من الخاسر فى الطلاق المرأة ام الرجل ؟ للمناقشة

[nestla]

الله يعينج
التاثير يكون من الزوجين كلاهما .. شنو يعني الريال ما عنده مشاعر و احساس ؟ ما يصير ؟

الطلاق بالنسبه للمرأه انهيار لحياتها و نقطه لا يمكن ان تمحيها او تنساها حتى لو هي من سعت للطلاق و رفضت الحياة الزوجيه التعيسه , اما الرجل بالنسبه لطبيعته كونه على طول مشغول و بره البيت يقدر يهلي نفسي و ما يحس بالوقت وحجم المشكله .
ولكن بالنهايه يختلف التأثير بين كل شخص و اخر على حسب طبيعته .

 

[coooool2]

الطلاق بالنسبه للمرأه انهيار لحياتها و نقطه لا يمكن ان تمحيها او تنساها حتى لو هي من سعت للطلاق و رفضت الحياة الزوجيه التعيسه , اما الرجل بالنسبه لطبيعته كونه على طول مشغول و بره البيت يقدر يهلي نفسي و ما يحس بالوقت وحجم المشكله .
ولكن بالنهايه يختلف التأثير بين كل شخص و اخر على حسب طبيعته .

اهيا باختصار .. لازم يكون بروحه لأنه قاعد يفكر و يراجع احساسه و يقول "ليش طلقتها ..دامها تبيني اطلقها..مو اهيا كانت ماسكه حياتي ؟"و هالكلام .. و لعلمج مو كل الرجال يطلعون بره
تشوفينه بعد جم يوم يا اهوا يرجع لها او اهيا ترجع له ..!! و يا حلو لو ماسكين بعض على قلب واحد..

 

[nestla]

عندي سؤال ابي اوجهه لكل الرجال ؟
ليش اذا المرأه هي الي طلبت الطلاق الرجل يعاند و ما يطلقها و يكون هدفه الاساسي انها تضل معلقه ؟ ليش ؟

 

[بوسعود66666]

عندي سؤال ابي اوجهه لكل الرجال ؟
ليش اذا المرأه هي الي طلبت الطلاق الرجل يعاند و ما يطلقها و يكون هدفه الاساسي انها تضل معلقه ؟ ليش ؟

انا اقولج ليش يااختى السالفه عناد وبس ويبى يحرق دمها

 

[coooool2]

عندي سؤال ابي اوجهه لكل الرجال ؟
ليش اذا المرأه هي الي طلبت الطلاق الرجل يعاند و ما يطلقها و يكون هدفه الاساسي انها تضل معلقه ؟ ليش ؟

لانه يحاول يستقر العلاقه ..لانه يبي يصلح الأخطاء .. لأنه يبي يهتم فيها و ما يبيها تضيع ..و اذا ما نفع يطلقها بعد جم سنه من محاولات فاشله
انا ادري زعلانه من كلامي بس الريال لازم يسوي جذي لمصلحه الزوجه

 

[nestla]

لانه يحاول يستقر العلاقه ..لانه يبي يصلح الأخطاء .. لأنه يبي يهتم فيها و ما يبيها تضيع ..و اذا ما نفع يطلقها بعد جم سنه من محاولات فاشله
انا ادري زعلانه من كلامي بس الريال لازم يسوي جذي لمصلحه الزوجه

لا طبعا مو عشان المصلحه الزوجيه عشان الانتقام ورد جزء من كرامته لانه يرفض فكرة انه المراه هي الي تختار انهاء الزواج .

 

[coooool2]

لا طبعا مو عشان المصلحه الزوجيه عشان الانتقام ورد جزء من كرامته لانه يرفض فكرة انه المراه هي الي تختار انهاء الزواج .

ينتقم من زوجته ؟ و ما في زوجه تنتقم من زوجها ؟

انا لو كنت مكان الزوج ما اسوي هالسوالف..اخليها تبي اللي تصير ..عشان ضميري يرتاح

شوفي الصراحه كيفهم .. بس صدقيني الزوج و الزوجه مو كلهم يسوون نفس الحركات و ترا اصابع ايدج مو سوا

 

[rakan_yes]

الكل خسران
والخاسر الاكبر
الشؤون تعطي المطلقه راتب

 

[nestla]

ينتقم من زوجته ؟ و ما في زوجه تنتقم من زوجها ؟

انا لو كنت مكان الزوج ما اسوي هالسوالف..اخليها تبي اللي تصير ..عشان ضميري يرتاح

شوفي الصراحه كيفهم .. بس صدقيني الزوج و الزوجه مو كلهم يسوون نفس الحركات و ترا اصابع ايدج مو سوا

هذه هي المشكله يا ريت كل الازواج ما يفكرون بنفس الطريقه بس اصابعك مو سوا .
انا اظن انه بمجرد طلب الطلاق يبدا يبدا الطرف الاخر بالصلح و في حال عدم الصلح يلجأ الى الانتقام و يتحول الطلاق الى لعبة عناد و انتقام .

