صديق جديد للموقع.. تحليل منكم مع كل الشكر

[بوفارس]

أرجوا من الاخوان الافاضل تحليل لسهم ICGE وسبب نزولة المستمر مع خالص الشكر والتقدير ......

 

[Pivotrend]

صديق جديد للموقع.. تحليل منكم مع كل الشكر

شوف صديق
السهم أولا بالقطاع المالي financial و أنا عندي القطاع هذا عليه X أحمر
لأنه مشبوه و يمكن يكون غير شرعي
ثانيا أول الأسهم الي تتأثر من أرتفاع الفائدة هي الأسهم الي بالقطاع المالي مثل السهم هذا
ثالثا السهم بالناسداك ولازم يسبلت علشان يستمر بالناسداك وفعلا قالوا أنهم راح يسبلتون السهم 20:1 بتاريخ 26-4 يعني السهم لازم ينهار و الحين السهم قيمتة 0.24 * 20 = 4.80$ وهذا راح يعتبر ساري المفعول من يوم الأثنين 10-5
أسباب كثيرة و مقنعه لأنهيار السهـم
وسامحنا على القصـور

 

[بوفارس]

شكرا علي الرد يا أخي الكريم .Pivotrend]
أخوك بوفارس عليمي بالاسهم وماشية وياي علي البركة .
لو سمحت استفسار ؟
انا املك من هالشركة ICGE أسهم اشتريتها 0.36 والحين مثل منت شايف السهم واصل 0.25 فشنوا رايك اخليها ولا ابيع ........؟
كل الشكر لك ..... وألي اخواني بالموقع الرائع

 

[Pivotrend]

والله يابوفارس يعتمد على المبلغ الي أنت حاطه بهالسهم
يعني على حسب تقديري أذا فوق 2,000$ يفضل تبيعهم أول السوق و ماركت بعد.
أذا فوق 10,000$ كن أول المتواجدين بالسوق وبيعهم على طول ولا تنتظر لحظه حتى لو ارتفع السهم يبقـى تصرفك صحيح

أذا أقل من 1,000$ أنساهم
في ناس يشترون بني ستوك ب 50,000$ , طبعا هذا خسران خذها منـي

 

[بوفارس]

كل الشكر لك علي هالنصيحه يا سيد Pivotrend.
انا شاري بأكثر من 2500$ بس ودي انطر علية يمكن واللة اعلم .. يقولون بيرتفع الي 0.70 .............. واللة علي قولة المثل كل طقة بتعلومة.
استاذي ودي استفسر من شغلة...... ؟
انا بالغة الانجليزية مو ذاك الزود يعني نمشي حالنا بالسفر بس .
ودي اعرف هل دورات الاسهم الامريكية منها فايدة بمعني ممكن تكون لها فايدة للي لغتهم بالانجليزية ضعيفة.
خالص الشكر والتقدير وسعه صدرك . نردها لك بالافراح والليالي الملاح

 

[Pivotrend]

يعني تبي تنطر السهم يوصل 14.00$ !!!
بالنسبة للدورات أنا لم أشترك بأي دورة لا بالسعودية ولا بالكويت
أما من ناحية أنها مفيدة أو غيرة مفيدة , أكيد مفيدة
على الأقل تتعلم شغلات كنت تجهلها

ومن ناحية اللغة الأنجليزية أنا أشوفها أساسية لكي تفهم البورصة بصورة أوضح و تستفيد من المواقع الأجنبية الأكثر تطورا و الأكثر غنى بالمعلومات

تحياتي...

 

[nasdaq_2004]

اخوى Pivotrend

ممكن تعطينا كم موقع زين للاسهم باللغة الانجليية وياحبدا لو كان منتدى للاسهم وليسه موقع ادا تكرمت

 

[بوفارس]

يعني تبي تنطر السهم يوصل 14.00$ !!! ............... Pivotrend

تطنز علي ليش انا عليمي ... معلش ماقدر اقولك شيء انت أستاذي والعين ماتعلا علي الحاجب........

بس بصبر علية ليمن يوصل علي الاقل 0.40 سنت وأنشاء اللة يوصل......قول يارب

تحياتي لك والشكر موصل لجنابكم

 

[Pivotrend]

الظاهر أنك مافهمتني يا بوفارس
روح سهمك الحين 4.80$ شتبي بعد

بوفارس بما أنك تتمنى أن يصل السهم الى 0.40 معناته أنك تتمنى أنه يصل الى 8.00$ لأنه already ب 4.80$ و أن شاء الله تكون فهمتني هذة المرة وتعرف أني مو قاعد "أتطنـز"
أن شاء الله تكون على الأقل فاهم شنو يعني سبلـت
و أن شاء الله سهمك يوصل فوق 8.00$ شتبي بعـد

 

[بوفارس]

أستاذي العزيز Pivotrend كل الشكر لك علي ردك. ولازم اشوية غشمرة مع التحليل .....

بس شنو سبلت مادري واللة موفاهمها ؟

انا كنت املك 7333 سهم من ICGE شريته 0.36 سنت يعني اذا سبلت يعطوني علي ما اعتقد 10 بالامية من اسهمي القديمه يعني 733 سهم اعتقد ولا انا غلطان...؟

واذا كان سعر السهم مثل ماتفضلت واصل الحين 4.80 $ يعني مجموع ما املك من الدولارات بهالسهم بعد ماسبلتوة 3500 دولار صح ولا انا ضايع .......

اذا انا ضايع ارجوك وسع صدرك واتمني التوضيح .

تحياتي لك

 

[Pivotrend]

شعليك بوفارس سهمك دق 4.80$ بالبري ماركت مثل ما قلت لك
اي يبا اي لنا الله

 

[بوفارس]

كلامك عدل ولا تقول الا الصحيح يا طويل العمر .
بس عاد جم سهم يحسبولي من عالعفسة هذي . اهني الحجي

وانت انشاء اللة ماينخاف عليك
والكبير يظل كبير.

تحياتي لك ونرجوا الدعاء للمبتدئين حلاتي.

كل التحيات لك ومن يزورنا

 

[Pivotrend]

شوف بوفارس
بما أنهم سووا سبلت 20:1
معناه أنك تاخذ عدد أسهمك و تقسمهم على 20
وأنت قلت عدد الأسهم الي لك بهالسهم 7333
يعني الحين لك 7333\20= 366.65 سهم

 

[بوفارس]

مشكور علي هالحسبة يعني ننطر ليمن يوصل السهم 7.50 $ علي شان نعوض
ولا اعتقد راح يوصل هالسعر الا اذا بمعجزة ولا سواها الحظ يعتمد عاد علي الشنض .

عمي انا ناطر ولا وراي شيء .
يا تصيب أو تخيب

واللة المستعان

تحياتي لك يا أستاذي