تراني جديد وطالب مساعدتكم

[الباقر]

السلام عليكم
اخواني واخواتي
انا عضو جديد في المنتدي وجديد في عالم تجارة الاسهم
وبما انني احب تجارة الاسهم وانا مطلع علي هذه التجارة من زمن بعيد
واليوم قررت ان اشترك في تجارة الاسهم ...
فماهي اهم الخطوات التي يجب علي ان اتبعها
اولاً البروكر هل الافضل للمبتدي ان يكون من امريكا او من الدول العربية
وكم المبلغ اللازم توفره لكي ابداء المتاجرة في الاسهم
وياريت يكون المبلغ مع ثمن البروكر والثمن المطلوب في استثماره
يعني بالعربي لازم يكون عندي كاش كم لدخول عالم تجارة الاسهم

 

[المختب]

هلا والله اخوى
شف هذا الرابط فيه اهم المواضيع بالمنتدى جمعه اخوناا S500 الله يعطيه العافيه فيه تقريبااا كل ما يلزمك لتبدى بالاسهم http://www.indexsignal.com/vb/showthread.php?t=12914&highlight=%E3%E6%DE%DA+%E4%D5%ED%CD%E5

 

[الباقر]

تسلم يالحبيب
بس انا بغيت معلومات اكثر
يعني وش نصايحكم بكم من الملبغ يجب علي ان ادخل البورصة
وهل لازم تقوم بالبيع والشراء كل يوم او ممكن اني ابيع واشتري زي ما ابي
وهل لازم اشتري من كل شركة اكثر من 50 سهم ولا ممكن انوع
يعني من هنا 10 ومن هناك 15 وهكذا
علشان الواحد يقدر يمتلك اكبر قدر ممكن من الاسهم المتادوله
تكفون لا تبخلو علينا تراني جديييييييييييييييييييييييييد

 

[Manchester]

لكل شخص اسلوب خاص

لا توجد طريقة واحدة تصلح للجميع!!
البعض يشترى و يبيع يوميا و لا يبقي ولا سهم في محفضته في اخر اليوم
او يشتري و يبيع بربح قليل و سريع من يومين الى اسبوع
و هناك من يشتري اسهم ليبيعها بعد شهر ام اكثر

تعتمد هذه الامور على دراستك للسهم و مدى صبرك في رؤيه اموالك مجمده في سهم معين
لابد ان تكون لك طريقة خاصه فيك ترتاح لها

و اخيرا ........ بالتوفيق

 

[الباقر]

تسلم بالحبيب
بس انا لي استغراب وهو ان هذا المنتدي به عمالقة في الاسهم
ولا واحد فيهم حب يقدم لي المساعدة ان المشورة
ياريت لو دليتوني الي وسيط زي الناس لاني لي اسبوعين في هذا المنتدي
وشايف الشباب يشتكون من البروكرات او الوسطاء
يعني لو تدلوني علي وسيط زي الناس
وياريت لو تعطوني موقع اقدر اتابع اسعار الاسهم من خلال الموقع
وهناك بعض المصطلحات لم افهمها مثل (البري ماركت , السوينق )
وهل هناك موقع اجد فيه ضالتي في الاسهم
لاني بصراحة جدييييييييييييييييييييييد في عالم الاسهم والي الان ما اشتركت
علشان ما اشترك اليوم واخسر ثاني يوم
نبي نكون شوية دراية وخبره

 

[هاب ريح]

اخوي الباقر.. انت طالب مساعده عدل.؟

المساعده من ناحيتي انا. والقرار طبعاً يرجع لك انت... انك تنسى موضوع الاسهم واتشوفلك تجاره ثانيه. والله يرزقك ان شاءالله طبعا راح اتقول ليش؟ قلت لك هالكلام.! الجواب

انا دشيت بالاسهم من شهر فبراير الي طاف. والحين خسران 50%من راس المال
وقاعد احاول اقلل من الخساره ماني قادر. ابي اوصل لراس المال او ابي احاول اخلي خسارتي 20 او 10% علي الاقل والشغله موسهله يالباقر لاتفكر ان الشغله كلها ربح ربح ربح. قالوا قسم المحفظه وانا قسمت الفلوس وشريت بثلاث اسهم وكلهم نزول صحيح ان السهم يرتفع وينزل بس صدقني تعبت واعصاب.


انا ماادري عن حالتك الماديه بس الاسهم مع احترامي للأخوان كأنها لعب قمار
فيها نوع من الحظ انت قاعد تشتري شي مولامسه سهم وفجأه ينزل شنو راح اتسوي راح اتقول ليش نزل بتقول لمنو محد راح يرد عليك

انا شريت سهم يالباقر بسعر 0.49سنت ونزل وكنت ابدعم السهم وشريته بسعر 0.42سنت عشان ابيه يوصل لي سعر 0.46سنت وابيع عشان اطلع من السهم لاخسران ولا ربحان ... وفجأه نزل لي سعر 0.20سنت

طبعا في امر وقف الخساره بس معقوله تتوقع انه ينزل لي هالسعر بنص ساعه بالكثر .


المهم بالنهايه انا انصحك وانا اخوك بالابتعاد عن هالبورصه. اذا كنت حاب تشتغل
بالاسهم شوف بورصه الكويت فيها حد أدني واحد اعلي.


اما بالبورصه الامريكيه مافي هالقانون. يعني يافوق ياتحت صحيح انت يمكن تشتري سهم ويصعد فوق. لكن شنو بتسوي اذا نزل (تحت)؟؟؟؟

وهم بالنهايه القرار راجعلك. بس تذكر كلمتي لك بالنجاه

انا اتمني انك اترد علي وانا مستعد ارد عليك. انت بالبدايه الحين علي قولة المثل
المصري احنا لسه عالبر.


وبالنهايه الله يرزقك ويوفق ويرزق الجميع ان شاءالله


وفمان الله اخوك ابوسعد