استفسار الله يجزاكم خير والي يعرف يساعدنا يرحم والديكم

[بوناصر العجيل]

شباب
عندي جيب شروكي 2001

فحصت القير قالي الدهن قديم


شباب عادي ابدل الدهن وله يطق القير

مع العلم ماشي فوق ال 200 الف

والي عرف كراج امين وخوش ريال بشويخ يدلينا ومشكورييين

 

[fabulass]

أنا لو مكانك آفحص عند أكثر من واحد ، و اللي اعرفه انه القير ما يضرب اذا بدلت دهنه ! سواء كان عادي او اوتوماتيك

 

[بوناصر العجيل]

يعطيك العافيه اخوي


شدعوه 17 واحد مر مارد على الا الذيب

وينكم محد يعرف ؟

 

[AL_ESSA]

مو دايما يطق الجير - انت وحظك
شوف كراج الغصن اللى بشرق

 

[سراج الأقصى]

أخوي أنا عندي مرسيدس 500 موديل 82 بدلت دهن قيره وكاهو اشزينه، لا وصار أنعم .. وبعد عندي مرسيدس 450 موديل 80 ونفس الشي بدلت دهن القير وما صار فيها شي.
واحتمال يفرق من سياره لي سياره بس اللي أعرفه انه ما يأثر ..
وهذا رأيي وتجربتي والأمر إليك ..

 

[خالد المـطيري]

اخوي بوعجيل انا عندي الحل ان شاء الله اذا كنت خايف ان القير يطق ...

شوف في كراج بالشويخ اسمه امتياز اتروح له وتخليه يسحب لك زيت القير بالشفاط ...

خله يسحب لترين ويحط لك زيت جديد .... وامش عليه وبعد اسبوع هم اسحب لترين وحط جديد والاسبوع الثالث بدله كله ... انا عندي جيب ماشي 300 الف وغيرته جذي عشان مايطق

 

[بوناصر العجيل]

قواكم الله وماقصرتو عساكم على القوووه

انبدله وامرنا لا الله

 

[بوناصر العجيل]

حبيب يالمطيري وعلى راسي

بجرب ان شالله

بس وين امتياز هذا تسلم

 

[liger79]

السلام عليكم اخوي بوناصر اذا يسمحلي الاخ خالد المطيري أدليك كراج امتياز
اهو اسمه كراج الباخره ... ويصير ياطويل العمر بالدشة الثانية يمين بشارع الكندادراي وانت ياي من كيفان ... واللي أعرفه بالسيارات الامريكية وخصوصا الشفر والفورد
ان الجير الاوتوماتيك في حال مابدلت دهن الجير ومشيت عليه أكثر من 80 ألف كيلومتر وتالي بدلته يطق ..والله أعلم​

 

[away1979]

روح لأي كراج وخل القير يبرد وبدله وتوكل على الله

 

[بوناصر العجيل]

يعطيكم العافيه

وماقصرتووو الدهن قديم ولازم يتبدل

عموما قواكم الله على راسي كلكم

 

[بور-صا]

اخوي بوناصر يمكن اي واحد يبدلك الدهن عادي بس مايعطيك كفالة على القير اذا خرب فبدال لاتبدل الدهن بس يمكن لاسمح الله تبدل القير او تجفته فانتبه الله يبارك فيك وموفق

 

[الشاطر]

ما عليك بدله

عندى برادو تونى مبدل زيت القير

وعندى شروكى مبدل زيت القير برمضان

التماتيك ما عليك بدله مايضره

وهم كان عندى سفارى ومبدل زيت القير

كلهم صاروا من احسن ما يكون

لما يبدلك الزيت شوف فيه براده داخل القير ولا لا عشان تعرف القير شنو علته

تقدر تبدله بكل مكان

الشروكى ما يحتاج فلتر الميكانيكى يغسله لك لانه الفلتر حديد

بس جيب الزيت الاصلى وقازكيت القير من الاهليه اللى بالشويخ وخل اى مكانيكى يبدله لك

فيه ميكانيكى بخيطان دايم ابدل عنده
اسمه يونس جنب مندى الحجاز
ميزان المستقبل ممتاز

وموفق خير