سؤال للكل .. ماهي أفضل المناطق الجديده ؟؟؟

[طارق55]

ا

السلام عليكم

سؤال للكل .. رجاءا الدخول للجميع للاجابه وعدم البخل .. ماعليكم أمر يعني

أنا مواطن كويتي .. وأسكن المناطق الداخليه .. أي من المناطق الموجوده الان هي الافضل :

1= جابر الاحمد

2= سعد العبدالله

3= فهد الاحمد

4= صباح الاحمد

أي من هذه المناطق هي الافضل .. والي بعدها .. والي بعدها

من ناحيه الطريق .. والمكان .. والجو .. بأختصار كل شئ

===========

أنا أول واحد أبي اجاوبكم .. أنا افضل جابر الاحمد اولا .. وبعدها سعد العبدالله

وأنتوا أيش تقولون ؟؟ ​

 

[eezeee2]

وعليكم السلام
حياك الله اخي الكريم
اخوي انت جبتها حسب الترتيب
اولا الافضل لك ولغيرك من المناطق الداخليه جابر الاحمد نموذج b افضلك من ناحة خدماتك وعنوانك ومراجعاتك تشمل محافظة العاصمه
اما بعدها فهي سعد العبدالله وسبب قربها من جابر الاحمد وهي اقرب من صباح الاحمد وفهد الاحمد للمناطق الداخلية
ولاكن خدماتك راح تكون كلها تتبع محافظة الجهرا وهذا على حسب رأيي انا شخصيا

 

[بو_راشد]

انا ارشح منطقة جابر الاحمد علشان تتبع العاصمه والحلو فيها انها صايره منطقه بروحها مو مشبوكة مع منطقة ثانية وانا طلبي 94 وناطر دوري فيها

 

[على حمد]

أي من المناطق الموجوده الان هي الافضل :

1= جابر الاحمد

2= سعد العبدالله

3= فهد الاحمد

4= صباح الاحمد


عزيزي المسألة واضحة ما تحتاج تفكير

طبعا بلا منازع ودون وجود وجه للمقارنة مع باقي المناطق تتربع منطقة فهد الأحمد سلم القائمة وذلك لكونها صغيرة في حجمها وحداثة خدماتها وقربها من الخدمات من مستشفى العدان وسوق الفحيحيل ومجمعات المنقف وابوحليفة وقربها الى العاصمة حيث تبعد عن مجمع الوزارات بالمرقاب بالضبط 35 كم ....

وفي المراحل التالية تأتي سعد العبدالله وجابر الأحمد لقربهما من العاصمة بالمقارنة مع مدينة صباح الأحمد التي تتميز بكبر مساحتها والتي تبلغ 600 م اذا ما غيروها مستقبلا مثل المطلاع وخلوها 400 م ساعتها لا توجد فيها اي ميزة سوى انها تبعد عن العاصمة بحدود 100 كم يعني جهز جوازك قبل لا تنزل الديرة من هناك .

ارجو ان اكون افدتك وتقبل تحياتي

 

[Doc30]

ما يبيله

فهد الاحمد لقرب المسافه للديره

على الاقل انت يم اهلك

 

[محمد2000]

بالدرجة الاولي منطقة فهد الاحمد من دون منازع ...!
صارلي 10 شهور ادور فيها بدل وبأيدي 55 الف دينار وماحصلت علي موقع جيد .
صراحة المنطقة مرغوبة ......!​

 

[>>الرويلي<<]

فهد الاحمد
لا تقارنها مع الباقي اصلا
وطبعا المنقف بصراحة عجيبه والله يهني اللي اخذ فيها خاصة الشريط الساحلي

 

[محمد2000]

فهد الاحمد
لا تقارنها مع الباقي اصلا
وطبعا المنقف بصراحة عجيبه والله يهني اللي اخذ فيها خاصة الشريط الساحلي

كلامك عدل ....
علمهم خلهم يعطون النصيــحة بضمير
منطقة سعدالعبدالله (جنوب الجهراء ) سابقاً ومدينة جابر هم اتعس المناطق حالياً .​

 

[ghanim89]

يا جماعة فهد الاحمد ضاحية ووزعوها من زمان
لازم تتطلع من المقارنة
اما الباقي مددددددن
سعد العبدالله و جابر الاحمد لاهل المناطق الداخلية افضل بكثير من صباح الاحمد
اما انا شخصيا افضل مدينة صباح الاحمد
لانها في المنطقة العاشرة
يعني المدن الجديدة كل واحد وحسب رغبته في الموقع

