , و آخ آخ على أيام ذاك السرداب
تذكرت المطر الأسود يوصخ بيوتنا, بس والله كنا مستانسين فيه و نعتبره خير من الله
و تذكرت التحرير, كان الجو يومها جو تحرير, مطر و براد و الناس واقفة عند بيبانها ترقص
و تذكرت نقطة سيطرتنا بالفريج, و كل ما مر أحد نقوله هويتك يابه؟
تذكرت بلوفر الفري كويت الأسود و انا كاشخ فيه و الناس تسألني من وين؟ أقولهم من لندن
تذكرت تطوعي بالهلال الأحمر و توزيعنا الأكل عالناس, دوامنا يبدي من السبع لين أربع العصر


تذكرت و تذكرت , يا ليت هالمخ ينسى و ما تذكرت

أيام الغزو, حزينة و سعيدة, مريحة و تعيسة, بس كنا متوحدين

كنا نحب ديرتنا بلا نفاق
كنا نفزع حق بعض بلا أجر
ما كنا نعرف شنو يعني سرقة المال العام
ما كنا نعرف شنو يعني نفاق و تمصلح
ما كنا متلوثين , ما كنا متصارعين على كرسي و كم دينار
بس أيام الغزو على خوفنا و عذابنا كنا مرتاحين و قلوبنا صافية

عدونا معروف ,صدام مجرم يكره الكويت
أما اليوم للأسف , عدونا رمادي يلبس بشت أسود
و للأسف اهو اخونا من امنا الكويت
 

دولار$

عضو نشط
التسجيل
3 سبتمبر 2007
المشاركات
4,371
ما ادري ليش تذكرت .. ايام الغزو .. من ردك ..
تذكرت أول يوم الغزو و يمعة أهلنا ببيتنا لأنه عندنا سرداب
تذكرت اخوي العسكري, كان ماخذ الفيديو و الأفلام معاه يوم استدعوه عباله غشمرة ..
تذكرت صوت يوسف مصطفى و دموعه الظاهرة من صوته بالراديو ..
تذكرت فرحتنا يوم درينا ان بابا جابر وصل السعودية ..
تذكرت اخوي يوم يقول .. والله ما نعطيهم شبر واحد ..
تذكرت صوت ولد خالتي و هو يصارخ فوق السطح الله أكبر..
تذكرت أول مظاهرة للنساء جدام فياصل بالجابرية , و أعتقد فيها استشهدت سناء الفودري البطلة ..
تذكرت ابوي و هو يجابل السي أن أن قبل لا يشلعون العراقيين ستلايتنا – أيامها نادر الستالايت و غالي ..
تذكرت العراقيين و هم ينطون سور بيتنا ..
تذكرت كاظم يقول انتوا الكويتيين تبوقون و تقولون العراقيين حرامية ..
تذكرت الطابور على الخباز , الخبزة سمرة و النطرة ساعه يالله يالله تحوشك خبزة و بنظام الكوتا بعد ..
تذكرت الهوندا السماوية مالت الاستخبارات و هم يفترون بالفريج و كل العسكريين ايدهم على قلبهم كل واحد يقول طلع اسمي
تذكرت رويشد و سعاد بالليلة المحمدية ..
تذكرت مقابلات الكويتيين بفندق كونتيل انتل بالشارقة
تذكرت حياكم الله و ها خوتي ها, صدام اسمك هز امريكا صدام اسمك عز و هيبة
تذكرت 17 -1 و تلفون نص الليل, الحرب الجوية بدت
تذكرت صوت الصواريخ و الطيارات و قعدتي بالحوش بالليل مستانس أشوف المضادات
تذكرتني و اخوي الله يرحمه و احنا نلزق الدرايش بالتيوب
تذكرت قطعة الماي و الكهربة ,و سباحتنا بماي الجدر المسخن على الجولة
تذكرت النومة بالسرداب , و آخ آخ على أيام ذاك السرداب
تذكرت المطر الأسود يوصخ بيوتنا, بس والله كنا مستانسين فيه و نعتبره خير من الله
و تذكرت التحرير, كان الجو يومها جو تحرير, مطر و براد و الناس واقفة عند بيبانها ترقص
و تذكرت نقطة سيطرتنا بالفريج, و كل ما مر أحد نقوله هويتك يابه؟
تذكرت بلوفر الفري كويت الأسود و انا كاشخ فيه و الناس تسألني من وين؟ أقولهم من لندن
تذكرت تطوعي بالهلال الأحمر و توزيعنا الأكل عالناس, دوامنا يبدي من السبع لين أربع العصر


