onev مــــــــــــاسبب النزوووول الله يرحم والديكم

[المتداول الطائش]

بعد التحيه والسلام إذا حد يعرف سبب لنزول السهم اليوم الجمعه في حين كنا ننتظر وصوله للـ < 1 $ > على اثر الأخبار الزينه مع مايكروسوفت نفاجأاليوم بالنزول

 

[alnader2004]

وانا بعد اتسائل مثلك
ومنا الى الخبرا يسعفونا بالتحليل الفني
وهذا رابط فيه تقرير عن الشركه ممكن يساعد في التحليل الفني
http://www.indexsignal.com/vb/showthread.php?p=71196#post71196

 

[pilot]

السلااااااام عليكم

اخي المتداول الطائش تنتظر وصوله دولاااااااااار

السهم قبل اقل من 10 ايام كان سعره 0.04 = يعني اربعه سننننننت فقظ

وطلع حتى وصل 0.15 في خلال العشره ايام يعني لو تحسبها اكثر من 200%

ولو قلنا قبل شهر كان سعره 0.02 ثنيييييين سنت يعني اكثر من 600%


وانت نتنظره يوصل الدولار صحيح ان الخبر الي نزل عليها وتعاونها مع شركه ضخمه مثل مايكروسوفت خبر قوووي بس كفايه انه وصلها الى 0.15 و زياده اتوقع 0.154 بس توصل الدولار قوووووويه هذي

ممكن توصل الدولار و اكثر بعد ما نقول لا لاكن مو الحين ولا بعد سنه يمكن

وعلى حسب التقرير الي وضعه الاخ النادر الي فهمته انه يقول : ان السهم overvalued يعني فوق قيمته حاليا" وهي 0.13 عشان كذا اتوقع تراجع من 0.15 الى 0.13 او اقل ...... يعني مستكثرين عليه الــ 0.15

هذا والله اعلم

 

[alnader2004]

عزيزي pilot
مافيه شي اسمه ((((قويه))))) بالسوق الأمريكي والامثله كثيره
خذ شركة TASR على سبيل المثال
52wk Range: 1.2117 - 64.15
بقدرة قادر أصبحت 64 دولار الهاي السنوي بعد السبلت يعني وصلت 128 دولار قبل السبلت يعني ارتفاع بنسبة 6400%
ipix ارتفعت بنسبة 1553%
فلا تستغرب اذا وجدت onev فوق الدولار في القريب باذن الواحد الأحد
وبالنسبة للتقرير اللي وضعته انا فهذا تقرير قابل للصواب وقابل للخطأ

 

[المتداول الطائش]

الآمــــــــــــــال حلوه

حقيقة أنا لااستبعد شي لكن كان قصدي من السؤال هل أحد قرأ أخبار نزلت بالسهم فقط

أما السوق الأمريكي فحلاته في إنك بين يوم وليله تصبح غنياً أو فقيراً نعوذبالله من الفقر

 

[alnader2004]

يا خوي المتداول الطائش
السهم علومه طيبه ومجتاز فلتر ابو هاني
ونزوله كان بآخر الأسبوع يعني نزول مايخوف اما اذا استمر النزول في الاسبوع الجاي فالمسأله فيها خوف والله يبلغنا صعوده الاسبوع الجاي باذنه تعالى

 

[الفيدرالي]

الأخوة الكرام ،،،،،، السلام عليكم ورحمة الله وبركاته ،،،

يسرني ان تكون اول مشاركة لي معكم في هذا المنتدى الرائع من خلال هذا السهم والذي شدني كثيرا تعليقات بعض الأخوة هناوالتي رايت ان اشرح باختصار بعض الطرق المتبعة في التداول في اسهم البني:

ان اي صعود(رالي) لسهم ما غالبا ما يكون يوم او ثلاث ايام وبعدها يبدأ رحلة العودة والتذبذب.

من هنا نرى ان السهم أخذ حقه بالارتفاع حتي الثمالة كما يقال ( من سنت الى 16 سنت) يعني 1600% فمن الطبيعي يبدأ ما يسمى بجني الارباح ورحلة العودة.

سأضرب امثلة لبعض الأسهم التي سبق وان عملت رالي وسترون كيف تكون هذه القاعدة:

انظر الى سهم Mobl في بداية شهر مارس و في الأسبوع الثاني من ابريل ، كما انظر الى سهم Plkc في اواخر شهر يناير.

ان المثال المذكور عن سهم Tasr لا ينطبق هنا مقارنة بالشارت ، لان Tasr وصل الى ما وصل اليه خلال عام، لذلك فان سهمنا هذا اذا التحليلات تقول انه سيصل لدولار فاكيد انه ليس خلال شهر مايو.

