اليوم السوق حده تعبان

الموضوع في 'السوق الأمريكي للأوراق الماليه' بواسطة هاب ريح, بتاريخ ‏14 مايو 2004.

  1. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    ياجماعه انا الي اشوفه ان السوق اليوم تعبان حده من يأيدني بهالكلام.؟ بصراحه يوم كئيب بالنسبه لي ولا شرايكم؟
     
  2. مستثمر73

    مستثمر73 عضو جديد

    التسجيل:
    ‏14 يناير 2004
    المشاركات:
    708
    عدد الإعجابات:
    0
    مكان الإقامة:
    الكويت
    أي والله أحس اليوم كئيب حده :(

    حتى المنتدى هادي زياده عن اللزوم :eek:
     
  3. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    مشتثمر73. اتصدق اليوم شريت ecgi بسعر 0.57سنت خذيت فيه 15الف سهم ابي يصعد سنتين ببيعه موراضي يصعد . وفي سهم اليوم شريته هاهاهاه ابي يصعد سنت موراضي اليوم حده يضيق الخلق شتعرف عنه السهم الاول ecgi ؟
     
  4. النوووخذه

    النوووخذه إلغاء نهائي

    اسعار النفط تصل لارقام قياسيه 41.5 صل لتلك الاسعار منذ احتلال النظام العراقي للكويت ...وتتزايد الدلائل على وجود تضخم يستلزم رفع الفائده الوعد في يونيو
    قرب انتهاء اعلانات الربع الاول
    شهر مايو شهر مليق عادة
    وعلى قوله المستثمر... المنتدى هادي جدا ... مافي فرص مضاربيه او استثماريه .. ولاحظو التداول اليوم هاااااادئ...والفاليوم منخفض ...
    اعتقد اقفال اليوم مهم ... وراح ندور على هالمحور الاسبوع الياي .. الا اذا انخفض النازداك والداو بشكل كبير .. وفي ظل قله التقارير الاقتصاديه في الاسبوع المقبل ... اقول الله يعينكم ويعينا
    اعتقد فتره الركود بتطول شوي.. خاصه والصيف على الابواب... الظاهر يبلنا اجازه اجباريه من السوق في الاسابيع المقبله :(
     
  5. الدانة

    الدانة عضو جديد

    التسجيل:
    ‏25 أكتوبر 2003
    المشاركات:
    655
    عدد الإعجابات:
    0
    مكان الإقامة:
    دبي
    صحيح السوق اليوم هادي ... لكن فيه فرص للمضاربه ..

    يعني tasr اليوم حلو مضاربة ... يعني نص دولار مش بطالة في 2000 سهم

    و كذلك rhat نصف دولار ايضا ..

    يعني دور على اسهم الشيوخ علشان ترتفع بسرعة مو سنت او سنتين ... يبي لك تدخل في المضمون انه يرتفع أو ينزل بالعشرة سنت و فوق ...


    و في هالوقت اللي يكون فيه السوق هادي .. يجب عليك ان تدور على السهم اللي جالس يلعب يرتفع و ينزل .. يعني الناس هادين باقي السوق و جالسين يلعبون في هالسهم .. العب معاهم و لا تفوت الفرصة ... بس هنا ما يبي لك تحاليل و اخبار و غيرها .. العب شوط و اطلع .... يعني كل فطير و طير ...


    و الله المعين ...
     
  6. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    يالدانه انا لو اشتري بسهم سعره 20دولار يوصل دولارين خليها علي الله بس
    اي سهم ادش فيه ينزل :) وانتي ماشاءالله عليج كل اشوي اتقولين مبروووووووووووووووووووووووووك وانا الفقير المسكين من خساره لنكسه لنهيار السهم الي ادشه ادمره هاهاهاها

    النوخذه الناس طايحينله نقارير وانت قاعد.

