نداء الى اعضاء المنتدى وأصحاب الخبره الرجاء الدخول

[فوازالمطيري]

يا جماعه انا عندي اسهم في شركة الشبكة القابضة

ومتردد هل أبيع في الوقت الحالي بخساره أو أنطر على السهم في المستقبل


اتمنى منكم الرد لكل من عنده خبر عن الشبكه ...


والله يوفقكم جميعاً

​

 

[الشاطر]

افضل شئ انك تبيع وتنطر لما يبين توجه السوق هذا بصوره عامه عن السوق

اما سهمك فلا اعلم لكن السوق بشكل عام مابين توجهه واقرب مايكون هو الاستمرار بالنزول

 

[مساهم11]

بيع ولا تشاور وريح بالك ونفسك

 

[anw-exchange]

والله كلنا متوهقين مثلك ويمكن أكثر وقعدين نسمع عن المحفظة المليارية اللي بتدخل السوق وقاعدين ننطر

 

[Bo_jassim]

انا اقول المحللين يقولون في احتمال ارتداد من 8200 شي جذي اذا ماصار ارتداد بيع ما اتوقع انك عيزان تنطر لي 8200 ولا 8150 اهيا خربانه خربانه كلنه نفس حالتك حجي

 

[ابوعامر]

كم شاري السهم على شان اقولك

 

[D.NeT]

الاجابة بكلمتين .
اذا كنت شارية عن طريق قرض فما اقول الا الله يعينك .
اما اذا شارية بكاش فانصحك ان تنتظر لعلى وعسى يرتد السوق ويتعدل .

 

[aclient]

الحال من بعضه يا خوك خسارتي فيه للحين 70% , انت اذا خسارتك جايده و مو محتاج انطر يمكن يرتد السوق و تعوض شي من الخساره, مثل ما توقعو اخوانا المحللين في ارتداد حلو والله تعالى اعلم.

عسى الله ان يرزقنا و يرزقكم و جميع المسلمين خير

 

[تفائلوا بالخير]

انت طرحت سؤال على عامة الناس وبهالحالة ماراح تلقى جواب محدد راح تلقى اراء كثيرة وكلن يدلي بدلوه انا انصحك تستشير بعض الناس اللي تعرفهم وما تكون الاستشارة علنيه او تتخذ القرار اللي يريحك والله يعوضك خير ان شاء الله