كلام في خاطري ودي اقوله

[بايعها]

بعد التحية .....

المستثمرين بالبورصة هالايام حالتهم حاله
والاوضاع تضيق الخلق
المؤشر كل يوم عن يوم بالنازل
والناس مالهم شغل الا التحلطم
وين الحكومة عن السوق ؟
ليش الوزير ما يتدخل ؟
الصناديق الاستثمارية اشفيهم علينا؟
وخذ من هالكلام
انا استغرب صراحه
لو تسأل اي واحد منهم
شنو إلي تبيه ؟ شنو إلي تتمناه ؟
يمكن تكون الاجابه وحده
نبي نربح !!
ونبي السوق دايما إمشعلل!!
بالعربي يبون سوق الكويت للاوراق المالية غير عن باقي كل الاسواق العالمية
من بديهيات اي سوق واي عمل تجاري اصلا ان يكون هناك ربح وخسارة
وان يكون هناك عرض وطلب
وان يكون هناك كبار وصغار
والمشكلة ان دايما مصالح الكبار تتصادم مع مصالح الصغار
واظن ان من يملك قرار نفسه وعزم بقلب من حديد انه يدش السوق لابد يتحمل
لابد ان تتحمل نتائج قراراتك
لابد لابد لابد
الخطأ كل الخطأ ان نعاند ونكابر ونضحك على انفسنا
وكلنا نعرف الداء وين
تبون العلة وين ؟
العلة فينا احنا
قسما بالله العظيم ثلاثة ارباع إلي بالسوق مايدرون شالطبخة
ولايدري اشلون يشتري ومتى يبيع
انا استغرب كنت اسأل هالموجودين بالصاله اللي رازين اعمارهم من صباح الله خير اسألهم عن اشياء اتضح لي بعدين انه بسيطة جدا كانوا ما يعرفونها
فهذيله اشلون تبيه يربح بالسوق
اشلون تبيه يعرف اصول اللعب
متى يمسك السهم ومتى يشوته فنقر
يعني واحد من الاخوان إهني كتب يقول انه ماراح يبيع حتى لو وصل السهم بفلسين
هل يعقل انه في واحد يرضى الخسارة لنفسه لمجرد انه يعاند !!!!
تبي تعاند خلك ماراح ياكلها الا انت
ياجماعه الخير
انا لاحظت الكثير منا كتبوا عن اسباب الانخفاض
وناس كثير ردوا عليهم ويقولون لا تخافون اقتصادنا حديد وحكومتنا فولاذ
وواحد يرد ويقول ارباح الربع الاول ولا ما دري شنو
والثاني يكتب عن اسباب امنية مادري مقاومة عراقية مادري كلام فاضي
مع احترامي لكل الاراء وممكن بعضها يكون صحيح
لكن صدقوني
احنا نبالغ بشكل لايصدق
سوق الكويت للاوراق المالية سوق صغير وحقير
والله سوقنا صغير بالحجم والتداول وعدد المتداولين وكل شي
فليش خابين اعمارنا ومعطين انفسنا حجم اكبر من حجمنا
وسوقنا ايضا سوق حقير وسوق مزيف وسوق هش
طحنا الله يكافينا وياكم تحت رحمة ناس يسفون الخضر واليابس
ولولا تدخلات الحكومة بكل صغيرة وكبيرة عن طريق هيئة الاستثمار والله ثم والله ما تلقون واحد فينا يوطوط بالصالة
لكن الدلع الحكومي وصل حده والتدخلات في مسار الاقتصاد اكبر خطر على الدولة
صناديق استثمارية تسرح وتمرح بلاحسيب ولا رقيب ولابعد على عينج ياحكومة
وبالاخير يطلع علينا مدري منو ويقول اقتصادنا حديد
اليوم في خبر بالجريدة اظن القبس
شوفوا تجار البطاقات المدنية شمسوين بالبلد
شوفوا اعضاء مجلس الامة اشلون صافين وياهم والنتيجة هدم اقتصاد البلد وكسر هيبة القانون
وعلى ذمة الجريدة
انه في صفقة راح تتم بين الحكومة وبين بعض الاعضاء المحسوبين على تجار البطاقات المدنية انو ممكن يفتحون المجال اشويه عشان الاكتتابات
والمقابل ضمان التصويت ضد استجواب القلاف لوزير الصحه
شفتوا المصخرة وين وصلت
شفتوا حال البلد اشلون صار
انا بفهم اشلون يعني اعضاء ونواب محسوبين على تجار بطاقات مدنية ابفهم ؟
واليوم ايضا في خبر هم بالجريدة ان الهيئة العامه للاستثمار راح تجتمع بمدراء الصناديق إلي بالسوق
الاجتماع كله ضحك ومصخرة وإلي ماكلها اهم اللي مثلي ومثلكم
مشكلتنا مشكلة هالصناديق
الصناديق إهي سبب البلا
والابلى من الصناديق الفكر الاقتصادري في هالبلد بشكل عام
والابلى من الكل هو حكومتنا الرشيده
ماني عارف ليش تتدخل في كل شي
خلو الاقتصاد اهو يبني نفسه بنفسه
خلو البورصة والمستثمرين بالبورصة اهم الي يحركون السوق
والله انا عندي ان يكون التداول اليومي بالسوق الكويتي مية الف دينار
وعدد الشركات ثلاث او اربع شركات او حتى ثنتين
ولا يكون كل يوم نقرأ من هالتقارير السوق الكويتي ثاني اكبر سوق في العالم العربي
وحجم التداول فيه كبير جدا وعدد الشركات فيه يفوق المئة شركة واخذ من البهرجه وشغل الدعاية
وبالاخير اشوية ناس (.....)وبهزة بسيطة ينزلون السوق ويصعدونه على كيف ابوهم