تذكرت و تذكرت , يا ليت هالمخ ينسى و ما تذكرت

أيام الغزو, حزينة و سعيدة, مريحة و تعيسة, بس كنا متوحدين

كنا نحب ديرتنا بلا نفاق
كنا نفزع حق بعض بلا أجر
ما كنا نعرف شنو يعني سرقة المال العام
ما كنا نعرف شنو يعني نفاق و تمصلح
ما كنا متلوثين , ما كنا متصارعين على كرسي و كم دينار
بس أيام الغزو على خوفنا و عذابنا كنا مرتاحين و قلوبنا صافية

عدونا معروف ,صدام مجرم يكره الكويت
أما اليوم للأسف , عدونا رمادي يلبس بشت أسود
و للأسف اهو اخونا من امنا الكويت
أقسم لك بالله عورت قلبي وشوي والدمعه تنزل
أياااااااااااااااااااااااااااااااااااااااااااااام وسنين مرت وللأسف ماتعلمنا
كل ذكرياتك عشتها بس ماعندنا سرداب :)
بس أنا عشت يوم كامل بالسجن بمخفر الدسمه بيد العراقيين :(
يوم ما أقدر أنساه كنت تحت رحمة رب العالمين
ماطلعني الضابط الا لما قلتله راح أعطيك فيديو ومكينة الحلاقه :)
كانو ماسكيني لأني ( تكرمون ) حرقة الزباله وولد جارنا قاط فيها الفشق مالت الشوزن :(
ليش يا فزاع تفتح المواجع
 

صقرالبحر

عضو نشط
التسجيل
23 سبتمبر 2005
المشاركات
2,701
اخوانى اخواتى حبيت انى اخفف الظغط عن نفسي وعن باقي زملاء هالمنتدى وحبيت انى اكتب تلك الكلام وانا خارج تلك الوطن والساعه حاليا 6 و45 دقيقه بضواحى لندن ولازال الليل مظلى علينا بظلاله والذى جعلنى اكتب تلك العنوان وتلك الكلمات الذى اقراءه واسمعه عن الكويت والاوضاع اللتى يحدث مافي حدودها الداخليه كانى ارا مجموعه تحاول ان تهد تلك البلد وهناك مجموعه تحال او تردعها ولازالت تقاوم كل ملامح الوطن تبعثرت وتلاشت ونخشي ان ننساها او يجعلنا التاريخ ننسي ملامح تلك الدوله وخصوصياتها فوصلنى ان الرحمه على وشك ان تتلاشا وان الاحترام للدوله على وشك الانهيار فكثير من الزملاء اللذى يعملون بالسفارات العربيه كثرت اسئلتهم وتكرر سئوالهم الذى يقول اشفيكم شسالفت الكويت وشعبها وحكومتها بورصه انهارت ازمات مشاريع متوقفه شعب لا يوجد عنده بحكم تصرفاته وكلامه اى ولاء او احترام للدوله وللسلطه جرايم تارسه الجرايد اختلاسات من جميع النواحى شعب ماعنده الا ابي وابي وصار يتناسا العطاء من تلك البلد له اغرب ماسمعته من شخص للتو اتى من الكويت حين سئلته كيف جاركم ابو فلان قال ماشوفه الا وهو ياراكب السياره او نازل منها قلت ماتسلم عليه مايسلم عليك قال يابوفلان محد بالديره له خلق للثانى قلت السبب قال لازال البحث جارى عن السبب ادرى ان موضوعى هذا ليست تلك الصفحات له ولاكن قلت لنفسي اكتبه لعلى اخرج وتخرجون من التفكير بالبورصه والاسهم فالواضح ان هناك مجموعتين مجموعه تريد الاستلاء على ثروات الشعب والدوله ومجموعه مسكينه لايوجد بيدها شي سواء الانتظار للفرج وعلى فكره الكل من موظفين السفارات العربيه يعرفون السبب ولاكن انا لا استطيع ذكره احتراما لكم وللجميع وتقبلو تحياتى ومع السلامه

