مصيبه لاتدنت قيمتك في عين من قيمت

الموضوع في 'إستراحة المنتدى' بواسطة Wise, بتاريخ ‏25 نوفمبر 2008.

  1. Wise

    Wise عضو محترف

    التسجيل:
    ‏5 ابريل 2005
    المشاركات:
    2,024
    عدد الإعجابات:
    0
    مكان الإقامة:
    الكويت
    الا ياالله ياللي تحـت هيبـة سلطنتـك اسلمـت
    لك المسلم يسبح لك بحمـدك ولـك الاسلامـي


    احمدك واشكرك واثني عليك بما علـي انعمـت
    تزودني وفا قـدر العشيـر ووصـل الارحامـي



    ولجك الفجر ياليل الذهول اللي علـي اضلمـت
    بعرضك واقع الماضي بعيني عـرض الافلامـي


    ولهتك يالنديم اللي على صافي وفـاك اضرمـت
    بصفحة ذكريات العام واللـي مـن ورا العامـي

    بعد تقرير مشوار التجـارب نجحـك واجزمـت
    بان السيف سيفي والعصـا والمحـزم احزامـي


    عطتني عزلة اخلاصي معك نسيان من نادمـت
    كتبتك وانطوت صحفي عليك و جفـت اقلامـي

    اباهـي لا ابالـي واتبيسـط كــل ماقـدمـت
    اشـب النـار قـدام العـرب واشيـد اخيامـي


    نهاري حر شمسه يستحي منها لسـان الشمـت
    وليلي ترقب نجومـه ملامـة كـل مـن لامـي


    على ضو الكلام اللي كشف عنا ستـار الصمـت
    عرفت اني تحت برق الامل في روض الاحلامي


    احسب انك تيمم با اتجاهـي ويـن مـا يممـت
    واثر ما انت بورايه في الطريق ولانـت قدامـي


    مصيبه لاتدنت قيمتك فـي عيـن مـن قيمـت
    يشوفك بالسهل وانته تشوفـه بالسمـا السامـي


    كثر ماحن قلبي للونيـس وكثـر مـا درهمـت
    فجر صدري حنيني واتعـب الاقـدام درهامـي


    عيون الصد وعيون التجافي حول مهما اكرمـت
    تشـوف المجتهـد كسـلان والبنـاي هدامـي


    مدام ان جانبك شام لجنابي وانت عنـي شمـت
    كثر خيـرك وانـا مانيـب لاجايـع ولاضامـي


    اشوف انه علي واجـب ليـا مريتكـم سلمـت
    مرور اكرام تربطـه الكرامـه عنـد الاكرامـي


    على شان الخفوق اللي على عرشه قعدت وقمت
    حجب عنك الدجى لين اشرقت لك بيض الايامـي


    ختام السالفه ياطيـب العشـره كرمـت ودمـت
    هذا حقك علي وحق شرهاتـي علـى اوهامـي


    مصير الوقت يشرح لك دروسه وان غفلت ونمت
    يصحيك الزمان اللي يصحـي كـل مـن نامـي



    تذكرني لامنها خابـت اوهامـك فمـن وهمـت
    وشفت الفرق في حب الخشوم وحب الاقدامـي


    لشاعر :: سعد بن جدلان الاكلبي
     
  2. بوسعود66666

    بوسعود66666 عضو مميز

    التسجيل:
    ‏1 أغسطس 2007
    المشاركات:
    15,265
    عدد الإعجابات:
    5
    مكان الإقامة:
    مجلس الوزراء
    بعد تقرير مشوار التجـارب نجحـك واجزمـت
    بان السيف سيفي والعصـا والمحـزم احزامـي



    عجبنى هالبيت شكرا لك يامشرفنا وصح اللسانك
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    جميييييييييييييل
     
  4. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    شكرا لك