انا أعرف السهم جيدا ومتوقع منه مواصلة الصعود ولكن على مراحل، والنزول الحاصل الآن قد يستمر الى أقل من 5 سنت. وسأوافيكم ان شاء الله بكل ماهو جديد عنه.

اوصيكم ونفسي بالمتابعة الحثيثة لأسهمكم في هذا السوق.....وتقبلوا تحياتي ,,,,
اخوكم الفيدرالي.

 

[Etrader]

أتوقع أن سبب النزول كان بسبب نزول مؤشر السوق بشكل عام ،وبالتالي أدى ذلك إلى سرعة تخلص المضاربين من السهم ،والذى أدى إلى نزول سعر السهم بالتدريج
والدليل أن السهم كان يتأثر بشكل ملحوظ عند ارتفاع أو نزول المؤشر
كثير من الخبراء سواء في هذا المنتدى أو غيره توقعوا وصوله إلى ربع الدولار ،ربما ليس غدا ولكن فريبا إن شاء الله

 

[داج]

سعر الشراء اليوم

وش السعر الي ممكن اشتر فيه السهم اليوم .
هل مناسب سعر السوق 0.09 او متوقع نزوله 0.05
انا ناوى اشتري السهم اليوم انشاالله بس ..............................

 

[alnader2004]

والله يا خوي الداج السعر الحين مغري بس انتضر شوي يمكن تصيد السهم بسعر احسن

 

[داج]

شكرا اخوى alnader2004 علىالنصيحةلكنى اتوقع انه يصل 0.05

 

[داج]

onev

وش السعر المناسب للبيع ترى متورط وشاري بسعر 0.0850

 

[alnader2004]

يالداج السهم رايح فوق الحين وتقول متورط
اقول امسك اسهمك ولا تبيع ترى السعر اللي محصله يعتبر صيده

 

[Hamd]

نعم السهم ارتفع ووصل 12 وانا شريت اليوم على 97
لكن تتوقعون يتجاوز 12 ؟؟

 

[alnader2004]

والله ياخويHamd
السهم هذا متوقعينله الكثير من الخبراء الصعود توقعات تقول ربع دولار وتوقعات تقول نص دولار وتوقعات تقول انه راح يحلق فوق الدولار
لكن انا اقول السهم هذا يبيله صبر
انا عن نفسي شريت قسم على 0.10 وشريت قسم على 0.146
وبصراحه انا ماني ناوي ابيع حتى لو وصل ربع دولار

 

[Hamd]

شكرا اخي على الرد
وانشاء الله نشوفه قريبا بسعر رائع

 

[هاب ريح]

السلام عليكم ورحمه الله.....

في يوم من الايام شريت سهم بسعر 1.33 والكميه كانت 10الاف سهم يعني كل سنت 100دولار . بنفس اليوم وصل سعر السهم الي 1.88سنت ولابعت. يعني كان ربحي 5500دولار . قلت اليوم ارتفع بهالطريقه باجر اكيد راح يطوف الدولارين وراح ابيع بدولارين بنفس اليوم سكر علي سعر 1.63 وفتح من بكره علي سعر 1.50 ونزل ونزل لي سعر 1.34 وبعته... كانت العموله بيع وشرا 100دولار يعني بالمختصر مااستفدت منه اي شي...



كاان بين أيديني الربح ولا بعت. قلت باجر بيصعد باجر بيصعد. فأنا من هالقصه القصيره اتمنى انكم تفهمون الي بين الصطور.


تري الطمع شين. بيع وقول الحمدلله يارب واقتنع يابنى آدمن لاباجرتعض اصابعك ندم.

اللهم اني بلغت اللهم أشهد.

 

[هاب ريح]

وعلي فكره نسيت اقول شغله عن هالسهم . Onev

تري السهم هذا انا شاريه مرتين وبايعه خذيت المقسوم منه وبعته

اللهم لك الحمد والمنه

 

[Hamd]

اشكر اخي على الرد
طبعا الطمع شين والقناعه زينه
وانا كنت اتابع هذا السهم من كان 3 سنت ولا شريت وشفته لين وصل 7 وارتفع ضغطي وانا اطالعه بس وهو يرتفع والشركه اللي شاري فيها اشوفها تنزل :d
واليوم الثاني طمر من 7 الى 15 وانا قاعد اشوفه
والحين بعت بخساره وشريت فيه على 9
والله كريم انشاء الله نعوض

 

[الصبر زين]

الله يبارك لك أخي هاب ريح


وهل تنصح فيه مرة ثانية ؟؟

وإن كنت تنصح فيه كم تقترح السعر اللي نطلبه عليه

والسعر اللي نبيعه فيه و سعر الستوب لوز

الله يبارك لك مرة ثانية