فيفا وما أدراك ما فيفا

[UNDER_0]

15 سنه مع زين و ما شفت منهم شي لا وذا حبوا يقطعون الخط يلقاهم يقطعونه قبل العيد بجم يوم او قبل أي مناسبه ولما تدق عليهم يقولك ما نتدري هذا سستم !! اذا تكلمت شويه ينقطع وذا سيبتها وتكلمت وايد بالشهر يخلوني اطق العداد و ما ينقطع وقولك هذا سستم !!!

وداعا شين حتا لو فيفا ما تنزل أي خدمه منافسيه هم راح أحول للشركة الجديده إلي مكتتب فيها عالأقل آخر السنه يعطوني أرباح :d

 

[العملاق]

----------

 

[Data]

بدأت حرب الأسعار بين زين و فيفا

اعتبارا من اليوم بدأت حرب الاسعار بين شركات الاتصالات المتنقلة في الكويت ، فقد بثت فيفا رسائل قصيرة الى جميع الموبايلات في الكويت تخبرهم أن استقبال المكالمات الدولية و الأرضية مجاني و سوف تقوم زين بنفس الشيء و سيعلن في جميع الصحف غدا.
و ستقوم فيفا اليوم باعلان بقية العروض (الي عرفته ان منها ان المكالمات بعد أول 5 دقائق ستكون مجانية) .
هذا يعني أن أرباح زين لسنة 2009 ستكون أقل من المتوقع.
و أخيرا منافس حقيقي لزين

 

[الطـبـيـب]

والله نتمني يكفي يكفي احتكار كل الناس تنزل الاسعار الا زين ترفع أسعارها أتى من يركعها رغمًا عن أنفها

وبالتوفيق يا فيفا

 

[H.F.H]

اليوم زين اعلنت في الوطن عن ان المكالمات الارضية و الدولية المستقبلة مجانا ...

 

[bo_walid]

تركو زين ورحو فيفا
زين ماشفنا فيها إلا إستغلالها للعملاء كونت ثروه من على ظهورنا والمشكله الشركات الخارجية التابعة لزين دقيقتهم رخيصه وعروض وبلاوي
عساهم بالحاله وأرده

 

[wld al salmiya]

الله يذكر ايام ماكان كاشف الرقم ب 50 دك

والله مصخرة

 

[مساهم11]

يا شباب احنا ما يهمنا الاسم زين ولا وطنيه ولا فيفا
الافضل يقدم لنا اغراءات وعروض واسعار مناسبه
والا هم كلهم الاهم عندهم الربحيه قبل كل شي
ولكن كما قالت اختنا سويت ليلي الصراخ علي قدر الالم
يعني هم يتنازلون عن امور مربحه ليضاهون الشركات الاخري
وهم يتألمون الما

 

[ميكانيكي]

الله يذكر ايام ماكان كاشف الرقم ب 50 دك

والله مصخرة

ونحول الخط على واحد من ربعنه ولد فلوس عشان نصيد الرقم ::verymad::::verymad::

شخباريييييييي

 

[شاعري]

اشوف اقبال شديد على فيفا شنو السبب ​

 

[المطرود]

وابشركم حتى فواتير مكالماتك تروح تطلبها من عند فيفا يقولون بدون رسوم بس أتمنى أي واحد يسأل عن هالمعلومة .... وفيه عروض راح تقدم في أرض المعارض خلال فترة العيد المقبل وقاعدين الشركة يجهزون أماكن لهم هناك

 

[تفائلوا بالخير]

وبالنهاية المستفيد هو المشترك

 

[abubatoul]

اليوم بدء التشغيل تحت رعاية صاحب السمو وحضور سمو ولي العهد
وعلى هامش الحفل سيكون مؤتمر صحفي لرئيس الشركة و الرئيس التنفيذي
يمكن يعلنون عن الخدمات
هذا وانا مالي خط عندهم متابعهم ...
.. بس اتمنى يظربون شين يمكن يتأدبون ويعدلون خدماتهم ..

 

[مضارب عقاري]

عتيج الصوف ولا يديد البريسم

 

[Madridi]

بدت الحرب

 

[UNIX]

أقسم بالله محد يقدر حيل باس شركة زين

اي شي تسويه فيفا راح تسويه زين

انا الوحيد اللي راح يتمصخر بالكويت :| خطي الوطنية

 

[zawya]

اعتبارا من اليوم بدأت حرب الاسعار بين شركات الاتصالات المتنقلة في الكويت ، فقد بثت فيفا رسائل قصيرة الى جميع الموبايلات في الكويت تخبرهم أن استقبال المكالمات الدولية و الأرضية مجاني و سوف تقوم زين بنفس الشيء و سيعلن في جميع الصحف غدا.
و ستقوم فيفا اليوم باعلان بقية العروض (الي عرفته ان منها ان المكالمات بعد أول 5 دقائق ستكون مجانية) .
هذا يعني أن أرباح زين لسنة 2009 ستكون أقل من المتوقع.
و أخيرا منافس حقيقي لزين

تصدقون ياجماعة زين عبيطيين ولا جذابين ولا يستهبلون ،::verymad:: وين كلامهم يوم يقولون على المواصلات كلا من المواصلات مايصير ارضي ومايصير مكالمات دولية ..

للاسف عدم احترام العميل..

 

[ابوخلف25]

ابشركم توني كلمت خدمة العملاء الحين وقالي ارسل واستقبل مكالمات مجانا الي خط فيفا لمدة ثلاث شهووووووور خوش عرض والا اشرايكم شباب ؟

 

[طبعنا]

الله يذكر ايام ماكان كاشف الرقم ب 50 دك

والله مصخرة

وماتحط الخدمة
الا لما تكيش المكالمات

 

[Fierce]

في هذا الوقت بالذات وبعد الاحداث العالميه وهبوط اسعار النفط اتوقع وبشده سوف يكون هناك فرض تعرفه على مكالمات الخطوط الارضيه او تحويل قطاع الاتصالات الارضيه من وزارة المواصلات الى القطاع الخاص
شلون كويتي وتتصل ببلاااااااااااااااااش