 

[nestla]

الكل خسران
والخاسر الاكبر
الشؤون تعطي المطلقه راتب

يا ريت المشكله مشكله ماديات و راتب وبس .. وبعدين ليش راتب ؟ منو بهالوقت ما تشتغل

 

[coooool2]

الكل خسران
والخاسر الاكبر
الشؤون تعطي المطلقه راتب

بو راشد ترا نسبه الطلاق 90% الله يعين

 

[coooool2]

هذه هي المشكله يا ريت كل الازواج ما يفكرون بنفس الطريقه بس اصابعك مو سوا .
انا اظن انه بمجرد طلب الطلاق يبدا يبدا الطرف الاخر بالصلح و في حال عدم الصلح يلجأ الى الانتقام و يتحول الطلاق الى لعبة عناد و انتقام .

و ورا العناد و الانتقام .. المحكمه

 

[nestla]

و ورا العناد و الانتقام .. المحكمه

لا طبعا مو بس المحكمه على طول
بالاول مخافر و قضايا و بعدين محاكم و الميزه انك تكتسب معلومات عن القانون وتصير مثقف وايد و تتبع كل اخبار المحامين و مقابلاتهم بالتلفزيون .

 

[مساهم11]

والله يا بوسعود الخاسر هم الاطفال ان وجدوا
والرجل لاشك انه يخسر الاستقرار
والمرأة اكبر خسارة لانها فقدت بطيش فكره سريعه
ومشورة من لا يريد لها الخير الامن والامان والراحه النفسيه
وان ربحت حضانة الاولاد والجزء الاكبر من راتب الزوج
فلن يعوضها ذلك العاطفه الفياضه من زوج محب
ولا تفيق من سكرتها الا بعد مرور مالا يقل عن 6 شهور من الفراق والطلاق
وسبق ان كنت متعاون في فريق للاصلاح فككنا نرا العجب العجاب
بعض النساء تحلف وتقول انها لا تقصد الطلاق بل التهديد ورات ان الطريق ممهد فسلكته


شكرا لك اخوي والله كنت بنزل موضوع شبيه ولكن رفعت عني الكثير

 

[D.NeT]

السلام عليكم
مشكور اخوي بو سعود على طرحك للموضوع .... وفعلا الرجل والمرأة كلا مكمل لاخر ولكن هناك سؤال من هو الخسران .... الاجابة على حسب وجهة نظري بان المرأة هي الخسرانه وذلك لعدة اسباب منها :-

1- فقدان احساس والعطف عند الطلاق .
2- تفكير مطلق بالزواج مستقبلا .
اما بالنسة الرجل فاعتقد انه بامكان ان يستقر مرة اخرى بزواج من امراة اخرى هذا ان كانت لدية سيولة مادية لتمكنة من فتح بيت واصراف على الزوجة الجديدة .

هذا بالنسبة لوجهة نظري .... ودمتم .

حاط عيني على زوجة ثانية بس خل يتحقق بالي ويصعد زين لو اسبوع بحد اعلى .
قول امين

 

[Bo_jassim]

المره العاطفه موجوده كل مكان

 

[fabulass]

و الله أنا أرى أن الأثنين خاسرين في نفس الوقت إذا كان الطلاق بسبب عدم التوافق ، و لكن إذا كان الطلاق بسبب أخطاء فادحة من أي منهما مثل ( الخيانة ) فإن الطرف الاخر لا يعتبر خاسراً مطلقاً .

 

[ناصر فيصل]

الطلاق

ماديا الرجل ملزم بانفقة الاولاد و نفقة متعة و نفقة عدة وبدل سكن وخادمة بمعنة ان راتبه سوف يتعرض لتصحيح قوي نفس الذى حصل معنا من شهر 10 الى اليوم .
المشكله و الخسارة الكبيرة خسارة الشرف للمراة نسبة كبيرة و ليس كلهن طبعا تتغير بعد الطلاق وتحاول ان تتعرف على اي شخص يرجع اعتبارها و ثقتها بنفسها و يبدأ الخداع لازم اعرفج زين قبل الزواج و ما ابي تعيشين نفس المشكلة و يعد ما يخلص ويشبع منها اعتقد ننفصل احسن الان افضل من الانفصال بعد الزواج و تبدأ المحاولات الاخرى و لا حول الا بالله .
وقضايا المخافر كثير من المطلقات ابطالها طبعا الا من ستر الله .

 

[nestla]

انا اقولج ليش يااختى السالفه عناد وبس ويبى يحرق دمها

ليش مافي اي اعتبار للعشره الي كانت بينهم !!

 

[KuWaiT DriFT]

تسلم يا بو سعوود عالموضوع

أنا من رأيي اني رااح اكون من النوع العنييد

و بعدين شنو بتروحون انت و كول جوكلت باار

و انا ليش ما تودوني