نـصـيـحة قـبل شـراء لاب تـوب

[ابو سالم1]

شباب نصيحة الى يبي يشترى لاب توب يتأكد من سعرة بالوكيل احيانا اشوف ناس ماتعرف الاسعار يسومون نفس سعر الجديد حبيت انوه اخوانى رواد المنتدى اكثر الاجهزة الى تنباع بحولى عليها استكرات غير اصلية مثال كاتب المعلومات كلها تقليد والى يبي يتاكد يروح حولى ويسئل اكثر المحلات يقولون انا وكيل الجهاز للعلم الجهاز الى يبيعون كل الماركات مثل دل و ايسر و سونى و و و ويقولك كفالة المحل لو سكر المحل او غير نشاطة منو يردلك الكفالة نصيحة يا اخوان الى يبي يشترى لاب توب يتأكد انه وكيلة بالكويت من الشركات المعترف بها وليس الاجهزة التقليد .
للعلم يا شباب سونى فايو ينباع بحولى بالكرتون الاسعار تبدأ من 270 دينار وكلهم تقليد !!!!!
الى يبي ياخذ سونى يتأكد من فاتورة الشراء هل هو اصلى او تقليد و الاصلى يجي يابانى و امريكي .
اذا كان مستعمل تاكد من الفاتورة منو وكيلة .

بالاخير اقولكم تأكدو من سعر الجديد قبل شراء المستعمل . احيانا تشترى مستعمل فرق 20 دينار وانت ماتدرى عن سعر الجديد .الله يوفق الجميع ان شاء الله

 

[AL MUTAIRI]

السلام عليكم

جزاك الله الف خير اخوي بو سالم

 

[MNGASH]

جزاك الله خير على الكلام الطيب وصارت معاي هني باجهزة كثيرة وتلقاة يحلف انة بالوكيل بهلكثر وجهاز تلقاة بالمحلات ارخص او يقولك الجهاز استعمالي وشتغل علية وهو شريطي ولا عندة محل وللاسف كله طمع بطمع عشان شوية خردة موعيب توضح سلعتك وتقول ببيعها تجارة وبستفيد ورزق على الله محد بيموت يوع

 

[ابوطارق]

ان شاء الله بميزان حسناتك... انا اتوقع فيه ناس يرفعون السعر لاشخاص اخرين او نفسهم بنكات ثانيه والله أعلم..بخاطري اذكرهم اعملوا لأخرتكم يوم كل واحد يحاسب بأعماله تكفووون اتركوا الجهل لاتغركم الزياده زورا عسى الله يرحمنا برحمته.

 

[abatchy007]

اذا وكيل سوني يبيع صيني شنو تتوقع يبيعون المحلات ياباني

واغلب المحلات شغلهم صيني وحتى الي بالسوق صيني والوكالات نفس الشي

 

[MilaNi]

شكرا وجزاك الله خير

 

[الدنيا فانية]

جزاك الله خير


ملاحظة:

لابتوبات السوني اللي احجام شاشتهم 13 و 11 انش ونازل .. هذول منهم ياباني وامريكي وصيني


اما لابتوبات السوني اللي احجام شاشتها 14 و 15 انش وفوق .. هذول كلهم صناعة الصين

هذا الكلام عند وكيل سوني

 

[بو فهيد]

والله اخوي النقاش بالموضوع هذا صعب .... في دول تكره التطور في بعض الدول مثل كره امريكا

للصين والمشاكل اللي ماتخلص فبعض الكلام اللي يدار في وسائل الاعلام ان رخص بعض الاجهزه

في دول ما يعود لعدم جودة التصنيع وعدم معرفة ايدي العامله ماذا تصنع ( الان ايدي العامله له علم بماذا تصنع )

تكلفة المعيشه في بعض الدول يعني مهندس بماليزيا مثل مهندس في امريكا لا رخص المعاشات

تعوض الشركات بتدني رواتب الموظفين بطرح اجهزة ارخص من بلد منشأ اخر معاشات الموظفين


اكثر منهم ..... قوانين الضرائب من دوله الى دوله يختلف فبذالك الميزانية تختلف من شركة ما

من دوله الى اخرى ....اغلب الماركات العالميه المصنعه في اوربا تغزو دول الخليج لان المشتري