ياعمي شلك باللغوه ؟
قاعد بلندن استانس
شم هواء لاحق عالدندره الفاضيه
ترا ماكو شي بس قاعدين يرقصونا عالشناكل
واحنا نصفق عاد لاتصفق ويانا وانت بلندن
 

برشلونة2002

عضو نشط
التسجيل
10 أغسطس 2005
المشاركات
225


تبي تعرف شنو اللي قاعد يصير بالكويت ..؟
اللي قاعد يصير بكل بساطه اهو ..
من صادها .. عشى اعياله ..:)

ترجع بالسلامه يارب ..

صحيح كلامك منصاده عشه اعياله

بس بهالطريقه اعياله ماراح ايعشون ----- راح اتأذون

والله العضيم أني نفس الي كاتب هالموضوع أنه بالصين والساععه الحين20,1دقيقه والله ضايق صدري على الكويت
ياأخي الواحد ماتوصل فيه هالمواصيل على احساب نفسه اضيع الشعب كله
بالعنه البورصه بالعنه الفلوس بالعنه المصلحه في سبيل مصلحه الكوييييييييت
ناس تقول شيعي وناس تقول سني واهم بالاساس اتعاملون احسن معامله مع السيكي والبوذي والي ماله دين

لاتحسبون هالشي الي قاعد اصير عادي

تكفون لكويت تكفون الكويت تكفون الكويت

والله والله والله من بعد الله مالنه غييييييييييره
 

أسد سليمان ملك

عضو مميز
التسجيل
15 مايو 2008
المشاركات
8,658
الإقامة
uk
اخوانى اخواتى حبيت انى اخفف الظغط عن نفسي وعن باقي زملاء هالمنتدى وحبيت انى اكتب تلك الكلام وانا خارج تلك الوطن والساعه حاليا 6 و45 دقيقه بضواحى لندن ولازال الليل مظلى علينا بظلاله والذى جعلنى اكتب تلك العنوان وتلك الكلمات الذى اقراءه واسمعه عن الكويت والاوضاع اللتى يحدث مافي حدودها الداخليه كانى ارا مجموعه تحاول ان تهد تلك البلد وهناك مجموعه تحال او تردعها ولازالت تقاوم كل ملامح الوطن تبعثرت وتلاشت ونخشي ان ننساها او يجعلنا التاريخ ننسي ملامح تلك الدوله وخصوصياتها فوصلنى ان الرحمه على وشك ان تتلاشا وان الاحترام للدوله على وشك الانهيار فكثير من الزملاء اللذى يعملون بالسفارات العربيه كثرت اسئلتهم وتكرر سئوالهم الذى يقول اشفيكم شسالفت الكويت وشعبها وحكومتها بورصه انهارت ازمات مشاريع متوقفه شعب لا يوجد عنده بحكم تصرفاته وكلامه اى ولاء او احترام للدوله وللسلطه جرايم تارسه الجرايد اختلاسات من جميع النواحى شعب ماعنده الا ابي وابي وصار يتناسا العطاء من تلك البلد له اغرب ماسمعته من شخص للتو اتى من الكويت حين سئلته كيف جاركم ابو فلان قال ماشوفه الا وهو ياراكب السياره او نازل منها قلت ماتسلم عليه مايسلم عليك قال يابوفلان محد بالديره له خلق للثانى قلت السبب قال لازال البحث جارى عن السبب ادرى ان موضوعى هذا ليست تلك الصفحات له ولاكن قلت لنفسي اكتبه لعلى اخرج وتخرجون من التفكير بالبورصه والاسهم فالواضح ان هناك مجموعتين مجموعه تريد الاستلاء على ثروات الشعب والدوله ومجموعه مسكينه لايوجد بيدها شي سواء الانتظار للفرج وعلى فكره الكل من موظفين السفارات العربيه يعرفون السبب ولاكن انا لا استطيع ذكره احتراما لكم وللجميع وتقبلو تحياتى ومع السلامه


