الرجاء من جميع الاعضاء الدخول للاهميه

[مستثمر 2008]

اسعار الاسهم جدا جدا جدا مغريه للشراء

سؤالي شنو السهم الرخيص في الوقت الحالي

لانه الفرصه ما تتكرر


شنو ترشحون اي سهم الواحد يقدر يشتري تنصخون الواحد يقترض ويشتري سهم

 

[نايف السلطان]

اصبر لتوزيع الارباح وبعيد فكر تدخل سوق المقاصيص لاتستعجل

 

[حبيبكم]

اسعار الاسهم جدا جدا جدا مغريه للشراء

سؤالي شنو السهم الرخيص في الوقت الحالي

لانه الفرصه ما تتكرر


شنو ترشحون اي سهم الواحد يقدر يشتري تنصخون الواحد يقترض ويشتري سهم

أولا: لا تستعجل فالرؤية غير واضحه
ثانيا: لا تقترض وتدش البورصة لان يمكن الاسهم تظل فترة طويله ما ترتفع ويمكن العكس ، اذا بتدخل ادخل بكاش مو محتاجه ومو قرض ولا تبيع شيء محتاجة ودير بالك تبيع بيتك ودش بفلوسه!

 

[adelsaqer]

اشتر الاسهم اللي عليها زيادة راس مال

 

[Q8_123]

المشكله في شركات عليها زيادة راس مال و قاعدين نشوفها بالسوق سعرها اقل من سعر زيادة راس المال . والله ياخوي انا انصحك انك تنطر شوي ..
انا حاس فيك انك مستعيل و ودك تستقل الفرصه اليوم قبل باجر و وايد اكو كلام يغري مثال لما يقولوك هذي فرصه و من هلكلام .. انطر شوي لاني كنت قبل فتره بنفس حالتك ابي استغل الفرصه بالاسعار اللي ما تتكرر استعيلت و شريت والحين متوهق .. انطر شوي و ان شاء الله بتاخذ رزقك

 

[أبو فلسين]

الارخص بالوقت الحالى المال للاستثمار طالعه على ناصر الخرافى 700

 

[yoyo1983]

بيتك سعره زيييين

والله تعالى اعلم​

 

[عند وجهك]

السلام على اخواني واخواتي بالمنتدى انا عضو جديد ا رجو ان تقبلوني اخو لكم المنتدى بخصوص النصيحة واللة اعلم الدانة شركة قديمة ومن تعدل السوق اول وحدة ترتفع

 

[hassanabass]

اول شىء انتظر وشوف نتائج الربع الرابع للشركات والثانى انتظر كيفية معالجة الحكومه لمشكلة
المديونات لهذه الشركات وبعدين تتضح الرؤيه وتقدر تختار بسهوله اما الان الاختيار صعب وفيه
مخاطره كبيره.

 

[اشحفان]

اخوي خرعتنا بالعنوان انصحك بالتريث والصبر
ويا ريت اتهدي شوي وألبس حزام الامان افضلك
الى ان ترى السوق بدأ يسترد الثقه بقيمة تداول عاليه

 

[ابوعبدالله لابتوب]

أنا شخصيا أشوف فيه تحرك على دوليه م أ بالفتره الأخيره وهي ليست دعوه للشراء ولكن للمتابعه والمضاربه مع أخذ الحيطه والحذر والله اعلم

 

[hassanabass]

أخ لابتوب انت رجل مخلص فى التحليل والنصيحه ونطلب منك تحليل حق سهم المستثمرون
وانا شاء الله ما تقصر.

 

[ابوعبدالله لابتوب]

أخ لابتوب انت رجل مخلص فى التحليل والنصيحه ونطلب منك تحليل حق سهم المستثمرون
وانا شاء الله ما تقصر.

لا يوجد على السهم أي إشارات دخول وإن كان ولابد عليك بالأم في حال تعدل وضع السوق جراند حتى إشعار آخر وأشكرك على الإطراء وإن شاء الله أكون عند حسن الظن وتقبل مروري

 

[hassanabass]

المشكله ان جراند محققه خسائر لكن المستثمرون بقى فلس ربحانه فى الربع الثالث.

 

[هامور 2000]

أنصحك بسهم دار الاستثمار ::
أخوي انطر شوية شيل رييلك من على البانزين _ أركد

 

[ابوعبدالله لابتوب]

المشكله ان جراند محققه خسائر لكن المستثمرون بقى فلس ربحانه فى الربع الثالث.

جراند عندها مشروع ممتاز بالحرم المكي وموقعين العقد واتوقع 2011 راح يصير السهم شي ثاني والله اعلى واعلم والمشروع راح يقلب السهم حدر فوق والمشكله ما تزال بالسيوله الله يستر بستره ولكن هي ليست دعوه للشراء انت سألتني عن رأيي وانا جاوبتك بكل شفافيه ولا يصير نظرك للمدى القريب عزيزي فإن المدى القريب ما يطمن لجميع الأسهم