استفسار عن الاكتتاب الحالي

[Msg]

السلام عليكم ورحمة الله ،

هل يجوز الاكتتاب ببطاقات مدنيه منتهيه ؟

ارجوا من اللي يقرأ السؤال وعنده فكره يفيدنا باسرع وقت - ولكم مني جزيل الشكر






تحياتي ،

 

[عليمي]

الاخ مسج المحترم

لا يجوز الاكتتاب ببطاقات منتهية ويجب استخراج كتاب من الهيئة للبطاقة لامكان الاكتتاب بتلك الشهادة .

مع خالص شكري

اخوك


علـــــــــــــــيمي

 

[Msg]

يعطيك العافيه و مشكور على سرعة الرد أخوي "عليمي" .

ولكن ، لا يزال الوقت كافي خصوصاً ان مراجعة تجديد ايب بطاقة لا تأخذ وقت ولله الحمد .




تحياتي للجميـــع ,,

 

[بن شبعان]

أخوى msg التجديد بنفس اليوم تستلمها .......وأذا تبى واسطه حاضرين

 

[Msg]

تسلم أخوي "بن شبعان" ماتقصر ، وعساك ذخر ان شاءالله .

الحمدالله تم عمل اللازم ، وتم التجيد للبطاقات المنتهيه نفس اليوم ، ونتمنى
وزارات الخدمات كلها تكون مثل الهيئه العامه للمعلومات المدنيه بسرعة إنجاز
معاملات التجديد.

تحياتي للجميـــع ,,

 

[nasdaq_2004]

ياجماعه انا شكله يبون يلغون ورقتى لانى سجلت الورقة فيها انا وابوي وامى واخوانى وزوجتى وعيالى يقولون يمكن يلغونها لانى ماحطيت الا صور البطاقات المدنية يقولون لازم تحط صورة للميلادية وانا ماقالولى هل يمديني الحق ادا فى خطأ

 

[أبو عبدالمحسن]

ياجماعه انا شكله يبون يلغون ورقتى لانى سجلت الورقة فيها انا وابوي وامى واخوانى وزوجتى وعيالى يقولون يمكن يلغونها لانى ماحطيت الا صور البطاقات المدنية يقولون لازم تحط صورة للميلادية وانا ماقالولى هل يمديني الحق ادا فى خطأ

الميلاديه يطلبونها وقت الدمج عشان يتاكدون من الام والزوجه

الحين كل شغلك صح انشالله

ولو كان فيه خطء فالبنك المسؤول لانه لا يقبل الا الطلبات المستفاه لشروط

تحياتي

 

[nasdaq_2004]

ابومحسن الله يصلح نيتك وذريتك قل آمين انت ومن يقرا

 

[بايعها]

عندي استفسار ماعليكم امر

اتفقت انا وواحد من الربع اني اغطي له الاكتتاب وهو ياخذ 20% من الارباح بعد التخصيص و البيع

المشكلة اني ماني عارف اشلون اسجل الطلب

خلكم معاي

صاحبنا ابوه متوفي وعنده زوجتين يعني امه ومرت ابوه
وعنده اخوان من الام والابو
وعنده اخوان من الابو بس
وبعضهم متزوج وعنده اعيال
وصاحبي هذا عنده اعياله وزوجته
فإشلون اقدر اسجل الطلب
يعني مرت ابوه احطها ويا امه مع العايلة كلها بطلب واحد
ولا اخوانه من ابوه مع امهم بروح ؟
والله خسبقه هالاكتتاب !!

ومنكم نستفيد ...

 

[boalons]

الي بطاقه ظايعه تطلع بسرعه مثل المنتهيه!!!