صــيــانـة الــســايـر ؟ السيرفس - فززعتكم يا إخووان

الموضوع في 'اعلانات المركبات' بواسطة ali5225, بتاريخ ‏2 ديسمبر 2008.

حالة الموضوع:
مغلق
  1. ali5225

    ali5225 عضو نشط

    التسجيل:
    ‏12 أغسطس 2008
    المشاركات:
    176
    عدد الإعجابات:
    0


    السلام عليكم ورحمة الله وبررررركاته .. يا جماعه انا شريتلي كامري ولله الحمد من شركة الساير للسيارات المستعمله كامري 2006 وقالولي لازم

    تحافظ على السيرفس بالوكاله ؟

    وانا مو متعود على الوكاله متعود على البنشري الله لا يهينك بـ 4 دنانير

    يضبطلي السيارة ؟

    لاكن ابس اسألكم عن صيانة الساير ؟

    1 - شلون شغلهم ونظامهم بنظام السيرفس ؟
    2 - سمعت انهم ما يخلونك تدخل تشوف سيارتك وهم يسولها سيرفس
    زين هل يغشووني يعني ولا لا ؟

    3 - وين افضل مكان للساير الفحيحيل ولا الري ولا الشويخ ولا الجهرا ؟

    وكم تكلفة غيار الزيت والفلتر عندهم ؟

    وشنو تنصحووني

    ولكم مني جزيل الشكر والامتنان ؟

    اخوووووووكم / علي
     
  2. UNIX

    UNIX موقوف

    التسجيل:
    ‏9 ابريل 2007
    المشاركات:
    7,556
    عدد الإعجابات:
    1

    عفواً أخوي لا تزعل مني،، راح اقول كلام قاسي، بس انا ما اقصد شخصك الكريم...

    1- عائلة الساير الكرام من أنظف تجار الكويت، فلم يتاجروا لا بالممنوعات و لا المحرمات كغيرهم من التجار.

    2- شنو مصلحة الساير انه ينصب عليك أو علي؟؟ اهي واقفه على كامريك؟؟ الريال قاعد يبيع مئات السيارات يومياً فهو صاحب الوكالة ذات أعلى المبيعات.

    3- سيرفس الساير يكلفك 6 او 7 دنانير، فيها يبدل الزيت "زيت فرنسي" + فلتر أصلي + ينظف الماكينة بخرجه + يفحص ضغط الاطارات و يشيك على الزيوت الأخرى.

    4- خدمة السيرفس في الغالب تاخذ اقل من نصف ساعة، و عمل السيرفس جدامك و مسموح لك تقعد على الدبة و اهو يشتغل بالسيارة.

    5- كل ورش الساير نفس الشي، لأن الوكالة ملتزمة بمعايير جودة محددة من المصنع.

    و بالتوفيق.
     
  3. rachelsteak

    rachelsteak عضو جديد

    التسجيل:
    ‏28 سبتمبر 2008
    المشاركات:
    87
    عدد الإعجابات:
    0
    motwa7sh el sayer
     
  4. الفيلسوف_11

    الفيلسوف_11 عضو نشط

    التسجيل:
    ‏21 أغسطس 2007
    المشاركات:
    282
    عدد الإعجابات:
    2
    كفيت ووفيت اخوي

    مافيه احسن من الوكاله وانا داخل بكراج الري وشفتهم يشتغلون بسيارتي وللامانه سيارتي دخلتها سيرفس 20000 ولما استلمتها قالولي لقينا الدرج الي بين السايق والي يمه يطلع صوت وبدلنا الربل على الكفالة ومشحمين البيبان ومجيكين على مستوى الزيوت وشادين الغايشات و سنفرة للسفايف شغلات صج بسيطه بس ترتاح لما تكون بصفة دوريه واحسن كراج ما يسويها لك بدون ما تقوله واذا فيه شغله انت مو منتبه لها يبلغونك عنها

    وكلها 8 دنانير ويضيفونك جاي و قهوه بعد
     
  5. احمد السدحي

    احمد السدحي عضو جديد

    التسجيل:
    ‏23 ابريل 2008
    المشاركات:
    280
    عدد الإعجابات:
    0
    وكاله الساير ونعم والله انه وكاله صحيح ميه فى ميه من خدمات وصيانه وكل شى انا اشهد فى هدى شى يتعملون معاك بصدر راحب من جميع الموظفين
     
  6. ali5225

    ali5225 عضو نشط

    التسجيل:
    ‏12 أغسطس 2008
    المشاركات:
    176
    عدد الإعجابات:
    0
    الله يعطيكم العافيه كفيتوووو ووفيتووووو

    يعني لما أدخل سيارتي السيرفس اقدر ادخل داخل واشووفهم وهم يشتغلون بسيارتي

    وسمعت انهم ما ستعملون زيت تويوتا يستعملون زيت ثاني اعتقد كوفران او كفران وشنو رايكم ؟
     
