مفكر أشتري iphone تنصحون ولا لأ ؟

[أبوفلان]

سلام عليكم

مفكر أشتري آيفون ثري جي

ما ادري اشوف المستعمل وااايد قاعد ينباع

شكله مو عملي ..!!


منو الي استخدمه وشنو ميزاته و عيوبه

الله يعطيكم العافية

 

[عازف الجيتار]

والله عندي 1 وعند اخوي واحد وجهاز اكثر من ممتاز انصحك الصراحه بالأخص اذا كنت اتحب التصفح بالنت وماواجهني اي مشكله

 

[أبوفلان]

يعطيك العافية يا عازف

سؤال ثاني لو تكرمت : إذا عندي خط انترنت داتا وركبته يشبك ولا لأ ؟

 

[mbtsm]

احب اشارك بالافاده يشبك عادي ومن احسن مايكون اهوا اصلا مخصص للداته وبنفس الوقت موبايل
واتمنى اني افتك ولو بقليل

 

[sorry]

الجهاز ممتاز

بس فيه عيب قاتل وهو (( دائما يعطي مغلق للي يبي يتصل فيك ))

 

[mbtsm]

يعطي مغلق يمكن جهازك فيه مشكله الحمدلله من عمر الدنيا وانا استعمل اي فون القديم والجديد ماصادفتني المشكله هذي
اسمحلي اخوي كلامك موصحيح

 

[sorry]

يعني انت تعتقد انا داش بالموضوع بجذب ومشي ولا شنو
اقولك انا بايعه قبل شهر وكل من سالته يقول نفس الكلام عيبه يعطي مغلق

 

[mbtsm]

حبيبي انت ماخذ جهاز فيه خلل دش المنتديات وسأل عن موضوعك بخصوص اذا احد اتصل يطلع مغلق وشوف شنو يردون عليك انا ماقول انت جذاب حشاك من الجذب
لاكن اقول كلامك موصحيح والسبب غير مبرر مومعقوله شركه تسكت على هذا العيب الي اتحجى عليه اذا كلامك رسمي عطني الدليل موخلاص يقولون حتى عادل امام قال يقولون
خخخخخخ اتغشمر ياقلبي
الجهاز مافيه العيب الي ذكرته
والسموحه ياخوي لكان كلامي ضايقك

 

[ابو بـدر]

الجهاز فوق الممتاز وراح يغير نظرتك للهواتف النقالة .... احرص ان يكون مفتوح رسمياً علشان تجنب المشاكل بالجهاز وراح تحس بالفرق

بالتوفيق

 

[بوحمود1]

انا ماشفت واحد تم عنده الجهاز اكثر من شهر ،، الكل يذم فيه ،،،، وانا الحقيقة ماجربته ولكن هذا اللى سمعته عن الجهاز

 

[mbtsm]

ياشباب الجهاز على حسب المتطلباتك يعني ناس مادش النت ولاتعرف بالنت شي يروح يشتري اي فون ويقول موشي اكيد موشي بالنسبه له لانه مايغطي متطلباته مثلا ناس تقول ابي تليفون تصويره حلو يروح على السوني اركسون وناس يقول ابي تليفون سهل يرجع على النوكيا على حسب الحاجه يالربع لو الناس كلها نفس الذوق كان بارت السلع
بالنسبه للاخ ابو حمود ههههههههههههه انا واحد من اول ايام الايفون وانا استعمله
الحمدلله انك حصلت واحد يابو حمود

 

[وايلي كويتي]

سلام عليكم

مفكر أشتري آيفون ثري جي

ما ادري اشوف المستعمل وااايد قاعد ينباع

شكله مو عملي ..!!


منو الي استخدمه وشنو ميزاته و عيوبه

الله يعطيكم العافية

وعليكم السلام

الجهاز اخوي ممتاز وعلي حسب شنو استخدامك في ناس يصلح لهم
وناس لا مايمشي معاهم انت وهواك

اذا حاب واحد جديد عندي محل اعرفه باامريكا ومبطل ومعاه قطعه التريبو وشغال بالكويت 100بالمئه اذا حاب ارسل رساله خاصه ونتفاهم انا وياك

 

[الحريه وطن]

من عيوبه كامرته 2 ميغا
ولا فيه راديو

ولايركب له الskype
وبسعره تقدر جهاز umpc مثل هذا
http://www.buy.com/prod/samsung-q1u...00mhz-1gb-40gb-hdd-7/q/loc/101/204996604.html

