اشتساره قانونيه عن الاجار

الموضوع في 'إستراحة المنتدى' بواسطة Fierce, بتاريخ ‏2 ديسمبر 2008.

  1. Fierce

    Fierce عضو نشط

    التسجيل:
    ‏8 يوليو 2008
    المشاركات:
    377
    عدد الإعجابات:
    239
    انا مؤجر عند شخص وكل شهر ادفع حق الصبي ماله الاجار بالوفا والتمام وبدون زياده او نقصان بالموعد المحدد وآخذ منه وصل يكون مكتوب وجاهز من قبل المالك (صاحب العقار)
    المهم تفاجأت انه طالب مني زياده 25% من قيمة اليجار مع العلم عقدي من سنتين تقريبا 400دينار والحين طالب 500 دينار شنو الحل
    كاتبلي على الوصل هذا اشعار رسمي باعلامكم عن الزياده بالايجار من الشهر القادم
    مادي شسوي اعطيه اشكل (طاف)
    او مدري وش اقول:d
     
  2. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    أول شي بالعقد .. متى ينتهي ..؟
    اذا العقد للحين ما انتهى ..
    ماله حق انه يزيد عليك الايجار ..
    لأن في بينك وبينه اتفاق ..
    وبالقانون يقولك .. ان العقد شريعة المتعاقدين ..

    على العموم عطه الايجار اللي تم الاتفاق عليه بالاساس بالعقد ..
    واذا رفض اخذ المبلغ ..روح ادفع ايجار البيت بالمحكمه .. بشكل رسمي .. واهم يوصلونه لـ عنده غصب طيب يآخذهم ..!

    وان شاءالله ماكو الا كل الخير ..


    دمت بود ..
     
  3. Fierce

    Fierce عضو نشط

    التسجيل:
    ‏8 يوليو 2008
    المشاركات:
    377
    عدد الإعجابات:
    239
    شاكرلك على مرورك وتفضلك بالرد
    عقدي بدايته 6/2007
    سنه ويتجدد من تاريخه يعني مو خمس سنوات
     
  4. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
    مثل ما قال فزاع .. العقد شريعه المتقاعدين و هذا مذكور بالقانون

    لكن يخالف الاتفاق .. و يقول ابي زياده .. يعني ما احترم الاتفاقيه ..

    تقدر تقول جنه طالب ربا ..
     
  5. Fierce

    Fierce عضو نشط

    التسجيل:
    ‏8 يوليو 2008
    المشاركات:
    377
    عدد الإعجابات:
    239
    على فكره التعامل دايما مع الصبي والمالك ماشوفه الا من مده لي مده
    العقد سنه ويتجدد من تاريخه
    6/2007 ينتهي 6/2008
    وبعدين شنو المفروض يصير
    مع خالص الشكر وفائق التقدير
     
  6. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة

    ماله شغل حتى لو تجدد لمليون سنه و نفس بنود الاتفاقيه ..

    اذا انتهى العقد بهذي الحاله يصير تعدل أحد البنود و تمشي على المتجدد المتعدل ..
     
  7. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    يا يبه ماله حق يزيد اي فلس عليك ..
    لأن بقانون الايجارات .. ينص على ان :
    العقد يجدد تلقائيا ً .. لمده مماثله ما لم يخطر احد الطرفين بالاخلاء ..
    ( يعني بحالتك اهو اوردي الحين متجدد لـ سنه 2009 شهر 6 ) ..
    وماله حق يزيد الاجره .. او يطالب بـ اي فلس زياده الا اذا مر على العقد 5 سنوات ..

    دمت بود ..
     
  8. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
    فزاع تصدق انا اقرا القانون و ودي اصير محامي بس ما قدر
     
  9. al7bebe

    al7bebe عضو نشط

    التسجيل:
    ‏24 مارس 2005
    المشاركات:
    10,052
    عدد الإعجابات:
    941
    --------------

    ايجارك اصلا غالي وبعد يبي يزيد عليك شنو الجشع هذا

    حبيبي اذهب الي محامي ومعاك عقد الايجار واشرح له موضوعك
     
  10. المضارب السريع

    المضارب السريع عضو نشط

    التسجيل:
    ‏27 مارس 2006
    المشاركات:
    704
    عدد الإعجابات:
    2
    مكان الإقامة:
    الكويت
    السلام عليكم اخوي العقد يجدد تلقائي مو من حق المالك ان يطلب زياد الا بعد خمس سنين 0
    انصحك التزم في الاجار في الموعد واذا رفض يستلم الاجار روح ادفع في المحكمه قبل تاريخ 20 من كل شهر
     
  11. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الله اعيينك على هالطماع كل شي قاعد ينزل حتى اسعار العقار والاكل والساييير والخ اشمعنه اهو

    الله يهدييه
     
  12. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    اخوي طريخان ما ذكرت السكن
    اذا شقه شوف لك شقه ارخص واكتب عقد 5 سنين
    الايجارات نزلت حيل واسعار البيوت في نزول علي استحياء
    لا ترد عليه هو وبيته
    وان حبيت تقعد لا تزيده ولا فلس ولك حق 6 شهور تدور علي بيت ثاني
     
