سؤال للمتزوجين فقط

[مساهم11]

كل متزوج له الحق بالرد والعزابيه يتابعون فقط

هل تتدخل زوجتك باناقتك واختيار نوعية اللبس ؟
مثلا الالوان التفصيل .. الخ

هل تتدخل في نوعية الاكل وهل تجاملها في ذلك ؟
مثلا هي تحب نوع وتحببه لك


اسئله خفيفه لمعرفة امزجة البعض والاستفاده

 

[coooool2]

انا عزوبي

هل تتدخل زوجتك باناقتك واختيار نوعية اللبس ؟
مثلا الالوان التفصيل .. الخ

دامني عزوبي .. تتدخل الوالده في اختيار اللبس و الالوان والله حتى الشعر تعفسه
و آخرته نجره و هواش و تحلطم

هل تتدخل في نوعية الاكل وهل تجاملها في ذلك ؟
مثلا هي تحب نوع وتحببه لك

لا .. بالعكس مرات تطبخ على ذوقها و مرات تسألني شنو تبي تأكل اقولها من ذوقج كل شي بأيدج حلو ابرك من المطاعم

----

اذا انا تزوجت(هذا اذا لقيت سنعه عقب ما ازهق عمري ) اقولك بعدين شنو صارلي معاها

 

[fabulass]

ترى كل العزوبية ناطرين الاجابة

 

[kuwait25]

لازم المطالبة بعطلة رسمية للزوج يومين بالاسبوع يلبس الى يبي ويعيش يومين عزابي بالاسبوع

 

[مراقب الاسهم]

هل تتدخل زوجتك باناقتك واختيار نوعية اللبس ؟
مثلا الالوان التفصيل .. الخ

لم تتدخل ولن تتدخل لانه باعتراف جميع القربين لي باني ذوق باختيار الوان الملابس وكل دخله شتا لازم يواعدي على الاقل 2 من الربع للذهاب معهم البلوكات
وبالعكس اهي اللي تطلب التدخل في اختيار الوان ملابسها معتمدا على نظريه كنت اطبقها في الاسهم وهي (((عكس الاتجاه في التفكير ))) هذي اكتشفت انها ماشيه حيل مع ذوق الحريم

هل تتدخل في نوعية الاكل وهل تجاملها في ذلك ؟
مثلا هي تحب نوع وتحببه لك

نعم تتدخل في نوعيه لانها تعرف مسبقا ما احب وما لا احب
لذالك غالبا تكون اختيار نوعيه الاكل منسجمه مع رغباتي



لكن اخي العزيز مساهم


ببهالوقت الله يستر على بعض الحريم وازواجهم
تلقاه يشاورها في الذهاب لبيت والدته ووالده من كثر ما اهي تتدخل في شؤنه

 

[kwt.to.kwt]

البيوت اسرار
ولن تجد من يجاوبك
تحياتي

 

[الهمس الخجول]

ننـــــــــــــــــتظر إجـــــــــــابتكم\ وتبون الصراحه مع إني بنت ومع ذلك ماقصر أتدخل بذووق المعزب حتى لو مو عااجبه أهـــــــــــم شئ يسوي إلي أنـــــــا ابيه حتى بالأكـــــــــــــــــــل قمه الدكتاتوريه يأكل على حسب مـــــــــــــــــــــــزااجي

 

[مساهم11]

الدكتور كول
داومك كاابتن وعسي الله يخلي الوالده ولا يحلامك منها
ولا تنسي تجي تحط رايك هنا اذا تزوجت

fabulass
يبين انك عزوبي الله يوفقك للزوجه الصالحه

kuwait25
تبي الصدق يبيله
عسي الله يوفق


مراقب اسهم
يا معود الله الله يخليها لك وانت انسان شخصيتك قويه باتزان
والي بياخذ رايها لروح لبيت الوالد والوالده
هذا مسلم الخيط والمخيط اتركه فلا خير فيه



مستثمر
سؤال عادي ترا وعسي الله يحفظ الجميع


الهمس الخجول
ترا بعض الرجال ما يمشي معهم الا الي تسوينه
عليك فيه
وتحي الدكتاتوريه النسائيه

اشكر الجميع لجميل المرور
واشكر من زارنا للاطلاع والاستفاده