اخبار شركات الاتصالات الثلاثه

[Dr-Q80]

[ياجماعه ودي يكون فيه موضوع موحد لاخر اخبار و عروض شركات الاتصالات الثلاث و تجارب الاعضاء معاهم. لنستفيد و يكون مرجعنا موضوع واحد. حيث لاحظت ان تعليقات الاعضاء في هالموضوع متشتته على كذا موضوع.. و رجاء التخفيف من تعليقات البوق و النصب و الدفاع و الاراء.. نريد حقائق.. احنا الحين مرينا بتجربه مريره مع زين و الوطنيه و نريد ان نستفيد من تجاربنا مع الشركه الجديده.. فهي ليست بملاك و لكن اتاحت لنا جو من المنافسه يصب في مصلحتنا. و عشان ما نكرر اخطائنا لازم نستفيد من تجاربنا السابقه و نكون واعيين لتفاصيل العروض و الشروط و ننشر تجاربنا معهم. لذلك طرحت هالموضوع و شكرا.[/

 

[Dr-Q80]

و اول مشاركه مني:
اليوم اتصلت على 102 و سالتهم عن خدمات الانترنت المتوفره عندهم.. قالتلي الموظفه ان للحين لم يبدأوا باشتراكات النت الشهريه و لا توجد اجهزه متوفره لحد الان. اللي موجود هو خدمة النت عن طريق شريحة خط التلفون و هذي تحسب بالكيلو بت يعني غاليه طبعا .

 

[سهم الأسهم]

زين خفضت سعر دقيقة مجموعة ويانا انا مشترك ب19 وكنت اتكلم 12 ساعة ألحين أتكلم 16 ساعة ونفس قيمة الاشتراك بمجموعة ويانا
لان الدقيقة صارت 20 فلس بالذررة_و15 فلس بغير أوقات الذروة_الصراحه كنت ناوي أغير زين بس هونت عقب مارخصو اسعارهم
‏ وهذا الرابط
http://www.kw.zain.com/ZAINIM/porta...neID=ccccadefmdklmkdcflgcehfdffmdffh.0&loc=ar

 

[Dr-Q80]

جزاك الله خير اخوي على المشاركه. و ارجو من باقي الاعضاء جمع مشاركاتهم تحت هذا الموضوع حتى لا تتشتت المشاركات.
اليوم انا اشتركت بخدمة انترنت الوطنيه لاني محتاج للانترنت عقب ما الغيت الايجو و الحمدلله.
الاشتراك 28 دينار شهري بدون التزام سنوي . لكن عند الالغاء تدفع رسوم 15 دينار. الخدمة سرعتها 3.6 . انا ما شريت منهم جهاز. ناوي اشتري جهاز من بره مو مقفول عشان لو حبيت اغير لفيفا لما تبدي.

 

[coooool2]

جزاك الله خير اخوي على المشاركه. و ارجو من باقي الاعضاء جمع مشاركاتهم تحت هذا الموضوع حتى لا تتشتت المشاركات.
اليوم انا اشتركت بخدمة انترنت الوطنيه لاني محتاج للانترنت عقب ما الغيت الايجو و الحمدلله.
الاشتراك 28 دينار شهري بدون التزام سنوي . لكن عند الالغاء تدفع رسوم 15 دينار. الخدمة سرعتها 3.6 . انا ما شريت منهم جهاز. ناوي اشتري جهاز من بره مو مقفول عشان لو حبيت اغير لفيفا لما تبدي.

تبي جهاز مفتوح انصحك bandluxe c120 و تراه موجود بالكويت

ليش ما نطرت شوي يطيحون اسعار الاشتراك

 

[Dr-Q80]

تبي جهاز مفتوح انصحك bandluxe c120 و تراه موجود بالكويت

ليش ما نطرت شوي يطيحون اسعار الاشتراك[/
QUOTE

يعطيك العافيه اخوي. انا بصراحه مستعيل و ما عندي انترنت بالبيت. عموما اشتراكي الحين شهر بشهره. وقت ما ابي الغي. و راح انطر لما فيفا تبدي و تتاسس عدل.
و مشكور على النصيحه. انا شفت الجهاز في شارع بن خلدون. قطعة ال USB ب 35 دينار و اذا تبيه مع راوتر القطعتين يميع ب 55 دينار.

