من المستفيد من جعل الكويت مركز مالي

[mxxy]

انا اتمنى انشوف وزراء شباب ذوي شهادات عاليا و عقليه اقتصاديه
بس للاسف ما في فرصه حق الشباب
عيل وزير عمره 70 سنه شنو تتوقعون منه او شنو عنده جديد
او وزير طول عمره بشتغل في التربيه يابوه وسوه وزير الصحه مع احترامي للوزير

التكلنوجيا والتطور راح يلغون شي أسمه بشت . ,,, وال 70 سنه الي ما يعرف غير اللط والبوق والمكاسب الشخصيه بالدرجه الاولى راح يذلفون تدريجيا . والشيخ صباح الاحمد قاعد يشيلهم تدريجيا من غير محد يحس . باقي شوية مرتزقه ينشالون مع دخول الكويت إلى عالم جديد . وكل هذا بفضل تميز الكويت بالديمقراطيه التي أعجبتني كثيرا مقارنا مع سائر دول شرق الاوسط ماعدا إسرائيل والشيخ زايد حقاني للأمانه قال أحنا ما نوصل حق ديمقراطية الكويت وتطور شعبها الثقافي حتى لو حاولنا ( أبحث ) . وكلمة الحق تنقال الكويت تستاهل الدرع الدرع الواقي محد بيفهم شنو يعني درع الواقي . نشرحه لو نكشفت أمور في الايام المقبله .​

 

[baselko]

آنه مضطر أني أرد رد ثاني ... ولد عمي أحب أقول شيء آنه ماني خبير أقتصادي ولا شي . لكن الامور واضحه وليس فقط للكويت بل أعتقد أن الكويت حاليا أفضل بكثير من غيرها من الدول سواء المجاوره أو المحطيه أو الغربيه والاجنبيه وفق أدله . بالنسبه للتأثر لما حدث مؤخرا . لكن لا تعتقد أن المسأله بطوف على خير . يعني لازم يحوشنا فقر ولازم يحوش الشركات فقر وبعض البنوك ، وطرد من الوظائف مثل ما نشهد حاليا واحتمال معاشات ماكو للموظفين والله يستمر ما تصير للمتقاعدين بعد . وهذا مو كلام جرايد لأني ما أخذ حجيهم لكن كلام منقول من الدوله او بالاحره من مصادر من جرائد معترف فيها وقديمه . ولا تظن لم أقول ان المواطن مستفيد من تحول الكويت إلى مركز مالي عالمي معناة أن المواطن بيستفيد وايد أو أن راح يكون وضعه احسن من اول لالالا لم أقول هذا ولكن أقول قصبن علينا الكويت تصير مركز مالي وقصبن علينا نشتغل علشان نقدر نستفيد من دريتنا :d . مو مثل أول أيام الرخاء لأ الامور تغيرت وهذا امر طبيعي جدا وساري عل الكل . وأكرر الكويت أقل تاثرا مو علشان الشمالي شوي مفهي خلاص كل الي يقوله غلط لأ نعم الكويت أقل تأثرا . محافظ البنك المركزي قال حق دبي والسعوديه وقطر خندمج بنوكنا أو نشتري أصولها منكم ونحل حل كبير للمشكلة عصبو عليه أفهم الباجي انت بروحك . لكن أيظا المواطن يستفيد من تحول الكويت . وهذا ما في الامور .

نعم اخوي مكسي الحين كلامك معقول ومقنع

 

[mxxy]

نعم اخوي مكسي الحين كلامك معقول ومقنع

تحسسني أني غيرت كلامي !!!!!!!! ، آنه ما غيرت كلامي لكن الكلام الاخير الي كتبته أعتبره شرح . والشرح مفهوم أكثر .


يعني هل يعقل أن لو تحولت الكويت إلى مركز مالي الشعب ماراح يستفيد !!! مستحيل أصلا مستحيييييييييل ما تصير . وهل يعقل أن الشعب راح يستفيد نفس ما كان يستفيد من النفط الذهب الاسود ؟ .

تقول أمريكا ( أن الازمه الماليه العالميه التي لم تهمل أحدا وخاصتا أصحاب الربا ولا شك أن هذه ضربة معلم ، فأذنوا بحربا من الله !! ، ما علينه المهم تقول أن سنة 2011 راح تنحل الأزمه ، لكن عامة الناس يقولون أنها ماراح تنحل ألا بعد 2017 وبعض الخبراء يقولون جذي أيظا ، لكن بريطانيه وأمريكا يقولون 2011 . فهل الكويت والخليج والوطن العربي من ظمن ال 2011 ؟ نقول نشالله 2011 .

لكن هذا ماله شغل بناطحات وأبراج الكويت العملاقه الجديدة ومع المشاريع وشبكة المترو وإلخ إلخ لماذا ؟ لأن لو برج الفلاني صاحبه ما قدر يدفع القسط الي عليه شهر 1 او 2 او 3 راح يشتريه مستمثر أجنبي أو تاجر كويتي بقيمة التراب . وعلشان جذي آنه أقول فوق أن أحنا لا ننتظر النتيجة وهي سنة 2013 إلى 2020 لأ خنتبع التحولات . ونشوف بتوقف من وين بسبة الازمه أو بسبب عدم التخطيط ! أو أو ... نشووف . ​