 

[مساهم11]

واضف لها مدينة المطلاع الجديده

انا شخصيا افضل فهد الاحمد وياليت الاقي فيها شي مناسب
ولكن الاسعار لازالت عاليه

 

[طارق55]

السلام عليكم

شاكر كل من شارك هنا في هذا الموضوع .. بعض ردود الاخوه رشحت منطقه جابر الاحمد .. والحمد لله طلعلي ارض وقرض فيها الف الحمد لله .. وبقيه الاخوه رشحوا منطقه فهد الاحمد طبعا هي الاغلي حاليا .. لانها مرغوبه من اهل المنطقه العاشره ..

اخواني .. أنا اقصد أي من المناطق هذي مرغوبه للاهل المناطق الداخليه .. يعني كمثال بيتنا انا في كيفان .. وين أحسن منطقه قريبه مني وأحسن من غيرها ؟؟

عموما .. الكل حر في رأيه وذوقه .. والله يهنيكم ويعطيكم من خيره ...

ملاحظه : رحت في جوله حق منطقه فهد الاحمد وكانت البيوت علي الاسود .. فشفت عجب العجاب .. كل البيوت تقريبا او اغلبها سرداب واربعه طوابق !!!
وسؤالي .. هل يتم التصريح لهم بأربعه طوابق ؟؟
ثانيا بيت مردوف .. مسويه سرداب واربعه طوابق نظام الاجار .. علي الاقل عندهم 16 سياره .. وين يصفطون السيارات هذه ؟؟ علي اعتبار كل شقه فيها سيارتين للمره والرجال ؟؟
شئ غريب .. بس المهم يعطون ترخيص حق 4 طوابق ؟؟

 

[مساهم11]

السلام عليكم

شاكر كل من شارك هنا في هذا الموضوع .. بعض ردود الاخوه رشحت منطقه جابر الاحمد .. والحمد لله طلعلي ارض وقرض فيها الف الحمد لله .. وبقيه الاخوه رشحوا منطقه فهد الاحمد طبعا هي الاغلي حاليا .. لانها مرغوبه من اهل المنطقه العاشره ..

اخواني .. أنا اقصد أي من المناطق هذي مرغوبه للاهل المناطق الداخليه .. يعني كمثال بيتنا انا في كيفان .. وين أحسن منطقه قريبه مني وأحسن من غيرها ؟؟

عموما .. الكل حر في رأيه وذوقه .. والله يهنيكم ويعطيكم من خيره ...

ملاحظه : رحت في جوله حق منطقه فهد الاحمد وكانت البيوت علي الاسود .. فشفت عجب العجاب .. كل البيوت تقريبا او اغلبها سرداب واربعه طوابق !!!
وسؤالي .. هل يتم التصريح لهم بأربعه طوابق ؟؟
ثانيا بيت مردوف .. مسويه سرداب واربعه طوابق نظام الاجار .. علي الاقل عندهم 16 سياره .. وين يصفطون السيارات هذه ؟؟ علي اعتبار كل شقه فيها سيارتين للمره والرجال ؟؟
شئ غريب .. بس المهم يعطون ترخيص حق 4 طوابق ؟؟

الان اخوي موقفين عنهم الكهرباء لانهم مخالفين

 

[abuffaisal]

فهد الاحمد طبعا
لانها مأهولة بالسكان وجاهزة
بعدها سعد العبدالله لانها جاهزة للسكن وتم التوزيع فيها
وبعدها جابر الاحمد لانها الاقرب الي العاصمة
واخيرا صباح الاحمد المنطقة الصحراوية والتي تعتبر كأنك ساكن في الربع الخالي في المملكه العربية السعودية من الغبار اللي بيدفنها الا اذا حطو مشروع المليون نخلة لحجب الغبار عن المنطقة .
وهذا رأيي الشخصي .
وشكرااااااااااا ​

 

[mohamm3d]

اشبيــــــــلــــــــــيااااااا

 

[كويتي قديم]

فهد الاحمد وبس

 

[الحريه وطن]

خيطان

ذلك الحلم الجميل

 

[fabulass]

اعتقد فهد الاحمد