 

[coooool2]

تبي جهاز مفتوح انصحك bandluxe c120 و تراه موجود بالكويت

ليش ما نطرت شوي يطيحون اسعار الاشتراك[/
QUOTE

يعطيك العافيه اخوي. انا بصراحه مستعيل و ما عندي انترنت بالبيت. عموما اشتراكي الحين شهر بشهره. وقت ما ابي الغي. و راح انطر لما فيفا تبدي و تتاسس عدل.
و مشكور على النصيحه. انا شفت الجهاز في شارع بن خلدون. قطعة ال USB ب 35 دينار و اذا تبيه مع راوتر القطعتين يميع ب 55 دينار.

الله يعافيك .. و لا شكر على واجب ..

انا لاقي القطعه بـ 30 دينار

و لعلمك شبكه زين و فيفا الحين 14.4 ميجا و الوطنيه نفس انت ما قلت 3.6

 

[Dr-Q80]

الله يعافيك .. و لا شكر على واجب ..

انا لاقي القطعه بـ 30 دينار

و لعلمك شبكه زين و فيفا الحين 14.4 ميجا و الوطنيه نفس انت ما قلت 3.6

انا صارلي اسبوع الحين اجرب خدمة الوطنيه ..مستلف الخط و القطعه من رفيقي.. و بصراحه الخدمه زينه مو بسرعة 7.2 لكن مستقره و ثابته. و داونلود التورنت شغال من احسن مايكون.
اما زين لو يقولون لي سرعتهم 140000000 و يعطوني عليها فلوس ما اخذها.
صارلي 3 اشهر ادفع اشتراك و الخدمه عندي زفت.. حتى الديال اب اسرع. و لما اكتشفوا انه البرج خربان عندي صلحوه يومين و رد اخترب.. و لما طلبت تعويضي رفضوا. ما في اي احترام للعميل و لا مصداقيه و كل واحد يقص عليك قصه. حسبي الله عليهم من شركه.

 

[coooool2]

انا صارلي اسبوع الحين اجرب خدمة الوطنيه ..مستلف الخط و القطعه من رفيقي.. و بصراحه الخدمه زينه مو بسرعة 7.2 لكن مستقره و ثابته. و داونلود التورنت شغال من احسن مايكون.
اما زين لو يقولون لي سرعتهم 140000000 و يعطوني عليها فلوس ما اخذها.
صارلي 3 اشهر ادفع اشتراك و الخدمه عندي زفت.. حتى الديال اب اسرع. و لما اكتشفوا انه البرج خربان عندي صلحوه يومين و رد اخترب.. و لما طلبت تعويضي رفضوا. ما في اي احترام للعميل و لا مصداقيه و كل واحد يقص عليك قصه. حسبي الله عليهم من شركه.

اللي صارلك صارلي..

النت عندي زفت شابك على جيل ثاني لان الجيل الثالث الموظف قالي البرج اللي شابك عليه مضروووووووووووووووب

قلتلهم خلاص ابشركم بروح انترنت فيفا و قعدوا يترجوني يقولون خلاص لك 3 اشهر بلاش قلتلهم والله لو تعطوني سنه بلاش رايح رايح لفيفا

خلاص من حبكم يا زين عزلنا

زين=شين

 

[D.NeT]

من خدمات فيفا .... اذا رصيدك خلص بامكانك تبعث 5 مسجات مجانية حق اي رقم في اي شركة حتى لو الهاتف بالصومال

بصراحة فيفا كلت الجو

 

[mxxy]

الموضوع الموحد ذو التفاصيل الثابته والمتجدد .​

 

[Dr-Q80]

الموضوع الموحد ذو التفاصيل الثابته والمتجدد .​

انت مسكين.. خلاص انكشفت .. من طلعت فيفا و انت مهستر بالدفاع عن زين.
خلك مع زين و حبهم مثل ما تبي ..عليك بستين عافيه.
و احنا بعد بنقول راينا .. و نوعي الناس لحقيقة شركة النصب زين و نذكر المواقف اللي صارت معانا بدون افتراء.. مجرد الحقيقة.. عشان الناس تعرف شلون تتعامل معاهم و مع غيرهم..
و ما راح يصح الا الصحيح.

