عوقبوا بالسجن لمدة تصل سنة لتصويرهم قبل اطفاء الحريق

[Hi5]

قــــرر جــــهاز المــــطافي باحــــدى المــــدن فــــي هــــولندا بمعــــاقبة 10 رجــــال مــــن المــــطافي بالسجن لمدة تترواح
بيــــن 6 شهــــور وسنــــه لاخــــذهم صــــورة تذكــــارية قبــــل اخــــماد الحــــريق


اليكــــم الصــــورة​

 

[yoyo1983]

لوووووووووووول

من صجهم

 

[NoOoOoR]

زين سوو فيهم..

 

[Hi5]

بس ناقصهم كل واحد كافيه موكا من ستار بكس وتضبط الصورة

 

[توفي]

والله باردين

 

[Hi5]

في شغله وانا اقرا موضوعي هذا واطالع الصوره
اقول شنو لو كانت الصوره مركبه واحنا نتسرع بالحكم عليهم واتهامهم جم شخص بحياتنا احنا تسرعنا بالحكم عليه وطلع برئ ، هالصوره ممكن حقيقيه مو مركبه ، بس شنو لو كان صاحب الخبر شخص حاول يركب الموضوع ويألفه من خياله ، جم قصه خياليه واشاعه فرقت بين شخصين وجم قريب بسبب فبركه خبر صارت بينههم خصومه للابد ...
وليش ما تقيس هالشي على باجي حياتنا ويكون فرصه ان احنا نحط سابع الاحتمالاات حتى لا نتسرع في طعن شخص في شخصه او اخلاقه او عقيدته ، ليش دايما تحركنا المؤثرات والاخبار والخطابات الحماسيه اللي قبل كل شي تعبر عن راي قائلها او ناشرها فلنسا ملزمين بالانجرار وراءه ..
مادري هالفكره دشت بالي الحين وحبيت اعبر عنها

 

[صعب]

ماتسوى عليهم

 

[ALSERHAN]

...

 

[malek]

للأسف في أطفائيين غير جادين بعملهم وفي مخلصين وهذا من واقع تجربتي وياهم بحريق بيت الأهل

 

[ارحبو]

في شغله وانا اقرا موضوعي هذا واطالع الصوره
اقول شنو لو كانت الصوره مركبه واحنا نتسرع بالحكم عليهم واتهامهم جم شخص بحياتنا احنا تسرعنا بالحكم عليه وطلع برئ ، هالصوره ممكن حقيقيه مو مركبه ، بس شنو لو كان صاحب الخبر شخص حاول يركب الموضوع ويألفه من خياله ، جم قصه خياليه واشاعه فرقت بين شخصين وجم قريب بسبب فبركه خبر صارت بينههم خصومه للابد ...
وليش ما تقيس هالشي على باجي حياتنا ويكون فرصه ان احنا نحط سابع الاحتمالاات حتى لا نتسرع في طعن شخص في شخصه او اخلاقه او عقيدته ، ليش دايما تحركنا المؤثرات والاخبار والخطابات الحماسيه اللي قبل كل شي تعبر عن راي قائلها او ناشرها فلنسا ملزمين بالانجرار وراءه ..
مادري هالفكره دشت بالي الحين وحبيت اعبر عنها

منطقي 100%

 

[EXPERT-Q8]

حدهم فاضين

 

[Hi5]

يا جماعه هالخبر من هولندا
بس قبل جم يوم اعتقد شفتوا خبر بالجريده وعلى ما اذكر صورت الصورة بجهازي النقال اذا موجودة بحطها لكم ،،،
الخبر اعتقد بالوطن اذا مو بالرأي انه صار حريق كبير والخسائر كبيرة وحاطين فوق صور الحريق وتحت رجال الإطفاء مصورين جدام المبنى [ طبعا بعد اخماده ] واهما مستانسين
يعني انتوا طفيتوا الحريق مستانسين بس بيكون بموقع الحادث صاحب الملك اللي احترق وخسر الملايين اذا مو الالاف فيهذي شبيهه بتلك

 

[دموع الورد]

حدهم ماكو شغل !!!!

 

[مهم للغاية]

مراكز الاطفاء في اوروبا والدول المتقدمة يعملون (درل) يعني تدريب وهمي بين فتره وفتره على منازل مخصصة ( يعاد حرقها اكثر من مره ) لتدريب الاطفائيين الجدد كيفية مكافحة الحريق والتعامل معه وايضا دورات تنشيطيه لرجال المطافئ المخضرمين حتى يكونو على اهبة الاستعداد..

وقد وصلتني هذه الصورة في سنة 1999 على ما اذكر بالايميل وقد سيق في حقها الكثير من الاقاويل إلى ان اتى احد ضباط الاطفاء من اصدقائي وذكر لي موضوع التدريب الوهمي وانهم يقومون بالتصوير للذكرى.

والله اعلم

 

[Hi5]

تم حلو يعني صدق حدسي