الصندوق المالي ...

ابو مبارك 1

عضو نشط
التسجيل
22 أبريل 2008
المشاركات
455
الإقامة
كويت
السلام عليكم ورحمة الله وبركاتهـ


أخواني اليوم ذهبت لأسترداد مبلغ من الصندوق المالي لأحد الشركات الأستثماريه

فقالو لي : نحن موقفين الأسترداد للفتره غير محدده


فأريد أن تعلموني ماهو الأجراء الازم لتخاذه حيال الشركه مع العلم وجود ماده في النظام الاساسي لصندوق تجيز وقف الاسترداد اذا تجاوزت الطلبات أكثر من 10% ...


الرجاء مساعدتي بالمشوره على بماذا افعل حيال الشركهـ ...؟؟
 

D.NeT

موقوف
التسجيل
12 أكتوبر 2008
المشاركات
1,157
الإقامة
عمار يا كويتنا
ابو مبارك العجلة من الشيطان .

ان شاء الله الشباب ما راح يقصرون دقائق ويجاوبون
 

صعب

موقوف
التسجيل
28 مايو 2008
المشاركات
119
الإقامة
الكويت
ابو مبارك صباح الخير
ممكن تزودنا بأسم الشركه علشان نتأكد؟
 

Metalforever

عضو نشط
التسجيل
19 يوليو 2008
المشاركات
1,321
الإقامة
الكويت
ممكن تكون كميفك؟ سمعت عندهم صندوق مالي (موني ماركت ) ومتورطين بقروض كبيرة للدار و لأعيان ... بخلوك تسحبهم 10% كل دفعة ، و الأهم إنك ما تخسر من راس المال ... بس أعتقد هاي الصناديق راح تخسر جزء بسط من راس مالها لأنها ماخذه تعرض للمخاطر أكبر من الازم ... ما أحد كان يتوقع هالأزمة تحصل بالقسوة إلي شايفينها اليوم ... الله الرزاق الكريم ...
 

ابو مبارك 1

عضو نشط
التسجيل
22 أبريل 2008
المشاركات
455
الإقامة
كويت
يامسلمين والله الشركه ماهى كميفك الشركه صدمه ان قلت اسمها اخوانى مانى مستعجل بس للامانه الشركه رفضت استلام طلب الاسترداد بادعاء انه مافيه سيوله طيب الى متى مانسترد المبلغ نبى انعرف الامر الى نتخذه
 

معشي الجن

عضو نشط
التسجيل
2 فبراير 2008
المشاركات
1,668
الإقامة
جزيرة قاروه
ممكن تكون كميفك؟ سمعت عندهم صندوق مالي (موني ماركت ) ومتورطين بقروض كبيرة للدار و لأعيان ... بخلوك تسحبهم 10% كل دفعة ، و الأهم إنك ما تخسر من راس المال ... بس أعتقد هاي الصناديق راح تخسر جزء بسط من راس مالها لأنها ماخذه تعرض للمخاطر أكبر من الازم ... ما أحد كان يتوقع هالأزمة تحصل بالقسوة إلي شايفينها اليوم ... الله الرزاق الكريم ...


اخوي من جم يوم دقو عليه كميفك وقالو له تعال أسترد المبلغ (10,000) و هو صندوق مالي وعلى كلامهم أن هالصندوق ما تأثر بس اللي تأثر الصناديق الاوراق الماليه اللي الاسهم
 

keepintouch

عضو نشط
التسجيل
12 مايو 2007
المشاركات
524
الإقامة
الكويت
اخوي من جم يوم دقو عليه كميفك وقالو له تعال أسترد المبلغ (10,000) و هو صندوق مالي وعلى كلامهم أن هالصندوق ما تأثر بس اللي تأثر الصناديق الاوراق الماليه اللي الاسهم

عزيزي معشي الجن

كلام ابومبارك صحيح 100/100
 

ابو مبارك 1

عضو نشط
التسجيل
22 أبريل 2008
المشاركات
455
الإقامة
كويت
ياجماعه محد رد على اخوانى صا لى 15 يوم الحين ماردو على الشركه ولاوافقو على تسجيل طلب استرداد شنهو العمل
 

keepintouch

عضو نشط
التسجيل
12 مايو 2007
المشاركات
524
الإقامة
الكويت
ياجماعه محد رد على اخوانى صا لى 15 يوم الحين ماردو على الشركه ولاوافقو على تسجيل طلب استرداد شنهو العمل

اخوي انا صارلي شهر ونص تقريبا ابي ارد فلوسي مو قادر

خلها على الله

الحل : الانتظار وربك يجيب الفرج ان شاء الله
 

سوق التجار

مشرف قسم الناسجت
التسجيل
1 ديسمبر 2004
المشاركات
1,857
أخوي ابو مبارك .. لو تقول لنا شنو اسم الشركة الي تدير الصندوق نقدر نساعدك ..

لأن كونك تذكر لنا أن الصندوق الي رافض طلب استردادك هو صندوق مالي مايكفي .. لأن في عشرات الصناديق الماليه بالكويت..