 

[alsaher55]

وانا بعد وياكم

خلاص من نصبكم يازين تحررنا

ماعادلى فى كذبكم تأخير وزياده

ياحليلها فيفا المصداقيه والراقيه

فى تعاملها مع البشر كلش مرتاحه

باى باى شين

 

[Dr-Q80]

يا جماعه انا ملاحظ ان كثير من مشاركات الاعضاء تدور حول مقارنات الاسعار.. الدقيقه و المسج و الخ. لكن مشكلتنا ليس في سعر الدقيقه او المسج.. فالجميع في النهايه ستكون اسعارهم تنافسيه و متقاربه.. لكن ما نريد هو خدمه افضل و احترام للعميل.
نريد شركه تعطي فواتير واضحه و تعرف اللي لك و اللي عليك.
نريد شركه توفر شبكه محترمه و خدمة انترنت سريعه . و توفر دعم فني محترم و سريع.
نريد شركه عروضها واضحه و ما فيها لف و دوران.
الى الان لا يمكن الحكم على فيفا من هذه الناحيه.. تو الناس. لكن هذا الهدف من هذه المناقشه .. متابعة ما هو جديد و تجربة الناس معاهم و مع عروض غيرهم.
و شكرا

 

[mxxy]

انت مسكين.. خلاص انكشفت .. من طلعت فيفا و انت مهستر بالدفاع عن زين.
خلك مع زين و حبهم مثل ما تبي ..عليك بستين عافيه.
و احنا بعد بنقول راينا .. و نوعي الناس لحقيقة شركة النصب زين و نذكر المواقف اللي صارت معانا بدون افتراء.. مجرد الحقيقة.. عشان الناس تعرف شلون تتعامل معاهم و مع غيرهم..
و ما راح يصح الا الصحيح.

أنت مسكين وايد ، أنت جاهل إلى حد الظلام أنت من كثر الظلام والجهل الي أنت فيه أتوقع لو رفعت أيدك ما راح تشوفها من الظلام . الحمدلله والشكر شنو مهستر وشنو تخربط أنت ؟ شتقول شالخرابيط الحمدلله والشكر بس . شنو الدفاع عن زين وشنو الدفاع عن فيفا . أنت شسالفتك يا جماعه دبروله حل هذا :d . لوووووووووووووووووول والله مصيبه . يا جماعه لا يفلت منكم ولا شي لا حول ولا قوة ألا بالله . مو صاحي الحمدلله والشكر .


هههههههههههههههههههههههههههههههههههههههه عرفت لييييييييييش أنت معصب لوووووووووووووووووووووووووووووووووووووووول ومتنرفز وقاعد تتفوه بخرابيط لوول . معقوله في ناس إلى هذا المستوى .

 

[NBK2]

الله يصلح الحال 000000000000

بس الفضل لفيفا بالغاءرسوم المكالمات الواردة والخارجية الي عانينا منها كثيرا

 

[الفاتح]

انا مالي علاقة نفسية مع اي شركة الي ارخص ويقدمون خدمة ممتازة اشترك بخدمتهم

اما زين تردت خدماتها من فترة طويلة لا من انترنت ولامن الدعم الفني للعملاء والمصيبة غلاء فواتيرهم بالفترة الي طافت اعتقد الكل لاحظ الفوراتير الملتهبة يعوضون خسايرهم بالكونجو الافريقية على حسابنا

سؤال لزين كم دخل الفرد بغينيا والموزنبيق والكنغو ؟؟؟؟؟؟؟؟؟

 

[Dr-Q80]

يا جماعة توني شريت قطعة الباندلكس Bandluxe C100S و معاها راوتر وايرلس*R100
و شغلتهم على خط الوطنيه. طبعا القطعه مو مقفوله و ممكن تركب مع خط اي شركه.
ميزة القطعه انها ممكن تصير كرت يركب باللاب توب على طول او ممكن تصير مثل الايجو عن طريق واير USB و ممكن اركبها مع الراوتر و تصير وايرلس. و ممكن تركب مع اجهزة الماك.
بصراحه اكثر من روعه و ما انصح احد يشتري اي قطعه من اي شركه دام ان هذه متوفره و بسعر معقول 55 دينار طبعا هالسعر يشمل القطعتين اذا انشروا يميع.

 

[Dr-Q80]

هذي قطعة ال bandluxe c 100s و اللي ممكن تركب في فتحتة اللاب توب و لكن لازم تتاكد من حجم الفتحه .. بعض اللاب توبات تختلف فتحاتهم عن بعض. و تركب في لابتوب الابل برو
و ممكن توصلها عن طريق واير USB

 

[Dr-Q80]

و هذي القطعه الثانيه و هي الراوتر الوايرلس .. تحط القطعه الاولى فيه و تصير الخدمه عندك وايرلس