عرض كمبيوترات بالجملة

[عاشق البدر]

شكرا للتفاعل من الأعضاء
منتظر خبر خلال اليومين على الشراء كاش كامل الكمية،، إذا ما صار،، أبيعهم بالمفرق إن شاء الله
سعر الجملة النهائي
160 دينار
والواحد على 195 نهائي

 

[UNIX]

أنا أبي واحد أخوي !!

الشحن على منو ؟؟

راسلني على الخاص رجاءاً

 

[bo7mny]

,وانا بعد وياكم

ابي واحد

 

[BO NASER]

الأجهزة جديده أو مجدده ؟

وممكن توضحلي طريقة المعاينة والأستلام ؟

وشكرا​

 

[عاشق البدر]

الأجهزةجديدة مختومة بالكرتون
المعاينة ممكن في بريطانيا قبل الشراء
أو التشييك على الاتفاق في الكويت عند تثبيت الأوردر

 

[بورصاوي جديد]

اخوي ما رديت على سؤالي هل هو معرب ولا فقط انجليزي والكي بورد عربي انجليزي

 

[عاشق البدر]

الكي بورد إنجليزي
بس تعريبه في الكويت
3 دينار،، على الليزر
يصير مائة بالمائة عربي

 

[kamalsms]

أخوي راجع الرسائل الخاصة عندك بارك الله فيك

 

[q8taub]

نصيحه اخوي

بيعه مفرق اربح
عندك عدة طرق بيع مفرق

1- عن طريق نت
2- معرض مشرف شهر2 خذ لك طاوله ب 300 دينار لعشر ايام تصرف كل بضاعه عن طريقه

ثم نزل سعرك شويه حق اخوانك في المنتدي في المفرق

 

[عاشق البدر]

تسلم أخوي على النصيحة

 

[falattar]

اخوي جيك عالخاص

 

[abatchy007]

اخوي راجع الخاص

 

[الت تي]

السلام عليكم
اخوي عاشق ممكن استفسار
انا اللي فهمته انه نوعهم الاجهزه سوني وهالماركه لها وكيل بالكويت وما اعتقد انه يسمحون لهم يدخلون
وانا كنت بجيب من دبي هم حصلتهم في مزاد في جبل علي بس سألت قالو لها وكيل هالماركه وماتدش
وبالتوفيق

 

[hguadv]

بالتوفيق

 

[بو يوسف المبارك]

ابي واحد او رقمي 99085508 شنو اللون

 

[عاشق البدر]

الأخ تي تي
مافي قانون وكالة حصرية بالنسبة للكمبيوترات
أنا شيكت مع الجمارك

 

[عاشق البدر]

الأخوة الأعزاء
شكرا على التفاعل
سيتم شحن 100 كمبيوتر للكويت
سعر الجملة لأكثر من 25 جهاز 170 دينار كويتي والاستلام في الكويت والدفع في الكويت
سعر المفرد 200 دينار كويتي
الكمبيوتر بالكرتون مع نسخة أصلية وندوز، مع كفالة سنة
السعر بالسوق
340 دينار كويتي
لمن يرغب أرجو الإفادة

 

[بو فهيد]

اخوي بالنسبه لامر الكفاله منو يتكفل بتصليحه اذا صار عطل لاسمح الله....

وشنو يشمل امر الكفاله ... كم ضمان البطاريه .. وهل الشاشه تدخل بامر الضمان

اتمنى تقبل اسألتي بصدر رحب .. وعسى الله يوفقك

 

[عاشق البدر]

عزيزي
الكفالة دولية
تآخذه لعند الوكيل، ورقم السيريل الخاص به مسجل ضمن موقع سوني
ماذا تشمل الكفالة،،، أعتقد تكفل كل شيء ما عدا البطارية،، لأن كفالتها شهر حسب علمي
مالي متأكد
بس أنا متأكد إني الكفالة عند الوكيل لمدةسنة

 

[بو فهيد]

منو وكيل سوني ..... اللي اعرف ان لشركة سوني وكيل واحد بالشرق الاوسط وهو اللي بالامارات

اللي بالكويت يعتبر موزع ... انا معاك دش موقع سوني تضغط سريال النمبر يقول مكفول

لكن اخوي قوانين الكويت تعقد الواحد يقولك طلع الفاتورة اللي شريتها مني وانا اصلحه لك

يامعود الساير طردنا عشان سيارات فوق 15 الف تتوقع موزع سوني مايسوي نفسه

والمبلغ 190 .. انا بدق على موزع سوني وارد لك العلم اللي يجمد على شارب