زين وطنية يطالبون وزارة المواصلات بفرض رسوم النقال على الخطوط الأرضيه ..!!

[coooool2]

من مصدر قوي ..


يعني واحد يدق عليك من البيت حق خطك زين و الوطنيه يحسب عليك غصبا عليك ..!!

مادري اذا الوزاره بتوافق او ترفض ؟!


الظاهر خسايرهم بانت ..

 

[ابو غانم]

خل الوزارة توافق وانشاءالله الدقيقه بدينار بعد عااااااااااااااااااادي ......... الشريحة مالتهم نقطها بأقرب زبالة ونتوجه للشركة اللي أنقذتنا فيفا وأحنا نضحك ... وارتاحي ياوطنية وياشين

 

[abubatoul]

ما اعتقد ممكن يتم هالشي ..
لان في بعض اعضاء مجلس الامة طالبوا الوزارة بمطالبة الشركتين لتعويض المشتركين عن الفترة السابقة ..
فاشلون يردون بكلامهم ..؟؟؟ ما في ردة ابد لو تطلع براسهم نخله ... حتى الدويش قال لما سالوه عن الموضوع : سالوا الكويتيين ليش قاعد يدفعون حق شي ابلاش ..

 

[Data]

ما راح يزيدهم الا خسارا . و ينكشف حقدهم على الناس.

 

[TechnoFund]

حتى لو الوزارة توافق (و طبعا لأسباب مجهولة و من تحت الطاولة) .. راح اقط زين .. قرار متخذه من

قبل انطلاقة فيفا ..

كافي انها بدت البداية القوية هذه وبالمناطح هذا .. - يكرم السامع - بزين واختها

 

[مساهم11]

الساعه 7 الليله كان فيه لقاء مع مساعد وكيل وزارة المواصلات
وقال بالحرف الواحد لا زياده علي رسوم الهواتف الارضيه
ولا اي مبالغ راح يدفعها المشترك غير السنويه 30 دينار فقط

اللهم انهم بيطبقون نظام القطع المبرمج اذا وصلت فاتورة المنزل 50 دينار

غيرها ما فيه شي نهائيا
وحامض علي بوز الوثنيه وشين الحلايا

شكرا لك كول

 

[UNIX]

حتى لو الوزارة توافق (و طبعا لأسباب مجهولة و من تحت الطاولة) .. راح اقط زين .. قرار متخذه من

قبل انطلاقة فيفا ..

كافي انها بدت البداية القوية هذه وبالمناطح هذا .. - يكرم السامع - بزين واختها

خدشت حيائي

إلا حياااااااائي!!

 

[بومعالي]

تدرون إن اللي يدق علي رقم وطنية ياخذله عشر دقايق ما يمسك معاه الخط كله مشغول عليهم حركااات يبونك تدق من نقال .

 

[>>الرويلي<<]

مبروك من فيفا الى فيفا الى الارضي والسعودية سوا ببلاش من اول السنة يعني من الحين حذفوا شين والوثنية

 

[zidantheking]

ان شاء الله يخسرون دينار على كل فلس باقوه منه

 

[wzer]

الوطنيه ضاعت بالطوشه ومحد يلومهم خصوصا بعد المقلب اللى كلوه لما اشتروا الشركه .... لكن شركة زين ليش زعلانين ؟؟؟؟ عندهم افريقيا كلها
عليهم بالعافية خلها تنفعهم .
فيفا وبس وابشركم كنسلت رقم زين واخر فاتورة دفعتها 11 دينار و300 فلس
طلقتها بالثلاثة خالصصصصصصصصصصص خالصصصص

 

[بوفلسين]

السلام عليكم
ياشباب الظاهر انكم ماعرفتو قوة ادارة شين
راح تمشي قوانين في صالحها وغصبا على فيفا تلتزم فيها

 

[D.NeT]

من مصدر قوي ..


يعني واحد يدق عليك من البيت حق خطك زين و الوطنيه يحسب عليك غصبا عليك ..!!

مادري اذا الوزاره بتوافق او ترفض ؟!


الظاهر خسايرهم بانت ..