  13. سابر ألاغوار

    سابر ألاغوار عضو جديد

    التسجيل:
    ‏1 يناير 2008
    المشاركات:
    307
    عدد الإعجابات:
    0
    الاجرة المتفق عليها في عقد الايجار تكون ملزمة للمتعاقدين فلا يجوز تعديلها الا باتفاقهما او للاسباب التي يقررها القانون.
    مع ذلك يحق لكل من المؤجر والمستأجر التمسك بأجرة المثل اذا لم يتفقا رضائيا على الاجرة مرة كل خمس سنوات على الاقل ما لم يكن الايجار معقود لمدة اطول فتسري الاجرة المتفق عليها الى نهاية مدة العقد ويراعى في تقدير اجرة المثل ما نص عليه في المادة 4 من هذا القانون.
    وفي جميع الاحوال لا يجوز ان يتجاوز الفرق بين الاجرة السارية ، ويجوز تعديل هذه النسبة بمرسوم.
    وتسري احكام هذه المادة على العقود القائمة وقت العمل بهذا القانون.
    (مادة 11 من القانون رقم 35/78 في شأن ايجار العقارات)​
     
  14. Fierce

    Fierce عضو نشط

    التسجيل:
    ‏8 يوليو 2008
    المشاركات:
    377
    عدد الإعجابات:
    239
    الله يطول بعماركم على طاعته
    ماقصرتوا
    ومرحومين الوالدين:)
     
  15. q82007

    q82007 عضو نشط

    التسجيل:
    ‏21 مايو 2008
    المشاركات:
    569
    عدد الإعجابات:
    0
    أهم شي تحرص عليه ان تدفع الايجار قبل تاريخ 20 يكون القانون في صالحك ولا يقدر يزيد عليك الايجار ولا تخلي العين إلا بعد خمس سنوات حتى لو كان عقد ايجار سنه بعد ان يرفع المالك دعوى زياده اجره


    الحيله التي يقوم بها بعض الملاك هي المماطله في استلام الايجار حتى يفوت تاريخ 20 الشهر ثم يذهب الى المحكمه ويرفع دعوى ايجارات ويستخرج شهاده عدم ايداع اجره من الادارة العامة للتنفيذ وبعد ذلك يصدر حكم بلاخلاء ودفع متأخر الاجره وايجار شهري حتى تتمام الاخلاء بالقوه الجبريه من هنا تنقلب الموازين ويسيطر المالك بزمام الامور وبيدأ يفاوض من منطلق قوه ويطلب منك زياده الايجار والتوقيع على عقد جديد او الاخلاء عن طريق ادارة التفيذ ولقطع الطريق عليه هو بالدفع قبل تاريخ 20


    الخطوات للدفع عن طريق المحكمه في حاله رفض المالك استلام الايجار

    احضار عقد الايجار والتوجه الى المحكمه التي يقع العقار في محافظتها في الساعه السابعه صباحا تذهب الى الطباعين وتطلب طباعه انذار عرض اجره ثم تذهب الى ادارة التنفيذ قسم الاعلان ثم يذهب معك مندوب الحكمه الى المالك او وكيله وتعرض عليهم الاجره ان اسلم كان بها واذا رفض هم احسن ترجع الى اداره التنفيذ قسم الايجارات ويفتحون لك ملف بناء على الانذار وكل شهر تمر التنفيذ تدفع ايجارك قبل تاريخ 20 وبذلك تسكن غصبن عليه ولا يقدر يخليييك ولايزيد الايجار واعتذر من الملاك فأنا متعاطف مع المستأجرين

    ملاحظه مهمه اذا بغيت تطلع من السكن اهم نقطه واخطر شي هي تسليم المفتاح لانهاء العلاقه الايجاريه تحرص على توقيع المالك او وكيله بأستلام المفتاح واذا رفض يجب عليك تسليم المفتاح في المحكمه لحمايه نفسك وشكرا
     
  16. Q8iiee

    Q8iiee عضو نشط

    التسجيل:
    ‏3 سبتمبر 2008
    المشاركات:
    229
    عدد الإعجابات:
    10
    مكان الإقامة:
    الكويت
    اخوي لو يمووت مايقدر يرفع الاجار ولا يطلعك الا بعد 5 سنييييييييييين انا صارت معاي
     
  17. Fierce

    Fierce عضو نشط

    التسجيل:
    ‏8 يوليو 2008
    المشاركات:
    377
    عدد الإعجابات:
    239
    ياشباب الله يرضى عليكم ويرحم والديكم انتوا متأكدين
    الرجل صاحب العقار قابلته وتفاهمت معاه بالموضوع وقال لي بالفم المليان اطلعك بسهوله وبدون دوخه وعوار راس وأعلى ما في خيلك اركبه
    وراح تتحسف
     
  18. q82007

    q82007 عضو نشط

    التسجيل:
    ‏21 مايو 2008
    المشاركات:
    569
    عدد الإعجابات:
    0

    ارسلي على الخاص انت تتبع اي محافظة

    ولا تحاتي
     
  19. ابو ريتاج

    ابو ريتاج عضو جديد

    التسجيل:
    ‏10 ديسمبر 2007
    المشاركات:
    733
    عدد الإعجابات:
    0
    ----------------------
    كفو والله ,,,,,,,,,