الزبدة........ وآسف على الاطالة

كل مستثمر بالبورصة يجب ان يعرف شنو إلي له وشنو إلي عليه
لازم نعرف اتقان اللعبة إلي يلعبونها
لازم نتحرص منهم ياجماعه لي متى واحنا فينا غشامة من الاعيبهم
لازم نعرف متى نستفيد ومتى نخسر ولا نعاند والله الخسران احنا مو مهم
وهناك قاعده ذهبية والله من تجربة اخذناها
الربح القليل فيه بركة اخذه واطلع لا تطمع
والركاده زينه
واهم شيء عليكم بالدعاااااااااااااااء
وآآآآآآسف جدا على الاطالة بس والله من حر مافي قلبي

 

[بايعها]

كله كوم والاخوان إلي قاعدين يحسبون نقاط الدعم والمقاومة للمؤشر او الاسهم كوم

هذي نقطة دعم وهذي نقطة مقاومة
والمؤشر يرتد عند هالنقطة وينكسر عند هالنقطة
والسهم الفلاني الهدف الاول ماله السعر العلاني
ياليت والله هالكلام صحيح

انا اتحدى ان يكون السوق الكويتي يخضع لأي تحليل او منطق اقتصادي

ياناس لا تعبون روحكم

اعرف شنو مزاج الجماعة ماغيرهم تعرف شنو اتجاه السوق

والمثل يقول من جاور السعيد يسعد

 

[قلنا لكم]

انا من زمان قلتها يا اخي العزيز
لاتراقب المؤشر كثر ماتراقب حركة الاخرين او انك تحاول تقرأ افكارهم

 

[حريص]

انا من زمان اقول سوقنا سوق امزجه ما يخضع لا حق جارت ولا حق نقاط دعم ولا غيره ومثل ما قال الاخ بايعها او في معنى اصح اضرب واهرب

 

[أبو عبدالمحسن]

مرجبا

انا استغرب كنت اسأل هالموجودين بالصاله اللي رازين اعمارهم من صباح الله خير اسألهم عن اشياء اتضح لي بعدين انه بسيطة جدا كانوا ما يعرفونها فهذيله اشلون تبيه يربح بالسوق


يا خوي الرزق على الله مقسم الارزاق سبحانه من له رزق بيلقاه بأذن الله ( ما سمعت عن الثعبان الاعمى الي يطعمه عصفور )

طيب وانت لم سالتهم اكيد كنت ما اتعرفها .؟ والحين عرفتها واهم بعد تعرفوا عليها او راح ايعرفونها باذن الله ما احد طلع من بطن امه متعلم

اتفق معك في اغلب الموضوع

ابتسم انت في الكويت