ابي اشتري للاب توب وابي نصيحة اهل الخبره

[التحليل الفني]

ابي اشتري للاب توب وابي نصيحة اهل الخبره المطلوب موصفات عاليه لان الجهاز خاص لي من عنده خبره لايبخل علينا الله يبارك فيكم

 

[ابو سالم1]

اخوى اخذ من مجرب استعملت دل و توشيبا و اتش بي و أيسر اقسم بالله نفس استعمال الايسر ماشفت اخذ ايسر موصفات عالية سعر رخيص واستعمال قووى و الدل زين بس عن تجربتى الخاصة افضل الايسر اهم شى ابتعد عن اتش بي لاتفكر فية .
وهذى تجربة شخصية وراى شخصي .

 

[a7mdoosh]

والله انا اقول أخذ سوني اخوي بس شرط صناعة اليابان صج انه سعره غالي بس افضل جهاز وحتى وقت البيعه سعره فيه
والأتش بي صراحة مثل الكابرس كثر ماتدوسه مايقول اح بس عيبه حرارة الي تطلع منه

 

[التحليل الفني]

الله يعطيكم العافيه ياشباب ابي ماهي الموصفات العاليه

 

[ELGALLAF]

macbook pro <----

 

[التحليل الفني]

macbook pro <----

ممكن تفيدنا شنو مميزاته وهل اقدر استفيد منه في الطباعه مثل الورود والكسل لاني اعرف انه تبع نظام ابل

 

[مساهم11]

اخوي عليك بدل وبس مثل التويوتا كد ومد
وبعدين المواصفات علي حسب استخدامك لشنو تبيه بالضبط وانا اعطيك المواصفات
اذا استخدام عادي تبيه للالعاب والتحميل فيه فرق كبير وبعدين السعر بعد راح يفرق معك

 

[التحليل الفني]

اخوي عليك بدل وبس مثل التويوتا كد ومد
وبعدين المواصفات علي حسب استخدامك لشنو تبيه بالضبط وانا اعطيك المواصفات
اذا استخدام عادي تبيه للالعاب والتحميل فيه فرق كبير وبعدين السعر بعد راح يفرق معك

ابي افضل موصفات وسرعه عاليه

 

[بونواااف]

نصيحه لوجه اللللللللللله

حبيبي انا جربت توشيبا في البدايه وبعده جربت ماك بوك وبعده اتش بي وبعده شريت ماك بوك الجديد بصراحه كل الاجهزه مقارنه بالماك بوك جنك تقارن مرسيدس وشفر ههههه بصراحه ماقدرت اتاقلم على الويندوز غير الماك لا تدور وبالنسبه للتوشيبا خرب عندي والاتش بي بطاريه مو شي وحراره وماك بوك ماشالللللللللللله عليه مافي احسن منه بس تاقلم عليه ميه ميه

 

[q837000]

ت

حبيبى عليك بجهاز دل ولا تشاور كد وم وقت البيع نفس التيوتا تلقى الف واحد يشتريه وسعره مناسب

 

[ابوطارق]

والله الرجال تدوده.... بس انا متأكد انه عرف المرسيدس اقوى من الشفر والتويوتا كد ومد هههههههههههههه وانا بقول لك اي بي أم مثل التريلا ...

 

[abo_djanh]

http://www.shopping.hp.com/webapp/s...&a1=Brand&v1=HP+HDX&series_name=HDX18t_series


وأدعيلي


أحدث بروسيسر الجيل الجديد

وبتاع كلووو وسعرة 570 وانا ان شاء الله هاليومين رايح بشتريه من الغانم

بس فى مشكلة


سعرة بالشركة 370 والغانم 570 ليش ؟؟



افكاركم ياشباب الجهاز أتش بي ومنو وكيلة ؟

 

[bakkay79]

السلام عليكم

اخوي توشيبا
لقب التوشيبا

تويوتا اللابتوبات

 

[حفار قبور]

إبتعد عن الإتش بي والإيسر والسوني

وخلك على التوشيبا والديل