اخي الحبيب ان مايحدث في الكويت هو الشغل الشاغل بجميع الدول باستثناء موضوع حل مجلس الامه
بخصوص الاقتصاد فان مايحدث في الكويت هو نفسه يحدث في لندن
لان بالامس وانا اتحدث مع صديق في لندن وهو من جنسية البلد وليس من العرب فحدثمي ان مشكله الاقتصاد في لندن كبيره
وان الدوله قامت بعمل حلول كثيره والى الان المشكله موجوده

تحياتي لك والله يرجع سالم لديرتك
 

دولار$

عضو نشط
التسجيل
3 سبتمبر 2007
المشاركات
4,371
اخي الحبيب ان مايحدث في الكويت هو الشغل الشاغل بجميع الدول باستثناء موضوع حل مجلس الامه
بخصوص الاقتصاد فان مايحدث في الكويت هو نفسه يحدث في لندن
لان بالامس وانا اتحدث مع صديق في لندن وهو من جنسية البلد وليس من العرب فحدثمي ان مشكله الاقتصاد في لندن كبيره
وان الدوله قامت بعمل حلول كثيره والى الان المشكله موجوده

تحياتي لك والله يرجع سالم لديرتك

الظاهر مافهمت نغزته وشنو كان يقصد ان الدوله قامت بعمل حلول كثيره والى الان المشكله موجوده
يقصدك انت المشكله اللي موجوده :)
أطلع يومين من لندن وشوف شنو وضع الاقتصاد عندهم
بتشوف حالهم بأحسن حال :)
حبيب قلبي يا assad تعال ارجع الديره ونورها لنا :) :)
 

أسد سليمان ملك

عضو مميز
التسجيل
15 مايو 2008
المشاركات
8,658
الإقامة
uk
ما ادري ليش تذكرت .. ايام الغزو .. من ردك ..
تذكرت أول يوم الغزو و يمعة أهلنا ببيتنا لأنه عندنا سرداب
تذكرت اخوي العسكري, كان ماخذ الفيديو و الأفلام معاه يوم استدعوه عباله غشمرة ..
تذكرت صوت يوسف مصطفى و دموعه الظاهرة من صوته بالراديو ..
تذكرت فرحتنا يوم درينا ان بابا جابر وصل السعودية ..
تذكرت اخوي يوم يقول .. والله ما نعطيهم شبر واحد ..
تذكرت صوت ولد خالتي و هو يصارخ فوق السطح الله أكبر..
تذكرت أول مظاهرة للنساء جدام فياصل بالجابرية , و أعتقد فيها استشهدت سناء الفودري البطلة ..
تذكرت ابوي و هو يجابل السي أن أن قبل لا يشلعون العراقيين ستلايتنا – أيامها نادر الستالايت و غالي ..
تذكرت العراقيين و هم ينطون سور بيتنا ..
تذكرت كاظم يقول انتوا الكويتيين تبوقون و تقولون العراقيين حرامية ..
تذكرت الطابور على الخباز , الخبزة سمرة و النطرة ساعه يالله يالله تحوشك خبزة و بنظام الكوتا بعد ..
تذكرت الهوندا السماوية مالت الاستخبارات و هم يفترون بالفريج و كل العسكريين ايدهم على قلبهم كل واحد يقول طلع اسمي
تذكرت رويشد و سعاد بالليلة المحمدية ..
تذكرت مقابلات الكويتيين بفندق كونتيل انتل بالشارقة
تذكرت حياكم الله و ها خوتي ها, صدام اسمك هز امريكا صدام اسمك عز و هيبة
تذكرت 17 -1 و تلفون نص الليل, الحرب الجوية بدت
تذكرت صوت الصواريخ و الطيارات و قعدتي بالحوش بالليل مستانس أشوف المضادات
تذكرتني و اخوي الله يرحمه و احنا نلزق الدرايش بالتيوب
تذكرت قطعة الماي و الكهربة ,و سباحتنا بماي الجدر المسخن على الجولة
تذكرت النومة بالسرداب , و آخ آخ على أيام ذاك السرداب
تذكرت المطر الأسود يوصخ بيوتنا, بس والله كنا مستانسين فيه و نعتبره خير من الله
و تذكرت التحرير, كان الجو يومها جو تحرير, مطر و براد و الناس واقفة عند بيبانها ترقص
و تذكرت نقطة سيطرتنا بالفريج, و كل ما مر أحد نقوله هويتك يابه؟
تذكرت بلوفر الفري كويت الأسود و انا كاشخ فيه و الناس تسألني من وين؟ أقولهم من لندن
تذكرت تطوعي بالهلال الأحمر و توزيعنا الأكل عالناس, دوامنا يبدي من السبع لين أربع العصر


