قررت أخذ قرض وأشتري رقم ملكي ... شنو رايكم شباب !

[sound blaster]

السلام عليكم ورحمة الله

الموضوع غريب شوي وصار قبل أمس .. وصراحه حبيت إني أكتب عنه بنشوف ليش هل ظاهرة منتشره !

كنت طالع أتمشى مع واحد من الربع ...جان يدق علي رقم غريب يبدا

90******* يعني الرقم مكرر ..

قلت : الو

قال : هلا والله شلونك ساوند بلاستر شخبارك

قلت : حمدلله بخير منو معاي

قال : معاك سالم ال .... ولد جيرانكم حبيت أسلم عليك وأعايدك

قلت : هلا والله سالم بس رقمك مغيره عدل .!

قال : إي والله يمعود نبي نكشخ

قلت : اي خوش رقم الحين بسيفه " يعني اذا إتصل علي بيطلع اسمه ماراح يطلع الرقم "


قال: والله يمعود شسوي قبل اسبوع أخذت قرض الفين دينار وأشتريت هل رقم ..

قلت : من صجك !

قال : إي والله وصل السوم فوق الألفين وتعرف أنا معاشي 400 .. فقلت ماكو إلا آخذ قرض وأشتريه

قلت : الله يوفقك تبي شي !

قال : سلامتك .. مع السلامه


إنتهى الحوار


يعني الولد أنا أعرفه حالتهم الماديه مو شي .. والمسكين ديون وأقساط ..وسيارته مكسره ..
معقوله ياخذ قرض عشان يشتري رقم تلفون متكرر

....

أنا سؤالي لكل شخص يدفع هل مبالغ عشان أرقم مكرره ويكشخ !
شنو الشي الي يخليك تتسلف وتدين عشان تشتري رقم مكرر .. وبالنهايه لما تتصل علينا بيطلع أسمك والرقم راح ننساه .!​

!!!

 

[coooool2]

من صجه هذا ؟ ما عنده عقل ؟

اذا من بنك ربوي راح فيها..

قوله ابشر الفوايد .. 10 آلاف دينار ..

اذا البنك لعن خيره قوله يدش هني و يرفع قضيه ضد البنك

http://www.indexsignal.com/vb/showthread.php?t=128249

...

الحين انا افكر آخذ قرض بو 1000 دينار و ادري راح يطالبوني 6 آلاف دينار و مو قادر ..

 

[ALSERHAN]

على راحته دامه الحين مستانس خلوه بوناسته ولا تكلمه..

بعدين يحس فيها وهو ما خذا القرض وسافر مثل بعض الناس وعقب ما يحس فيها

إنشاءالله إذا حس إنه متوهق وقتها الخط بسمه وإنشالله يبيعه أكثر من 2000 خصوصا إذا كان فيفا..

الله يعين..

 

[مساهم11]

انا اشوفها قلة عقل
وربعه كثير
وهذا اشتري بالفين بس غيره اخذ قرض واشتري باكثر منه
وهي خساره بخساره

 

[sound blaster]

من صجه هذا ؟ ما عنده عقل ؟

اذا من بنك ربوي راح فيها..

قوله ابشر الفوايد .. 10 آلاف دينار ..

اذا البنك لعن خيره قوله يدش هني و يرفع قضيه ضد البنك

http://www.indexsignal.com/vb/showthread.php?t=128249

...

الحين انا افكر آخذ قرض بو 1000 دينار و ادري راح يطالبوني 6 آلاف دينار و مو قادر ..

واحد ياخذ قرض يأثث بيته أو يدرس بالخارج .. وواحد ياخذ قرض يشتري رقم تلفون

شفت شلون هههه

مشكور ياكول على المرور الكريم ..​

 

[sound blaster]

على راحته دامه الحين مستانس خلوه بوناسته ولا تكلمه..

بعدين يحس فيها وهو ما خذا القرض وسافر مثل بعض الناس وعقب ما يحس فيها

إنشاءالله إذا حس إنه متوهق وقتها الخط بسمه وإنشالله يبيعه أكثر من 2000 خصوصا إذا كان فيفا..

الله يعين..

