للبيع كاميرا Panasonic DMC-FZ28K(جديده بالكرتون) زوم عالي نوع الكاميرا شبه احترافيه

[متداول كويتي]

السلام عليكم ورحمة الله وبركاته

للبيع كاميرا Panasonic DMC-FZ28K اللون أسود ، شبه احترافيه like-SLR ومواصفاتها كالتالي:

- زوم فائق للغاية
- 10.1 ميغابكسل
-نمط الضبط التلقائي الذكي مع تحسّس الاهتزاز، وتحسّس الحركة، وتحسّس الوجه، وتحسّس المشاهد ، وتحسس الضوء وتحسس موضوع التصوير
-عدسة بزاوية تصوير عريضة 27 ملم
-التصحيح الرقمي لتأثير العين الحمراء
-عدسة Leica DC Vario-Elmarit
-الزوم البصري 18x
-شاشة 2.7 بوصة
-ISO 1600

وهنا رابط لمواصفاتها بالتفصيل من موقع الشركه:

http://panasonic.net/avc/lumix/compact/fz28/index.html

وهنا ريفيو كامل للكاميرا من الموقع الشهير dpreview :

http://www.dpreview.com/news/0807/08072104panasonicfz28.asp

هنا ريفيو آخر:

http://www.digitalcamerareview.com/default.asp?newsID=3744&review=panasonic+lumix+fz28

وهنا ريفيو آخر:

http://www.cameras.co.uk/reviews/panasonic-dmc-fz28.cfm

وهنا الريفيو المهم وفيه تقييم عالي موصى به من الموقع:

http://www.cameralabs.com/reviews/Panasonic_Lumix_DMC_FZ28/verdict.shtml

- وللعلم الكاميرا شاريها من موقع الأمازون وهي جديده بالكرتون وسوف تصل غدا أو يوم السبت بالكثير وسبب العزوف عن الشراء الرغبه بشراء كاميرا أحترافيه أكثر .

- البيع لأعلى سومه علما بأن سعر الكاميرا عند وكيلها اليوسفي 149 دينار بعد الخصم والتنزيلات

- تعتبر الكاميرا جديده في السوق نزلت تقريبا بتاريخ 1/8/2008 ونزلت بسوق الكويت قبل شهر تقريبا

 

[عازف الجيتار]

السعر بالموقع amazon $279.98

يعني :- 77 كويتي + رسوم الشحن

افتح الباب 40 شراي

ياريت تعطيني فكره جم واصل كويت ؟

تحياتي .

 

[متداول كويتي]

اخوي عازف الجيتار أقولك الكاميرا بالكرتون جديده وللحين ماوصلت وسعرها مع الشحن تقريبا اكثر من 86 دينار ..

وأسمحلي بالسعر هذا ما أفكر أبيع أبد!!

 

[متداول كويتي]

لكاميرا للبيع بسعر نهائي 100 دينار غير قابل للمساومه

والكاميرا لازالت بحاله شبه جديده ومعها فلتر حمايه وشنطه ..

 

[Madridi]

يعني صارت مستعملة ؟؟

 

[متداول كويتي]

نعم اخوي مدريدي صارت مستعمله شهر تقريبا ..

والكاميره نظيفه بحالتها الجديده ومعها زياده فلتر حمايه للعدسه وشنطه..

وللعلم سعرها عند اليوسفي لازال 149 دينار

 

[Taekwondo]

صراحه كاميرا أكثر من روعه وانصح فيها اللي يحب التصوير .. والاستخدام اكثر من سهل انا اتكلم من باب تجربه شخصيه والكاميرا اول ما نزلت كان سعرها عند اليوسفي يوم شريتها كان 166 دينار بدون جنطه .. الله يوفقك اخوي بالبيعه ويوفق اللي راح يشتريها

 

[متداول كويتي]

مرحبا اخوي تاكوندو ..

ويعلم الله انني ارغب ببيع هذه الكاميرا رغبة بالتطوير وشريت بالفعل كاميرااحترافيه dslr ، واصبحت هذه الكاميرا زائده عن حاجتي ولم الحظ عليها اي عيب أو خدوش أو سقوط مني ..