    الدانه ودي مره اذوق حلاوة الربح نفسج واقول مبرووووووووووووووووووووك بل هههاهاهاهاهها
     
  7. S500

    S500 عضو مميز

    التسجيل:
    ‏30 مايو 2003
    المشاركات:
    2,037
    عدد الإعجابات:
    0
    مكان الإقامة:
    الكويت
    الكلام على العين والراس لكن وين اللي يطبقه


    العالم يفكروووون ان ابو خمسيين سنت احسن للمضاربهلا يبون بعد يشتروون بنص دولار ويبيعون بدولار غصب
    يعني كأنهم شارين مايكروسفت ب26 ويبيعونها بعد ثلاث ايام ب52 دولار ادري قويه لكن اعدروني هدا تفكيرهم موراضين يقتنعون
     
  8. النوووخذه

    النوووخذه إلغاء نهائي

    حاولت العبت مع ماما .... ... :) ... طبعا قصدي عن شركه ماما... طلع دمها ثقيل .... وما تغشمر .. وتخرع .. وانحشت منها بخساره 1% ( شاري بعد اقفال امس وعلى استراتيجيه معنيه )... وبعد ما بعت شوفي وين وصل :rolleyes:
    شوفي الاخت دانه ... tasr سهم بدرسه في الويد انك.... تعورت من نزول السوق... ومالي خلق اتعور
    الصراحه المضاربه السريعه ....مو سهله ... لازم الواحد يعرف متى يدش ويطلع... وشارت هالسهم.. كله خطوط ما ينعرف له من دعم ولا مقاومه ... ولا اخفيج القول ماني جديد بالسوق بس هاللعبه مو سهله كلش .
    طبعا هذا ما يمنع الواحد انه يدور على الفرص المضاربه السريعه وخصوصا على الاخبار ... على العموم انا الحقيقه ما انصح بالاحتفاظ بالاسهم في هالفتره ... حتى اشعار آخر... واذا بينزل السوق.. انا اقول خل ينزل احسن.. نستريح شوي.. ونلملم بهالاسهم الزينه بالرخص لما نحس بدايه ارتداد وتحسن في السوق .
     
  9. هاب ريح

    هاب ريح عضو جديد

    التسجيل:
    ‏21 مارس 2004
    المشاركات:
    190
    عدد الإعجابات:
    0
    S500 انت معطيني سهم سعره 049سنت وطاح والحين سعر 0.12سنت الي اهو Goam اي نعم انا غشيم بالسوق والحين طاير مني 50% من راس المال شنو الاعتراف بالحق فضيله... انت صحيح انك صاحبي وهذا الغلط مو منك تري وانا مااحملك اي مسؤليه الغلطان انا الي دشيت بهالبورصه الي ضيعتنا حتي الناس انقطعنا عنهم اليوم كله مجابل الشاشه ليش ؟؟؟


    (العالم يفكروووون ان ابو خمسيين سنت احسن للمضاربهلا يبون بعد يشتروون بنص دولار ويبيعون بدولار غصب) هذا كلامك :) قبل شهرين غير والحين صار الوضع غير ... بس المثل شيقول يقول لافات الفوت ماينفع الصوت..


    ان شاءالله اوصل لراس المال واطلع وافتك من هالتعب كله.


    معقوله 10تآلاف دينار كويتي بعد سنه اتصير 100الف دينار؟


    هذي بورصه يافوق فوق ياتحت تحت . يمكن اتصعدك فوق والله يستر عليك وويكون حظك زين. بس اذا نزلت اشلون بيكون وضعك؟. والله يالشغله مابينها وبين القمار شي ياجماعه انا ماعلي منكم والله مابينها وبين القمار شي نعم المضاربه هذي حظ والله حظ سوالف خط المقاومه ولا الدعم حجي فاضي. الشغله كلها حظ انا امس مطلع 1800دولار بالحظ مااعرف شي انا غشيم وقبل امس مطلع 2200دولار بالحظ واليوم خسران وايد مادري جم !! اشوف السهم الي عليه تداول وادش فيه وهذي طريقتي. لحد يقولي انا فنان بالشغله. انت بنفسك يا S500 صارلك وقت بالبورصه عطيتني وشريت سهم ونزل لاتخاف هاهاها ماني انت الي مخسرني بس شوف انت درسته دراسه قويه السهم وماعطيتنياه الا متأكد او صعبه ان ينزل وطاح لاتقولون لي ستوب لوز الاوسط مافيه هالامر.



    المهم بالنهايه. انا اتحدي الي يقول ان الشغله مونفس القمار بس تختلف الطريقه
    لو الشغله مونفس القمار ماصارت ادمان. يعني حظ


    ياجماعه انا ماادري شقلت ولاني مجيك علي الي كتبته بس تري كاتبه وانا معصب اسمحولي عن اي غلط

    والعوض بيد الله

    وفمان الله....
     