تذكرت و تذكرت , يا ليت هالمخ ينسى و ما تذكرت

أيام الغزو, حزينة و سعيدة, مريحة و تعيسة, بس كنا متوحدين

كنا نحب ديرتنا بلا نفاق
كنا نفزع حق بعض بلا أجر
ما كنا نعرف شنو يعني سرقة المال العام
ما كنا نعرف شنو يعني نفاق و تمصلح
ما كنا متلوثين , ما كنا متصارعين على كرسي و كم دينار
بس أيام الغزو على خوفنا و عذابنا كنا مرتاحين و قلوبنا صافية

عدونا معروف ,صدام مجرم يكره الكويت
أما اليوم للأسف , عدونا رمادي يلبس بشت أسود
و للأسف اهو اخونا من امنا الكويت

منين جايب هالكلام الي رجعنه ١٨ سنه وره:)


لاتنسى الماي لمن كنه نسحبه من المضخه نترس فيه درامنه من درام بيت الجيران:)
لاتنسى لمن نلزق اكس على الجامات:)
لاتنسى لمن الاسهم صارت ورق:)
لاتنسى لمن نظفنه الشوارع:)
لاتنسى جمعتنه على الكراسي بره البيت:)
لاتنسى لاتنسى لاتنسى ......................... احلى ايام بس الله لايعودها:)
 

أسد سليمان ملك

عضو مميز
التسجيل
15 مايو 2008
المشاركات
8,658
الإقامة
uk
الظاهر مافهمت نغزته وشنو كان يقصد ان الدوله قامت بعمل حلول كثيره والى الان المشكله موجوده
يقصدك انت المشكله اللي موجوده :)
أطلع يومين من لندن وشوف شنو وضع الاقتصاد عندهم
بتشوف حالهم بأحسن حال :)
حبيب قلبي يا assad تعال ارجع الديره ونورها لنا :) :)

الله يقطع بليسك :)
والله ضحكت منك يابو بدر:)

ماشي الجمعه ان شالله:)
 

خبير النفط

عضو نشط
التسجيل
15 يناير 2007
المشاركات
4,638
حلاة الثوب رقعته منه او فيه , وما يحك اظهيرك الا اظفيرك و اخيرا صبه او احقنه يطلع قاز
وسلامتكم
 

اشتراكي

عضو نشط
التسجيل
7 سبتمبر 2008
المشاركات
466
اللي صاير بالكويت عفسه وبلد ماشي بغير هدى

ماندري نلوم منو؟ نلوم نفسنا احنا المواطنين او نلوم المجلس او المسؤولين

الوافد ماصار يحترم ابن البلد لا وبالوزاره وبالمخافر يقدمونه علينا

حتى المستشفيات الحكوميه صارت لهم الافضليه واذا قلت انا كويتي شوي

ويتفلون ويقولك بكل وقاحه عندك المستشفيات الخاصه!