 

[Saree7]

السلام عليكم اخوي انا ابيها جم سعرك النهائي

 

[متداول كويتي]

سعري النهائي 100 دينار الكاميرا والفلتر والشنطه
وللعلم الشنطه سعرها في السوق 7 دينار تقريبا وفلتر الحمايه تقريبا 4 دنانير

ولايوجد ميموري (ذاكره) مع الكاميرا ، والكاميرا شاريها من الأمازون يعني كفالة امريكا..

 

[Saree7]

الله يوفقك اذا في مجال تنزل من السعر انا شراي

 

[bugais]

السلام احترم رغبتك بالسعر اللي تبيه بس حنا نسوم وانت مو ملزوم اذا ما جاز لك السعرلا تبيع وربي يرزقك بالسعر اللي يرضيك 60 دينار عندي تلفون 66671513

 

[bugais]

عفوا يا الغالي اسحب سومتي فكرت فيها ميموري ذاكره

 

[resk]

70 دينار وانا جاد وهذا رقمي

66353566

 

[متداول كويتي]

مشكورين على سوماتكم الطيبه اخوي بوقيس ورسك ..

وسعري 100 دينار عسى الله يبارك فيكم

 

[resk]

الله يوفقك بالبيعة اللي ترضيك .

 

[Rowdy]

بصراحة الكاميرا رهييبه انا بعد دراسة بموضوع الكاميرات طلبت وحده وطلعت علي واصله الكويت مع رسوم التوصيل على الاراميكس مع ميموري 4 غيغا مع كل شغلها بدون جنطه بسعر 94 دينار وتوصل بعد جم يوم وطلبت لون اسود الكاميرا رهيييبه حييل وتصلح حق اللي مايبي عوار رأس ويبي يصور بمواصفات slr بعدين 10.1 ممتازه وفوق الممتازه واظن سعر حلو 100 دينار لآنه سعرها يديده 149 عند يوريكا انا سايمها بدون ميموري او مأدري يمكن يمكن معاها ميموري 1 غيغا عموما موفق بالبيعه ... وحبيبي حبيت اعرف شنو نوع الكاميرا اللي خذيتها slr كانون او نيكون او الومبس او غيرهم اذا ممكن تنورنا وشكرا

 

[Medo]

80 سومتي دينار.. للظروف الاقتصادية المتوترة



66256555

بوعبدالوهاب

 

[متداول كويتي]

اهلا اخوي Rowdy وفعلا مثل ماقلت الكاميرا رهيييبه جدا ومطلوبه جدا حتي ان سعرها قبل شهر كان تقريبا أقل سعر تاخذها ب 279 دولار والآن ارتفع سعرها واصبحت تباع ب 330 دولار تقريبا أو اكثر ، وانا فعلا اشتريت كاميرا اوليمبس e510 بس دريبالك تفكر تشتريها من الكويت سعرها 288 دينار وعلى الأمازون تقريبا 140 دينار..

اخوي ميدو الله يعطيك العافيه على السومه الطيبه وأنت أعلى سومه لحد الآن وانا والله ماكان لي نيه ابيعها باقل من 100 دينار ولكن ننتظر يومين ونشوف اللي بيكتبه الله..

تحيتي للجميع..

 

[Medo]

اهلا اخوي rowdy وفعلا مثل ماقلت الكاميرا رهيييبه جدا ومطلوبه جدا حتي ان سعرها قبل شهر كان تقريبا أقل سعر تاخذها ب 279 دولار والآن ارتفع سعرها واصبحت تباع ب 330 دولار تقريبا أو اكثر ، وانا فعلا اشتريت كاميرا اوليمبس e510 بس دريبالك تفكر تشتريها من الكويت سعرها 288 دينار وعلى الأمازون تقريبا 140 دينار..

اخوي ميدو الله يعطيك العافيه على السومه الطيبه وأنت أعلى سومه لحد الآن وانا والله ماكان لي نيه ابيعها باقل من 100 دينار ولكن ننتظر يومين ونشوف اللي بيكتبه الله..

تحيتي للجميع..

الله يوفقك ورقمي موجود عندك​