مشترك جديد هل من مساعد ؟

[abdurahmann]

السلام عليكم ورحمة الله وبركاته

اتمنى انكم تقبلوني عندكم ضيف جديد واتمنى اني افيدكم واستفيد منكم
وانا انشالله حاط في بالي اني ادش بالبورصة الاميركية بمبلغ 3000 دولار وعندي كم سوال اتمنى انكم تجاوبوني عليه
بغيت شنو احسن بنك احط المبلغ فيه واتداول فيه بالاسهم الامريكيه يعني قصدي بغيت وسيط بيني وبين الاسهم الامريكية والتدوال وياخذ علي عموله خفيفه


ثاني شي بغيت شنو احسن اسهم موجوده في البورصه تحققلي الربح الاكيد والمضمون

ومشكورين وماقصرتوا ولاتبخلون علي بإجاباتكم ياخواني

ومع السلامه

 

[ولد كيفان]

حياك الله اخوي عبدالرحمن

بالنسبة للسؤال الأول دش على قسم الوسطاء الماليين واختار اللي تبيه من البنوك والوسطاء مع معرفة عيوب ومميزات كل واحد فيهم .
أما بالنسبة للسؤال الثاني فأنصحك أنك تتابع معانا توصيات ومشاركات الأخوان بالمنتدى حتى تقرر وتختارك اي اسهم تناسبك بشرط انك تراعي شرعيتها مع العلم ماكو شئ اسمه ربح اكيد ومضمون .
مثل مافي ربح ...........في خسارة .

والله يرزقنا وياك بالربح الكبير ان شاء الله .


وبالتوفيق اخوك ولد كيفان

 

[بوفارس]

عزيزي عبد الرحمن عليك بالاوسط بو تراة جيد وانا مشترك فيه وعمولته معقولة
تمنياتي لك بحظ سعيد أخوك بوفارس

 

[شراره]

أشترك في أمريتريد عمولته قليلة وخدمته ممتازه ،، وبالنسبة للاسهم وأختيارها أبتعد عن البني ،، وخلك على بو دولار وصاعد وشرط تكون شركات علية تداول كبير ولاتشتري حتي تتابع حركة السهم عدل باليوم

نصيحة مجرب وله نصيحة دكتور مبتدي

 

[abdurahmann]

مشكورين اخواني على المساعده وماتقصرون وانشالله ارد لكم الجميل ولكل الاعضاء وجعله الله في ميزان حسناتكم امين