ابي رايكم يا جماعة00000000

[حدي متفائلة]

انا ابي اشتري سيارة بس محتارة بين سيارتين

الاولى اكاديا من جميس صراحة حيل داخلة مزاجي

والثانية طوارق سيارة بعد حلوة 000 وسالت وايد بس كل واحد يطلعلي عيب ما ادري شسوي ومحتارة وايد وايد --- طبعا انا لازم اخذ سيارة كبيرة لظروفي العائلية
ياليت اللي جرب وحدة من هالسيارتين يقول لي 000 وشاكرة لكم مقدما

 

[سجين الود]

والله السيارتين مابينهم مقارنه الطوارق الماني ماعليه كلام رزه وفخامه بس قطع غياره نار

وسعره غالي بعد والاكاديا سعره ارخص وقطع غياره ارخص بس مايجي ربع فخامة واداء الطوارق

وبعدين الحجي كله ميزانيتج شلونها يعني اذا تقدرين تشترين طوارق وقادره تصلحينه وتسويله

سيرفس بالوكاله واذا لا خلج الاكاديا اما بالنسبه للي جيبه عمران ياخذ طوارق ومايشاور

هذي مافيها كلام والتجربه انا ما جربت ان شاء الله الشباب مايقصرون معاج حجيه

واتمنى اني افدتج

 

[diesel]

وبعدين الحجي كله ميزانيتج شلونها يعني اذا تقدرين تشترين طوارق وقادره تصلحينه وتسويله

سيرفس بالوكاله

يا اخي ما دام عندك خبرة وياهم يا ليت تقول لنا شلون صيانتهم و هل يتأخر السيرفس عندهم و شكرا.

 

[Nawaf_q8eee]

اختي العزيزه نصيحه لوجه الله خليج عن الطوارق والاكيديا خليج بالتويوتا وعن قريب الساير راح ينزل جيب تويوتا فخم وسعره مفاجأه وشوفي جريدة الانباء فيها الخبر تاريخ5 _1 _ اللي اهو امس والله يوفقج

 

[Winchester SX3]

بالنسبه لي انا الطوارق سعره زوين الحين بس سمعت انه شكله بيتغير
و اكاديا مادري عنه صراحه بس توه يديد ما صارله فتره

شوفي الباثفايندر !! ياباني و كد ومد
و دامج تبين جيب هم شوفي فورد اكسبلورر اليديد توه عرضه اليديد امس بالجريده ب 6300

والراي رايج

 

[الحمرانيـ]

اختي العزيزه نصيحه لوجه الله خليج عن الطوارق والاكيديا خليج بالتويوتا وعن قريب الساير راح ينزل جيب تويوتا فخم وسعره مفاجأه وشوفي جريدة الانباء فيها الخبر تاريخ5 _1 _ اللي اهو امس والله يوفقج

انا مع اخوووي صراحه انا برأي تنطرين يمكن تنزل الاسعار وتاخذيلج شي زين ورخيص وصراحه في جيب تيوتا عجييب اعتقد مديله 2007 وشكله بناتي وعجيييب بشوفلج اسمه


وبالنسبه للطوارق كان عند واحد من ربعي بس صراحه ستعامله مو شي وكان كله يشكي من قطع الغيار




ومومفقه اختي

 

[متابع جيد]

انا رأي تنطرين لأخر مارس الأسعار تكون عجيبة لتسكير الميزانية للربع الأول والكل يبي الكاش من أمريكا للخليج بتشوفين عروض مذهلة والله يوفقك

 

[أبو عمر1]

مرحبا اختي
اذا انتي على كلامج تبين سياره عائلية فوخري عن الطوارق لأن مافيه صف كراسي ثالث يعني بالعربي مايشيل مجرد شكل جيب
الأكاديا حلو بس سعره نفس سعر اليوكن
اذا تقدرين تنطرين البرادو احتمال يتغير شكله واحتمال ينقطع وينزلون واحد جديد نفس اليوكن

 

[حدي متفائلة]

الشكر الجزيل لكل من شارك برأيه

وبالتوفيق للجميع