الشرق الاوسطي ان صح التعبير يثق باوربا اكثر من الصين مع العلم ان الصين تورد لامريكا مثل

الماركه اللتي تورد للخليج ... ان تعرف ان الدول العظمى الثمان نسبة اقتصادهم للعالم

65 % الصين ليست من هذه الدول بالرغم من ان الصين رابع اكبر اقتصاد بالعالم هنا تتعجب

لما الصين ليست منهم الهيمنه وكره تطور بعض الدول تسمع اشاعات وكلام بالجرايد ان صيني ردئ

ثقافة الكراهية ان صح التعبير لبعض الدول تقلب الحقائق عند اغلب الناس اخوي صدقني

وبعض نسبة التجار يدور ارخص المنتجات عشان يكسب اكبر ربح اما المشتري مو حاطه في باله

بالرغم ان الصين يوجد بعض المنتجات اللي تظاهي منتجات الدول الثماني ... لكن تجار الدوله

يدور الرخص وعدم ثقافة المشتري سبب كره بعض الناس للدول هذه بالرغم كما قلت سابقا التاجر يرفع وينزل من السلعه على حساب المستهلك ...

الكلام يطول وصدقني يبيله اكثر من ساعات وايام عشان

تعرف اسلوب التجاره ليش يختلف من دوله الى دوله والشي اللي مو ظاهر لنا محد يعرفه

ال قلة من بعض الدول اللي هي اسرار التقدم وسرية المعلومات ....اتمنى وصلت المعلومات

لك ولكل قارئ .. فمان الله

 

[ابو سالم1]

شباب الرجاء الموضوع القصد ان الى يبي يشترى يتاكد من سعرة جديد قبل ان يشترى مستعمل وحتى لو صينى بس اشترى من الوكيل المعروف بالكويت مثل وكيل سونى و وكيل دل و ايسر و توشيبا اخذ من الوكيل او جهاز مستعمل بس شرط الفاتورة انه من الوكيل حتى لو صينى مايهم القصد المحلات يبيعون نفس الاجهزة ويقولك كفالة المحل زين لو الشخص سكر محلة او باعة او او الخ من يعترفلك بالكفالة .
الرجاء هذى نصيحة وليس محل نقاش .

 

[WEST LIFE]

جزاك الله خير حبيبي وماقصرت

 

[بو فهيد]

ابو سالم انا عارف شنو تقصد انت تقصد شنو يضمن للمستهلك سريان الضمان اذا صار

للمحل غير نشاطه او خسر ... الخ النقطه هذه تكون من مصالح الموزعين المعتمدين

لان خسارة الموزع خسارة للشركه فهذا شي مستبعد لان الشركات الكبرى ان صار خلل او خساره

في الميزاينه

تفصل موظفين وتخفض االاسعار النقطه هذه ماتكون موجوده لبعض التجار ان الصح العبير

اللي يسمونه تاجر حر ماهو مربوط بماركه معينه نصيحتك تنحط الراس وعسى الله يوفقك

لنصيحة الناس تقبل تحياتي

 

[mf5]

شكرا وجزاك الله خير

 

[ابو سالم1]

شاب اكثر الاجهزة بالوكيل صيني بس القصد ان يكون صينى على كفالة الوكيل ولا يكون على كفالة المحل لان في غش تجارى يغيرون بالاستكر الى على الاب توب عشان يبيعه اغلا وماعمم على الكل بس هذى نصيحة اخذو من الوكيل المعتمد ماكو فرق الا اذا كان عشر دنانير او 5 دنانير بس شى مضمون وكيل معتمد .

هذى نصيحة وماهى محل نقاش الى عنده تعليق يفيد الاخوان يتفضل عشان الناس الى على نياتها تستفيد من هذا المنتدى .

 

[ms_75]

الله يجزيك الخير
ويجعل النصيحه هذي بميزان حسناتك

شكلك انت اطالع سومات الشباب وتنقهر من اللي تشوفه

اتمنا ان الاداره تثبت موضوعك​

 

[ابو سالم1]

جزاكم الله خير جميعا
للافادة فقط

 

[ابو سالم1]

للرفع و الافادة