  7. كي نت

    كي نت موقوف

    التسجيل:
    ‏2 أكتوبر 2008
    المشاركات:
    729
    عدد الإعجابات:
    0
    السلام انا وديت برادو السيرفر والله وتحسفت صراحه اخذ مني 78 دينار
    تشحيم وبدل دهن المكيه بدون فلتر ولك جم برغي تحت لو اموديها مغسله وايد ابروك صراحه وطولت عندهم 4 ساعات وماكو شي لو ادري الشغل بس جذي جان سيده المغسله والله
     
  8. ali5225

    ali5225 عضو نشط

    التسجيل:
    ‏12 أغسطس 2008
    المشاركات:
    176
    عدد الإعجابات:
    0
    دخلت داخل عندهم لما وديت البرادو ولا قالولك اقعد بالاستراحه
     
  9. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    بصراحة اهما وكالة احترافية بمعنى الكلمة وتجعلني متطمن بعد الاتكال على الله اذا عملت السيرفس عندهم

    ولكن سعرهم شوي غالي

    سيارتي اوديها الساير حق السيرفس ......... فقط...... ما اوديها حق المغسلة عشان ايي الغسال ويقولك الكلمة السحرية (صليب البوككس عاوز تبديل)
     
  10. الحمرانيـ

    الحمرانيـ عضو جديد

    التسجيل:
    ‏16 يونيو 2008
    المشاركات:
    179
    عدد الإعجابات:
    0

    انا مو معاك اخوي لأن انا سألت واحد هناك وقتله بذمتك شنو يسون بالسيرفس قالي يبدلون دهن ويشوفون التواير قتله طيب وبلكات وجذي قالي مايبدلولك الا اذا حتاجت السياره طبعا السياره وانيت 2008
    بس أذا لهم تعامل ثاني مع السيارات الثانيه الله واعلم مع العلم سعر السيرفس 70 او 80 دينار ما أذكر

    مع العلم الدهن والفلتر أذا تبي تبدله عندهم ماياخذ اكثر من 20 :؛)
     
  11. كي نت

    كي نت موقوف

    التسجيل:
    ‏2 أكتوبر 2008
    المشاركات:
    729
    عدد الإعجابات:
    0
    دشيت عندهم وشفتهم يشتغلون في السياره وخرابيط والله ماكو شي غير لك جم برقي وحط حق الباب اقريز وبدل دهن المكينه بدون فلتر وحط حق كل شي زيوت وبدل ابلكات المكينه بس ولك براغي وبس
     
  12. ستايل مان

    ستايل مان عضو نشط

    التسجيل:
    ‏24 سبتمبر 2008
    المشاركات:
    666
    عدد الإعجابات:
    0
    يا اخوي الكامري تبي بس بانزين ودهن
    شوفها بسعودية اشلون تمشي ماشاء اللة
     
  13. ابو بـدر

    ابو بـدر موقوف

    التسجيل:
    ‏28 سبتمبر 2008
    المشاركات:
    139
    عدد الإعجابات:
    0
    عفواً أخوي لا تزعل مني،، على قولتك :)

    انا مستغرب من طريقة ردك ... الرجل يسئل عن صيانة وكالة الساير وماسئل عن العائلة الساير وانشاطها التجارية ومقارنه بينها وبين عوائل التجار !!
     
  14. سجين الود

    سجين الود عضو جديد

    التسجيل:
    ‏4 أغسطس 2008
    المشاركات:
    63
    عدد الإعجابات:
    0
    انا مستغرب من ردود بعض الناس سووها سالفه وهي صغيره ماتسوى الي يقول واحد من الربع
    سوى سيرفس ويقول خرطي والي يقول انا سويت سيرفس جم برغي بـ 80 دينار
    اجل تبيهم يبدلولك نص المكينه والقير والكشنات الخلفيه عشان تقول سعرهم مناسب دافع 80
    مو الف الله يهداك والاخ صاحب الموضوع روح شوف بنفسك احسن انت مو مجبور تسوي سيرفس
    كامل اهم شي انك تبدل عندهم زيت وفلتر كل 5 الاف عشان ماتطيح الكفاله اذا سيارتك ماتعدت
    الـ 60 الف وبعد الـ 60 تكون الكفاله خلصت روح البنشر وبدل زيت على كيفك وبالنسبه
    لزيت كفران افضل من زيت تويوتا وانا كنت اسوي سيرفس عند الساير ابد واقف عند سيارتي
    واطالعهم شنو يسوون وسعر تبديل الزيت يفرق عن بره دينار او دينار ونص وطبعا هم افضل وكاله بالكويت بلا منازع واصلا الموضوع مو محتاج استفسار ومناقشه بهالحجم
     
  15. ali5225

    ali5225 عضو نشط

    التسجيل:
    ‏12 أغسطس 2008
    المشاركات:
    176
    عدد الإعجابات:
    0
    انا أسـف يا جماعه ولكم مني جزيل الشكر والامتنان كفيتوووو وفيتووووو

    واسمحوووولي على الي صاررر فمان الله
     
حالة الموضوع:
مغلق