مصدرك قوي ؟؟؟ يعني وكيل وزارة المساعدة لقطاع القانونية والرقابة مثلا يااخي كلام مصدرك غير صحيح اطلاقا وصدر قرار وزاري بالغاء تعرفة اتصال من الهاتف الارضي الى اجهزة الاتصالات المتنقلة .​

 

[fabulass]

هالشركتين ما راح يفكونا من أذاهم الظاهر

 

[mxxy]

هالشركتين ما راح يفكونا من أذاهم الظاهر

الولد يقول من مصدر موثوق لكن مو من جريدة الوطن !! ، يعني الكلام احتمال كبير يكون غير صحيح ، وبوجهة نظري أن هالشي ما حصل وما يدخل العقل ، يعني زين والوطنية ما يدرون ان المشتركين راح يزدجرون لو سمعوا هالكلام ولا اهيه لعبه يديده من فيفا ، يا جماعه كفاكم حديث عن هالمواضيع ، يبه وزارة المواصلات تقول ماكو زياده ولا اكو شي من هالقبيل وخلاص عاد . حلوه هذي زين تقول خلوها بفلوس !!! هههههه شنو لعب يهال اهو ولا لعب يهال ؟ وانتو مصدقين بعد ، انه لو قاريها بالجريده هم ماراح اصدق ، لأن أصلا لا يمكن شركة مثل زين تتراجع عن خدمة أطلقتها ، والشي الثاني زين و الوطنية يدرون ان الاتصالاث الثالثه بتخليها مجانا لأن صارت منافسة خدمات فأهمه عادين العده واكبر دليل ، أن اول شركة بالكويت سوت خدمة الاستقبال مجانا أو بالاحره اعلنت عنها هي زين رغم ان مو منها هالشي ، انه أقول نحط خطوط حمره على وزارة المواصلات والثلاث شركات لأن قاعدين يلعبون لعب واحنا صايرين لهم مقصه ، مره زين تقول احنا مالنه شغل ومره وزارة المواصلات تقول احنا مالنه شغل ومره يقولون اول شركة طلعته زين ومره يقولون فيفا ومره يقولون وزارة المواصلات تبي توقف هالنجره العلنيه ومره يقولون احنا شكو . احسلكم لا تتكلمون الاسعار بتنزل شوي وكل شركة معروفه قوتها وانتهى الموضوع .​

 

[عديل الروح]

زين وطنية يطالبون وزارة المواصلات بفرض رسوم النقال على الخطوط الأرضيه ..!!

لازم الواحد يسأل نفسه هالسؤال

ليش زين والوطنية يطالبون (حاليا) وبعد ان اصبحت المكالمات الواردة مجانية بفرض رسوم النقال على الخطوط الأرضية ؟؟؟

أكيد في سبب ... أحد هذه الأسباب المهمة

هو أن وزارة المواصلات تأحذ من الشركتين اعلاه بالاضافة الى الشركة الثالثة فيفا 8 فلس على كل دقيقة مكالمات سواء كان من نقال الى نقال او من ارضي الى نقال والعكس ...

طبعا هذا احد الاسباب الرئيسية ويعتبر خسارة وميزانية على الشركات الثلاث

فإذا طبق قرار الرسوم على الخطوط الأرضية راح تكون هناك حسبة احرى لوزارة المواصلات ومراعاة شركات الاتصالات

 

[من الكويت]

تحياتي لكم
ووتشكرون وووووووووضعناااء بطووشه​

 

[مضارب شجاع]

زين والوطنيه حسوا بالخساره وراح يعملون المستحيل حتى يضبطون فيفا معاهم وراح يلغون فكرة مجانية الاتصال ارضى لان هذا راح سببب خساره كبيره جدا للشركتين سيئتين الذكر شين والوثنيه
ولكن رغم كل هذا سوف نستمر ونحارب شين والوثنيه فى جميع الطرق لانهم انهبوا اموال الشعب الكويتى ويجب ان نعاقبهم .

 

[وليد السعيدي]

كل يوم نسمع خبر .. الله يستر

 

[على قاسم على]

يا جماعة ما في مفاجأة هذى خطة ومو معقولة المكالمات من غير رسوم حالنا حال الدول الثانية مثل مصر المكالمات الارضية بفلوس