مافي اعلانات تترس الجرايد من 99بالميه من الشركات يعني مافي توزيعات ممكن ؟؟؟؟؟؟!!!

[AboNader]

شدت انتباهي جريدة الراي الي بتطلع يوم الاثنين باجر واهي اول ايام عيد الاضحى المبارك انه مافي اعلانات للشركات الي كانت تترس صفحات الجرايد بالتهاني باي عيد سواء كان عيد الفطر او عيد الاضحى والي يعجبني اكثر هو ان هالعيد طويل يعني حتى اعلانات العروض من شركات الطيران مانشوفها كلش بالجرايد

الغريب العجيب المزعج المؤذي لي انا على الاقل اني ماشفت اعلان تهنئه بالراي العام لبيت التمويل الكويتي !!!!!!!!!!!!!!!!!! وانا من المساهمين ببيت التمويل فهل هذي هي رساله بتقليل المصاريف او انهم مايبون ينزلون اعلان بالراي العام ؟؟؟؟؟؟؟؟

اعلانات التهنئه بكل صفحات الراي العام الخمسين لليوم الاول من العيد كانت للشركات التاليه

صفحه 3 / الصيفي مبارك الصيفي مرشح انتخابي
صفحه 6 / شركة منا قابضه
صفحه 9 / بروي وهو اعلان دعايه مكتوب عليه عيدكم مبارك
صفحه 14 / وطنيه للاتصالات
صفحه 30 / مجموعة الساير


وين بنك بوبيان وبين باجي البنوك وبين باجي الشركات الاستثماريه الاسلاميه من مثل اعيان والدار وبيت الاوراق الي كانو يترسون صفحات الجرايد بالمناسبات بالتهاني

هل هي رساله بعدم وجود توزيعات نهاية هذه السنه ؟! الله اعلم

 

[frozen]

يعني تتوقع اذا مافي اعلانات تهاني العيد بالصحف مافي ارباح ؟ انا اقول سافر لك جم يوم و غير جو ولا تفكر بالسوق و اهم شي لا تحاتي و موفق انشالله

 

[AboNader]

يعني تتوقع اذا مافي اعلانات تهاني العيد بالصحف مافي ارباح ؟ انا اقول سافر لك جم يوم و غير جو ولا تفكر بالسوق و اهم شي لا تحاتي و موفق انشالله

عيدك مبارك فروزون وعساك بخير وماهو ضروري لانه مافي اعلانات مافي توزيعات لكن ضروري ان نربط كل شي مع بعضه لانه كل شي متعلق ببعضه والله يكون بالعون عسى ايامك كلها اعياد ولو تسفرني على حسابك اكون لك من الشاكرين لاني ما اتوقع استلم ارباح نهاية السنه الا يمكن من سهم بيت التمويل لانه عندي فيه من اربع سنين وتكلفته وايده زينه علي شقلت وين بتوديني ؟

 

[frozen]

عيدك مبارك فروزون وعساك بخير وماهو ضروري لانه مافي اعلانات مافي توزيعات لكن ضروري ان نربط كل شي مع بعضه لانه كل شي متعلق ببعضه والله يكون بالعون عسى ايامك كلها اعياد ولو تسفرني على حسابك اكون لك من الشاكرين لاني ما اتوقع استلم ارباح نهاية السنه الا يمكن من سهم بيت التمويل لانه عندي فيه من اربع سنين وتكلفته وايده زينه علي شقلت وين بتوديني ؟

و انت من عواده انشالله و اكييد اسفرك هذي الساعه المباركه و راح اوديك باريس و احجزلك جناح ملكي بالفورسيزن هوتيل شراااييك؟ بس علي شرط ان اسهمي تدووبل لان يا خوي لو علي اسعار الحين حتي الدمام ما اقدر اوديك

 

[ولد البورصه06]

شركة المزايا القابضة تعلن عن توزيع 50 %


كارباح لمساهميها الكر ام


واللله انكم رياييل

( نسعى للريادة ) شركة المزايا

 

[مضارب بني سهم]

اعتقد لو يحطون معايدات بالجرايد سوف تكون عكسية عليهم. لان ارباحهم قليله او خسائر ويطلبون النجدة من المال العام ويستجدون (مو البنوك حاليا) لحقونا وتبيهم يتظاهرون بالوفرة المالية؟

 

[adel8877]

الخساير تعم الجميع مثل ماقال السيد / ناصر الخرافى حتى صاحب البقالة سوف يتاثر من الازمة المالية . اذا ما فى ارباح مو مشكلة ولكن لايحملونك نصيب من الخسارة !