اذا مرينا بالتفتيش يطوفون الجميع ماعدا الكويتي تدرون ليش؟ لأن الكويتي

العاده مطلوب عليه ديون للشركات واللي يصيده له مكافأه!

المرور حدث ولاحرج

الامن ماعاد في امن والواحد يخاف يروح البنك شايل فلوس والدليل شارع

البنوك بالشويخ كل اسبوعين ذبح عينك عينك وقياداتنا الامنيه الاشاوس

لاهين بالتصاوير ومو رادين على صرخات الوطن اللي استباح من الحثاله

التعليم انعفس وآخرتها قامو البنغاليه ....... عيالنا بالمدارس

حتى البواليع عزكم الله قامو البنغاليه يسرقونها ولا احد يفور دمه !

استاد جابر والجامعه شلحوهم الحراميه وقامو يبيعون حديدهم بالسكراب

ومحد مهتم!

التكاسي سكروا علينا الشوارع واذا جيت تقوله وخر شوي ويطقك لانه يدري

لو نلمس اصبع منه يصكونا الاشاوس منع سفر والقاء قبض ويقولك:

شلون تهاوش الاجنبي ماتدري انك كويتي .......؟؟؟

خلونا ساكتين مانبي لا فلوس ولازيادات نبي كرامتنا وهيبة الدوله ترجع

ونسأل الله القدير ان يرزق حضرة صاحب السمو الصحه والعافيه وطول العمر


و البطانه الصالحه اللي تخاف على الكويت لانها البدايه والنهايه ومالنا غيرها
 

خبير النفط

عضو نشط
التسجيل
15 يناير 2007
المشاركات
4,638
اللي صاير بالكويت عفسه وبلد ماشي بغير هدى

ماندري نلوم منو؟ نلوم نفسنا احنا المواطنين او نلوم المجلس او المسؤولين

الوافد ماصار يحترم ابن البلد لا وبالوزاره وبالمخافر يقدمونه علينا

حتى المستشفيات الحكوميه صارت لهم الافضليه واذا قلت انا كويتي شوي

ويتفلون ويقولك بكل وقاحه عندك المستشفيات الخاصه!

اذا مرينا بالتفتيش يطوفون الجميع ماعدا الكويتي تدرون ليش؟ لأن الكويتي

العاده مطلوب عليه ديون للشركات واللي يصيده له مكافأه!

المرور حدث ولاحرج

الامن ماعاد في امن والواحد يخاف يروح البنك شايل فلوس والدليل شارع

البنوك بالشويخ كل اسبوعين ذبح عينك عينك وقياداتنا الامنيه الاشاوس

لاهين بالتصاوير ومو رادين على صرخات الوطن اللي استباح من الحثاله

التعليم انعفس وآخرتها قامو البنغاليه ....... عيالنا بالمدارس

حتى البواليع عزكم الله قامو البنغاليه يسرقونها ولا احد يفور دمه !

استاد جابر والجامعه شلحوهم الحراميه وقامو يبيعون حديدهم بالسكراب

ومحد مهتم!

التكاسي سكروا علينا الشوارع واذا جيت تقوله وخر شوي ويطقك لانه يدري

لو نلمس اصبع منه يصكونا الاشاوس منع سفر والقاء قبض ويقولك:

شلون تهاوش الاجنبي ماتدري انك كويتي .......؟؟؟

خلونا ساكتين مانبي لا فلوس ولازيادات نبي كرامتنا وهيبة الدوله ترجع

ونسأل الله القدير ان يرزق حضرة صاحب السمو الصحه والعافيه وطول العمر


و البطانه الصالحه اللي تخاف على الكويت لانها البدايه والنهايه ومالنا غيرها

صح السانك
 

wld al salmiya

عضو نشط
التسجيل
8 أكتوبر 2007
المشاركات
5,434
الإقامة
الكويت
اللي صاير بالكويت عفسه وبلد ماشي بغير هدى

ماندري نلوم منو؟ نلوم نفسنا احنا المواطنين او نلوم المجلس او المسؤولين

الوافد ماصار يحترم ابن البلد لا وبالوزاره وبالمخافر يقدمونه علينا

حتى المستشفيات الحكوميه صارت لهم الافضليه واذا قلت انا كويتي شوي

ويتفلون ويقولك بكل وقاحه عندك المستشفيات الخاصه!

