مشكلة راديو السيارات الأمريكية

[majedooo]

شريت والحمدلله يوكن 2005 أمريكي ، بس المشكلة الراديو يوقف عند المحطات اللي أعدادها فردية بس يعني يوقف عند 88.7 و88.9 وما يوقف على 88.8!!!!

أحد يعرفلها حل قبل لا أروح الوكالة؟

ومشكورين مقدماً

 

[majedooo]

شباب ، كل هالعدد هذا اللي شافوا سؤالي ومحد جاوبني؟

للرفع يا شباب

 

[BOKNDOR]

شريت والحمدلله يوكن 2005 أمريكي ، بس المشكلة الراديو يوقف عند المحطات اللي أعدادها فردية بس يعني يوقف عند 88.7 و88.9 وما يوقف على 88.8!!!!

أحد يعرفلها حل قبل لا أروح الوكالة؟

ومشكورين مقدماً

اسئل مجرب ولا تسأل طبيب
الحل الوحيد :

تروح الوكالة وتفتح ملف
وتسوي برمجة عربي لنظام الموتر

 

[adelO]

ذكرتني بالبيوك رودماستر القديم..
قدامك حل من اثنين يا الوكالة يا السكراب تبدل المسجل
والله يوفقك

 

[بور-صا]

حط صور للمسجل وانا اقولك ان شاءلله

 

[مساهم11]

شكلك تبي مارينا اف ام
اتصور لو تروح الوكاله افضل لك
واذا كنت من اهل المنطقه العاشره بوصف لك واحد من افضل الي يصلحون الروادو بالفحاحيل
وانصحهم

 

[adelO]

شكلك تبي مارينا اف ام
اتصور لو تروح الوكاله افضل لك
واذا كنت من اهل المنطقه العاشره بوصف لك واحد من افضل الي يصلحون الروادو بالفحاحيل
وانصحهم

يا أخي ..يعجبونك شباب المنطقة العاشره

 

[majedooo]

الله يعيطكم العافية يا شباب

أنا بحط صورة المسجل حق أخونا بور-صا وإن شاء الله يقدر يفيدنا

 

[Mosaab]

انا ادليك على واحد بالشويخ عندة نفس برنامج الوكالة (حتى القفلة يفتحها 35 دينار ) .. والرادو على 10 دنانير .. اما الوكالة على 15 دينار عند واحد اسمة وحيد

... هذا رقمي اذا تبي اي استفسار 99822345

 

[FANKOOSH]

أخوي روح حولي المحلات الي مقابل مستشفى دار الشفى بقرب المطافي هناك في محلات يصلحون المسجلات ويسويلك برمجه حق الراديو وبمبلغ معقول وراح يضبطونك وموفق

 

[alabody]

يا جماعه الوكالة ما تستقبل السيارات الامريكيه التجاريه

 

[bu dawood]

ولد عمي اسال عن كراج كونكورد هذى السالفه برمجت كمبيوتر لانه مو مواصفات الخليج انا ضبطت وانيتي على مواصفات الخليج 180 دينار بالكراج وتعدل حتى المسجل غير هذى بدل المسجل وفك عمرك

 

[majedooo]

مشكورين يا شباب ، ما قصرتوا

 

[بومعالي]

نفس مشكلتك أخوي ماجد ... عندي أفالنش 2004 فريت الشويخ كلها ومالقيت أحد يبرمج ... الكل يقول بدل المسجل .

اخوي بوداوود إذا السالفة ب 180 دينار أروح أركبلي شاشة ديفيدي أحسن لي وأرخص .

 

[Mosaab]

مشكورين يا شباب ، ما قصرتوا

بشر ولد عمي اصار معاك ؟؟ حصلت الكراج اللي قتلك عنه ؟

اموفق ان شاء الله

 

[majedooo]

أبشركم يالربع ، لقيت كراج في الشويخ حل مشكلة الراديو وكلفني 10 دنانير بس ، طبعاً الفضل حق أخونا مصعب جزاه الله خير

الكراج صاير أول دخلة يمين بعد محطات الغسيل اللي في الشويخ (الصافي / الروضة) ، إسمه كراج الأفق يصير بعد 20 متر من بعد ما تلف على اليسار.

يقدرون يبرمجون شغلات كثير في السيارة بس أنا يكفيني مشكلة الراديو

 

[majedooo]

بشر ولد عمي اصار معاك ؟؟ حصلت الكراج اللي قتلك عنه ؟

اموفق ان شاء الله

مشكور يا خوي يا مصعب الكراج على وصفك مية مية

 

[NO SIGNAL]

مشكورر اخوي ماجيدوو والله كنت ناوي اغير المسجله مالت سيارتي انا ونسيبي ( سياراتنا من امريكا همن )
بس انقذتنا على بالى كان الحل اهوه التبديل شكلنا رايحيلا باجر

 

[AL MUTAIRI]

السلام عليكم

اخوي الراديو ممكن برمجه
لكن الحل الأسهل
أنك تبدل ( الأيسي ) مال المسجل
وتركب واحد ثاني
عشان يلقط أعداد زوجيه

وسلام عليكم

 

[alabody]

يا جماعة انا شريت سوبر بان امريكي 2006 فيه نافيجيشن ابي السي دي من وين احصله لو ما عليكم امر