  10. النوووخذه

    النوووخذه إلغاء نهائي

    هاب ريح ... عزيزي... في طرق عديده للمضاربه... لو فيه طريقه وحده .. جان ما شفت مقاومه اتجاوزت ولا دعم انكسر ... وكان الكل ربح... شوف اخوي وانا اقول لك ياها عن تجربه... في شي اسمه تحليل فني...وفيه شي اسمه تحليل اساسي... والفني له نظريا ت عديده...الي حاب اني اقول لك قبل لا تدش على اي سهم شوف... الشارت ماله... وحلله ... وطالع اخباره .. واذا تقدر ميزانيه الشركه على السريع .. واذا فيه انخفاض بالشارت او ارتفاع كبير شوف اكيد فيه خبر طل عليه .
    ابشرك انا معاك في الاسم البني ستوك حلوه ...بس صدقني الحين مو وقتها .. الحين نصيحتي لك قب عنها... ويوم ما يتحسن السوق... اشترها ... وشوفها ...
    وفي مساله تعلمتها من السوق.. اهم شي الدخول في الوقت المناسب والخروج في الوقت المناسب
    لا تقول لي بحتفظ في السهم حتى وان انزلت المؤشرات ولو شنو.. ومصيره يرتفع.. لا.. بالعكس ... طبق نظريه راس المال جبان... وصدقني السوق الامريكي ما فيه شي اسمه فاتتني الفرصه... لانه كله فرص... وبتشوف هالسوق بعد فتره وجيزه اشلون بيولع .( مجرد احساس ولو انه له اساس بس مو قوي بعد للحين... يتراوالي بدايه شهر سبتمبر فرصه للشراء.. اكتوبر البدايه لارتفاع كبير ) بس خلك في السوق اكيد في بتكون فيه فرص وما تدري شنو بيصير.
     
  11. CHART TRADER

    CHART TRADER عضو جديد

    التسجيل:
    ‏22 يناير 2004
    المشاركات:
    1,043
    عدد الإعجابات:
    0
    مكان الإقامة:
    الكويت
    لا اليوم مو هادي كانت فيه فرص

    شوفوا وتابعوا هالاسهم اللي اغلقت على الهاي اليوم

    مع زياده عن اغلاق امس

    bgo ارتفعت تقربيا 7 %

    fmday ارتفعت 7.5 % ويوم 19/5 اعلان ارباحها ..

    baby ارتفعت 5.9 % اعلان ارباحها امس كان رائع

    السوق الامريكي كل يوم فيه فرص بس يبيله متابعه

    والله الموفق
     
  12. ازعاج

    ازعاج عضو نشط

    التسجيل:
    ‏25 يوليو 2003
    المشاركات:
    294
    عدد الإعجابات:
    0
    قمااااااااااااااااااااااااااااااااار بس شريف
     
  13. S500

    S500 عضو مميز

    التسجيل:
    ‏30 مايو 2003
    المشاركات:
    2,037
    عدد الإعجابات:
    0
    مكان الإقامة:
    الكويت
    هلا والله هاب ريح انا اشهد انك هاب ريح

    كلامك كله على العين والراس يالغالي وكل اللي قلته عني صحيييح لكن انا اقول اني يوم قلتلك هالكلام قايلك بعد توقع الخساره قبل الربح
    وانت تقول الحظ الحظ انا انسان ما اؤمن بشي اسمه حظ بالمره نصيبك لك ونصيب غيرك انسى تشمه

    انت صارلك بالسوق ثلاث اشهر ومن يوم دخلت السوق نازل وانا صارلي بالسوق اكثر من سنه ويوم ادخل كان مرتفع ومن ربح لربح والحمدلله

    اكيد نظرتك غير نظرتي

    اسمع يالنشمي والله العظيم ان الشركه اللي قلتها فوق الحين فرصه ما تعوض لان التحلييل الاساسي لها زين واحسن من قبل بكثر لكن السووووق ما يساعد بالمره

    اصبر عليه او بيع اللي عندك وانتظر لين اتشوف السوق اخظرلمدة اسبوعين بعدين ادخل والله يلوم الله يلومك يالغالي

    اخوك بالدين S500