بالعكس أخوي أكيد اهو بالنهايه الخسران

في ناس لما يصرف عشر الاف دينار كأنه صرف خمس دنانير وهذول ماعليهم ملامه فلوسه وحر فيهم إن شاءالله يحرقهم

بس يبط جبدك لما يكون واحد متسكرب بالاقصاد وما عنده دينار .. ليش يقوم يتسلف عشان يهايط​

 

[sound blaster]

انا اشوفها قلة عقل
وربعه كثير
وهذا اشتري بالفين بس غيره اخذ قرض واشتري باكثر منه
وهي خساره بخساره

كلامك عدل

شكله فيوزاته ضربت ابو الشباب

مشكور على المرور الكريم​

 

[hercules]

فيوزات ضاربه لووول

 

[الحاجب المنصور]

إن كان هذا عقله فقد استرحت ..

ويالله لا تبلانا ..!!

 

[عازف الجيتار]

لاحول الصراحه ماكو عقل خير شر ...

الرقم مايحدد الشخصيه ولا كشخه فقط للاتصال والي يشوف غير هالكلام يكون ماعنده عقل

بوجهة نظري اما الي يملك الاف وخير كيفه يشتري كاش ويدع زكاة ماكو مانع الله منعم عليه

مواخذ قرض شحاده ... الحمدلله على نعمة العقل.

 

[sound blaster]

فيوزات ضاربه لووول

على فكره الحبيب طلع ويانا بالمنتدى
هههههه


وافضيحتاااه

 

[sound blaster]

إن كان هذا عقله فقد استرحت ..

ويالله لا تبلانا ..!!

امييين ومشكور على المرور اخوي

 

[sound blaster]

لاحول الصراحه ماكو عقل خير شر ...

الرقم مايحدد الشخصيه ولا كشخه فقط للاتصال والي يشوف غير هالكلام يكون ماعنده عقل

بوجهة نظري اما الي يملك الاف وخير كيفه يشتري كاش ويدع زكاة ماكو مانع الله منعم عليه

مواخذ قرض شحاده ... الحمدلله على نعمة العقل.

كلامك عين العقل

مشكور على المرور اخوي​

 

[شاب محترم]

والله يا اخوي كل واحد عقله براسه وكلن يعرف خلاصة

انت ليش حارق قلبك عليه .. خله بكيفه

هو الخسران


لكن مع هذا.. الشي الواضح الحين بمجتمعنا ..

ان مثل هالظواهر .. قلت في الوقت الحالي

اقصد ظاهرة اخذ قروض للتكشخ .. الحين قلت بشكل كبير عن قبل

الناس في الوقت الحالي صارت واعية وفاهمة ولله الحمد ..

وعيدكم مبارك جميعا

 

[الدمقراطي]

لا لا يا جماعة الخير لا تلومون الولد تراه على حق

لأن الخط اللي ارقامه حلوه يقول : الووووووو ويلقط المكالمه بسرعه

بس الخط اللي ارقامه خرده يقول : طووووولا لييييييييييييط وما يلقط بسرعه


يالله لك الحمد والشكر ونسألك ياربي العفو والعافيه وتمام العقل ياربي

 

[sound blaster]

والله يا اخوي كل واحد عقله براسه وكلن يعرف خلاصة

انت ليش حارق قلبك عليه .. خله بكيفه

هو الخسران


لكن مع هذا.. الشي الواضح الحين بمجتمعنا ..

ان مثل هالظواهر .. قلت في الوقت الحالي

اقصد ظاهرة اخذ قروض للتكشخ .. الحين قلت بشكل كبير عن قبل

الناس في الوقت الحالي صارت واعية وفاهمة ولله الحمد ..

وعيدكم مبارك جميعا

عليك نور

لكن أخوي أنا الي يهمني أن هل نوعية من الناس تجاوبني ليش يسوون جذي ... يعني شنو الي يخليك تقط هل مبالغ الكبيره عشان رقم !​

 

[sound blaster]

لا لا يا جماعة الخير لا تلومون الولد تراه على حق

لأن الخط اللي ارقامه حلوه يقول : الووووووو ويلقط المكالمه بسرعه

بس الخط اللي ارقامه خرده يقول : طووووولا لييييييييييييط وما يلقط بسرعه


يالله لك الحمد والشكر ونسألك ياربي العفو والعافيه وتمام العقل ياربي

صح صح ههه

على جذي شكلي بسوي نفسه

بس عجيبه الطولالييط ..

مشكور على المرور الكريم أخوي ​

 

[nestla]

ماادري شنو فايدة الرقم المييز , اصلا ما وراه غير الازعاج لانه ما يبقى احد بالديره ما يدق عليك بالغلط على بو انه الرقم سهل .

 

[>>الرويلي<<]

لبناني حافي وكاشخ

 

[ابو ظافى]

بفلوسنا ياعبيد ماش معروفي