اذا مرينا بالتفتيش يطوفون الجميع ماعدا الكويتي تدرون ليش؟ لأن الكويتي

العاده مطلوب عليه ديون للشركات واللي يصيده له مكافأه!

المرور حدث ولاحرج

الامن ماعاد في امن والواحد يخاف يروح البنك شايل فلوس والدليل شارع

البنوك بالشويخ كل اسبوعين ذبح عينك عينك وقياداتنا الامنيه الاشاوس

لاهين بالتصاوير ومو رادين على صرخات الوطن اللي استباح من الحثاله

التعليم انعفس وآخرتها قامو البنغاليه ....... عيالنا بالمدارس

حتى البواليع عزكم الله قامو البنغاليه يسرقونها ولا احد يفور دمه !

استاد جابر والجامعه شلحوهم الحراميه وقامو يبيعون حديدهم بالسكراب

ومحد مهتم!

التكاسي سكروا علينا الشوارع واذا جيت تقوله وخر شوي ويطقك لانه يدري

لو نلمس اصبع منه يصكونا الاشاوس منع سفر والقاء قبض ويقولك:

شلون تهاوش الاجنبي ماتدري انك كويتي .......؟؟؟

خلونا ساكتين مانبي لا فلوس ولازيادات نبي كرامتنا وهيبة الدوله ترجع

ونسأل الله القدير ان يرزق حضرة صاحب السمو الصحه والعافيه وطول العمر


و البطانه الصالحه اللي تخاف على الكويت لانها البدايه والنهايه ومالنا غيرها

ياحلو ايام الثمانينات

ان شاء الله ترجع عروس الخليج واحلى

لان اعتقد ان وصلنا للقاع

حسب التحليل الفني

ف

من المفروض ان البلد يرتفع فوق

والله يكتب اللى فيه الخير
 

jeme_E

عضو مميز
التسجيل
18 فبراير 2007
المشاركات
5,339
الإقامة
تخيل بالكويت ((اذكر الله لاتحسدني ))
عين وما صلت على النبي

كثرت المعاصي والفساد الاخلاقي

الحسد انتشر بالبلد

الحسد بين الكبار يمكن وزيد عليها مطاحن

والصغار فقاره والحال من ردي الى اردي

والله المستعان

وبدال حسد ليش مانقول سوء اداره وتخطيط ومافي تنميه ولا نظره لابعد من طاولة اجتماعاتهم
 

الصامد.م

عضو نشط
التسجيل
2 يوليو 2008
المشاركات
268
الإقامة
الكويت دار العز
ياجماعه كل إللي قاعد يصير بالكويت بسبة الحكومة بتقولون شلون أنا أقولكم:
1- تمييز أعضاء بالمعاملات عن أعضاء آخرين.
2- مجاملة بالتوزير وتفشي الواسطه.
3- عدم الاستفادة من الفوائض المالية بالمشاريع التنموية.
4- عدم وجود تخطيط على الأمد البعيد من كافة المجالات (تعليم-طرق-جامعات..الخ)
5- مجاملة التجار.

وغيرها أسباب لا تعد ولا تحصى.
اللهم احفظ الكويت وشعبها من كل مكروه
 
التسجيل
28 يوليو 2008
المشاركات
1,422
الحمدلله الدنيا بخير لاتكبرون الامور ومرتاحين ووضعنا احسن من غيرنا بس صار فينا طبع التحلطم
 
الحالة
موضوع مغلق
أعلى