خل يكون سؤالك واضح .. حتى نقدر نرد عليك .. لأن من المؤكد ان في أشخاص مشتركين في صندوقك .. وهم أعضاء في النتدى.
 

قنوع ؟

عضو مميز
التسجيل
28 يونيو 2007
المشاركات
5,577
الإقامة
الكويت
اخوى ابو مبارك

عليك بمخاطبة مدير الصندوق اولا وان لم تجد تجاوب تتقدم بشكوى لادارة الشركات فى وزارة التجاره
اذا كان الصندوق يتبع شركه استثماريه
وان لم تجد تجاوب فعليك بمراجعة البنك المركزى

اما اذا كان الصندوق يتبع احد البنوك فعليك بمخاطبة ادارة الصندوق واذا لم تجد تجاوب فعليك بمخاطبة البنك المركزى
 

ابو مبارك 1

عضو نشط
التسجيل
22 أبريل 2008
المشاركات
455
الإقامة
كويت
الله يجزاك كل خير ويرحم والدينك
بس الله يرضى عليك متاكد من المعلومه واسمحلى ودى اكون عارف الطريقه حتى يكون الموضوع مايطول والله يكثر من امثالك
 

حوت السوق

عضو نشط
التسجيل
12 يوليو 2004
المشاركات
374
اخوي اي صندوق استثماري او مالي يمتنع عن دفع استردادات العملاء اذا زادت عن 10% من صافي قيمة الاصول للصندوق.

وعليه فان مدير الصندوق يقدر يستخدم هذا البند في حالات صعبة نفس الوضع الحالي.

اللي تقدر تسويه انك تقعد مع الشركة وتتفاهم معاهم على طريقة السداد ومتى.

لان لا البنك المركزي ولا ادارة صناديق الشركات في وزارة التجارة راح يقدرون يفيدونك في ظل وجود هذا البند اللي يحمي الصندوق من استردادات فجائية و ضخمة. ولا حتى قضية في المحكمة تقدر تفيدك لانك وقعت على قبول هذا البند عند اشتراكك في هالصندوق.

يعني مالك الا الصبر مع الشركة الى ان تردلك فلوسك، وشوف اذا عندهم اموال قادمة او تمويلات ينتظرونها او زيادة راس مال ممكن تساعدهم وبعدها راح يردون لك فلوسك ، اتوقع الموضوع مو المفروض يزيد عن فترة 6 شهور.

والله يفك ضيقك على هالموضوع.
 

معشي الجن

عضو نشط
التسجيل
2 فبراير 2008
المشاركات
1,668
الإقامة
جزيرة قاروه
أخوي ابو مبارك .. لو تقول لنا شنو اسم الشركة الي تدير الصندوق نقدر نساعدك ..

لأن كونك تذكر لنا أن الصندوق الي رافض طلب استردادك هو صندوق مالي مايكفي .. لأن في عشرات الصناديق الماليه بالكويت..

خل يكون سؤالك واضح .. حتى نقدر نرد عليك .. لأن من المؤكد ان في أشخاص مشتركين في صندوقك .. وهم أعضاء في النتدى.

صندوق الدار اللي تابع لدار الأستثمار
 

ابو مبارك 1

عضو نشط
التسجيل
22 أبريل 2008
المشاركات
455
الإقامة
كويت
الله يرحم والدينكم يعنى ال 10% لازم لها حل طيب اذا طالت المماطله شنهو الحل لابد يتصفى الصندوق او يشوفون حل مايصير الدخول وعدم الخروج
 

معشي الجن

عضو نشط
التسجيل
2 فبراير 2008
المشاركات
1,668
الإقامة
جزيرة قاروه
الله يرحم والدينكم يعنى ال 10% لازم لها حل طيب اذا طالت المماطله شنهو الحل لابد يتصفى الصندوق او يشوفون حل مايصير الدخول وعدم الخروج

اصباحك الخير
دزيت لك رساله بالخاص , وان انشاء الله تهون عليك يا خوي
 

موبي

عضو نشط
التسجيل
5 أكتوبر 2008
المشاركات
23
الله يرحم والدينكم يعنى ال 10% لازم لها حل طيب اذا طالت المماطله شنهو الحل لابد يتصفى الصندوق او يشوفون حل مايصير الدخول وعدم الخروج

لا حول و لا قوة اللا بالله.

هذا السبب الذي يجعلني متردد بالدخول في صندوق بنك بوبيان المالي مع انه مردوده 9%! شفايدة التسعة بالمية اذا ما اقدر اكيشهم؟

سؤالي لمن يعلم: هل جميع الصناديق المالية تخضع لهذا الشرط و هو الإمتناع عن الوفاء بالإسترداد في حالة انه فاق 10% من راس مال الصندوق؟ لأن معظم الصناديق تقول لك ان الإستثمار هو بمثابة كاش، يعني تستطيع الإسترداد اسبوعيا كما تشاء حتى لو مبلغ مليون دينار و راس المال عمره ما ينقص، بس الربح يمكن يزيد او يقل. هل هالكلام صحيح و الا فيه شروط مخفية؟

تحياتي
 
أعلى