 

[أبوفلان]

بيضل الله وجوهكم

ماقصرتوا طول الله أعماركم على طاعته

 

[KuWaiT DriFT]

الجهااز مو مجربه بس واايد غااالي

بسعره تقدر تشتري واايد تلفوناات و بأقووى المواصفات

 

[أبوفلان]

طيب ياشباب

في بعد أسئلة : 1- هل فيه gps ؟

2- سوالف تخصيص نغمة للمتصل موجودة ؟

3- الجهاز الي عند يوريكا مفتوح من الشركة أبل ولا سيم كارد وتيربو وما أدري شنو ؟

 

[KuWaiT DriFT]

اخوي اقدر افيدك بأخر سؤال اللي متأكد منه 100%

الايفون مفتوح من شرركة ابل رسميا

السؤال الاول اعتقد اهوا في gps بس يشتغل بالانترنت يعني مو نفس الاجهزه الباجيه

و تخصيص نغمه اللي استعمل الجهااز راح يفيدك

 

[Iphone3g]

بالنسبه لل Gps بس اليديد فيه ومثل ما ذكرلك اخونا Kuwait Drift اما القديم لا

 

[kwaity1978]

انا اقولك شوف شنو استخدامك اذا كان من بين هذيل اخذه
1- يشغل الصوتيات بشكل جدا ممتاز وصوت خارجي وداخلي قوي (( سماعات ))
2- برامج جدا جميله مثل القرأن الكريم كامل بالصوت والتصفح
3- يشغل الفيديو بشكل جميل وانا حاط عليه مسلسل كامل جدا ممتع
4- يشغل الصوتيات سواء اغاني او اناشيد الخ بشكل مرتب وجميل
5- الارقام بعد نقلها بواسطه برنامج اوت لوك قدر تظيف الصوره ورنه مخصصه لكل شخص وشكله جدا جميل
6- العاب عد وخربط مثلا (( كراش - لعبه نيد فور سبي - العاب خفيفه اكس اوه الخ ) )
7- الكام متواضع فيه لكن لاباس فيه
8 - الشاشه تش وما فيها اي مشاكل لا قلم ولا شي بالاصبع
9 - عمر البطاريه جيد جدا افضل من غيره من تلفونات التصفح
10 -بالنسبه للاتصال يطلع مغلق فعلا في بعض الاحيان وليس دائما طبعا وفي خدمه مس يو
11- الصور تقدر تحتفظ بملفات منوعه للصور
12 - تصفح النت بواسطه الوايلس او الكرت الداتا جدا جميل وسهل جدا حتى افضل من تلفون اي ميت
13- حجم الجهازليس سيء بالنسبه للاجهزه التي فيها تصفح مقارنه بالكمنيكيتر الخ
اخيرا

بالنسبه للتردد بشراء الجهاز واسباب بيعه بالسوق

1- في ناس تشتري وتبيع
2- الجهاز يبيله وقت قصير للتعلم عليه في اشخاص ما زالوا الى اليوم ما يستخدمون البلوتوث او الرسائل استخدامهم فقط اتصال فمستحيل انك تعلمه اصلا على النوكيا عشان يتعلم على ال اي فون فأذا شراه راح يبيعه
3- بالنسبه لي لا اعتقد ان في تلفون بعد الا اي فون بالتلفونات
4- في ناس تبيع القديم وتشتري الجديد

سيئات الجهاز
1- لايوجد فيه بلوتوث لكن انا اصلا لا استخدم البلوتوث
2- يجب ان تتعلم عليه قليلا وشخصيا علمت شخص عليه ما يعرف انقليزي والان يستخدم الجهاز ومازال باللغه الانقليزيه
3- لا تتعبث بالبرامج حيث ان ال اي فون الغير مفتوح من الممكن ان تشطب فيه اللغه او تقفل الجهاز فتحتاج لفكه فحط البرامج الي محتاجها
4- الجهاز يجب ان تظع عليه بعض الحمايه (( حمايه للشاشه وقطاء خارجي ضد الصدمات ))وتنظفه بين الفتره والاخرى

5- الجديد من ال اي فون لم استخدمه لاني اعتقد ان لايوجد اختلاف الا بالشكل وايضا يوجد قفل على الجديد بالبرنامج التابع للنت اي تونز


انا اقول اشتريه ما راح تندم