اتمنى تعديل وقت افتتاح السوق الى الساعه 10 صباحا

السلام عليكم


سوف اطرح موضوع لكم اليوم مهم وهو ياريت يتم تعديل وقت افتتاح السوق الى الساعه 10 صباحا بدل الساعه 9 صباحا اسوه بالاخرين
فما رايكم واظن السعودية تفتح الساعة 11 على ما اظن


المهم اتمنى ان تعدل الحكومه الوقت الى الساعه 10 او 11 يكون افضل
وهذا مهم لتجارة الاسهم

الردود الطيبه جزاكم الله خير
ولا يجيني واحد يقول مدارس الاطفال وغيره
اذا تم تغير الى الساعه 11 راح يسكر السوق الساعه 2.30 ظهر
يعني غداي يوميا في سوق المباركية عند مطعم الايراني اكل مرق هامور وعيش بالزعفران او اكل مشويات او مشوي سبيطي .

تحياتي

 

ما الومك لان للحين صاحي

متى بتصحى باجر ومتى تحط اوامر البيع والشراء !!!

وعلى قولة ابراهيم الصلال

نام بكير واصحا بكير

وشوف الصحة (البورصة) كيف بتصير

ببوباسل

 

من 10 الى 1
ممتاز ​

 

بصراحه نبيها الساعه 4.30 العصر لادوام ولا يهال وتكون توك ماخذ غفوه بوساعتين

 

من الساعه 11 الى الساعه 2.30 انسى شىء اسمه عصر

 

مشكور اخوي على الموضوع انا بنسبه لي وقتها حلو 9 الى 12:30

 

صوتك وصل أخوي

 

البركة في البكور

 

افضل وقت والله اعلم من الساعة 5 - 8 مساء

 

والله اقتراحك طيب الساعه عشر مناسب حالنا حال بورصات الخليج دبى وابوظبى والدوحه الساعه 10 والسعوديه 11

 

بالنسبه لي اي وقت بس المهم يكون اخضر

 

الافضل من الساعة 10الى 2 بعد الظهر

 

لازم يكون الوقت من 2حتى 5مساء علشان الناس تقدر تشتغل عدل وقت الصباح وتكون البورصة وقت العصر اللي هو وقت النوم عند السهيره

 

فترة العصر افضل شي عشان اللي يشتغلون يركزون بشغلهم بدال ماييبون لابتوباتهم ولا يخزون التلفزيون قناة الكويت وموطي الصوت واضح يطالع المؤشر شكلنا غلط بالدوام

 

انا افضل يكون التداول الساعه 8 الصبح وينتهى الساعه 11

 

الســـلام عـــليكم


موضوع ممتاز وهـو يعـبر عن موضوع مهـم وهو مــوضوع الــوقت

بالفعــل أنا اتمنى أن يبـدأ التداول بعد الساعه 10 صباحا حتى الساعه 2
أومن السـاعه 11 حتى الساعه 3

 

اهم ميزة في هذا الوقت الشوارع مافيها زحمة وتحصل موقف عند البورصة بكل سهولة

 

احلي وقت من الساعة 10- 12

ساعتين كافي

 

أحلى و أنسب وقت .. بعد صلاة العشاء ... سهاري الشباب ... بتصير أحلى ديوانية

 

بعد صلاه العصر حتى صلاه المغرب