محتاج نصيحتكم بخصوص السوبرمان . لاتبخلون علينا

[ابو سالم1]

اخوانى ابي اشترى سوبرمان ولا عندى خبرة فيهم ابي اشترى من موديل 2000 الى 2004 بس محتار لانى حصلت انواع واجد ابي الحجم الكبير 25 بس الاحسن هل هو ماكينة 6000 او 8100 الى عندة خبرة يفيدنى جزاكم الله خير .
ماخاب من استشار.

 

[hamed_zd]

اخوي بالنسبة لي افضل حجم 25 دبل قير ماكينته حجمها 6100
اما سنة الصنع فافضل من 2003 وانت صاعد

للعلم اني فقط اخذ نصائح الغير ولكن لم اجربه

 

[أبوإبراهيم]

السلام عليكم

شنو الافضل يعتمد على شنو استعمالك
يعني للاستخدام داخل الكويت حجم 15 كافي جدا وعزمه زين وارتفاعه مقبول لركوب الشياب والعجايز
أما للسفر المتكرر والحمولة الثقيلة حجم 25 أفضل ويكون مرتفع زيادة عن ال 15
أما حجم المكينة ال8100 متعارف عليه حجم 454 وهذا الحجم يشرب بانزين وتحتاجله اذا عندك صعود جبال كل يوم عزمه يبرد قلبك
والدفع الرباعي الا اذا كنت تدش بر وايد يعني راعي غنم او بعارين وتتبع حلالك مو حاطلك مخيم شهرين بالسنة أو عندك طراد عود للسحب

باختصار كلهم زينين بس انت شنو حاجتك

 

[ابو سالم1]

جزاك الله خير ابو براهيم انا حاجتى للعائلة وابية لو اسافر فية يبيض الوجة مايهمنى شرب البانزين اهم شى ابي موتر طيب حق كل شى مابي دفع رباعي ماحتاجة ابية للعائلة و السفر .

جزاك الله خير بس محتار بين 6000 او 8100 اى موديل افضل انا ابي من موديل 2000الى 2004 هل يوجد اختلاف كثير بينهم هل توجد مميزات تختلف عن الموديل الى الموديل الاخر من الموديلات الى ذكرتهم

 

[adelO]

سلام عليكم ..

الشور عندي تاخذ ال 8100 أما عن السنة فان طعتني تاخذ ال 2004 واتعب على اللون
..والله يوفقك

 

[بوحمود1]

اخذلك 8100 ،،، 2003 او 2004 ،،، موتر قوى وحتى اذا بغيت تبيعه ،، مايتعطل

 

[ابو سالم1]

جزاكم الله خير ماقصرتو بيض الله وجهكم على المعلومات الطيبة .
بتوكل على الله ان شاء الله باخذ 8100

 

[الله ثم الوطن]

جزاكم الله خير ماقصرتو بيض الله وجهكم على المعلومات الطيبة .
بتوكل على الله ان شاء الله باخذ 8100

الله يوفقك ويعطيك خيره ويكفيك شره مقدما

 

[Mosaab]

شوفلك موديل 2005 وانت صاعد احسنلك .. لان كهربتة وايد زينة .. وتبريد بالصيف على كيف كيفك
لان عليه مروحتين كهربة مو نفس اللي قبله .. باختصار اذا شغلت التكييف اللي ورا (السنترال) وانت واقف بالحدود او بالاشارة ... اتموت من الحر .. اتقول قاعد ابتنور والحرارة ترتفع فوق النص

فنصيحتي لك .. شوفلك 2005 وفوق


وموفق ان شاء الله

 

[لهيب]

نصيحتي اهم شي 8100

 

[gaadboy]

سلالام

جزاك الله خير ابو براهيم انا حاجتى للعائلة وابية لو اسافر فية يبيض الوجة مايهمنى شرب البانزين اهم شى ابي موتر طيب حق كل شى مابي دفع رباعي ماحتاجة ابية للعائلة و السفر .

جزاك الله خير بس محتار بين 6000 او 8100 اى موديل افضل انا ابي من موديل 2000الى 2004 هل يوجد اختلاف كثير بينهم هل توجد مميزات تختلف عن الموديل الى الموديل الاخر من الموديلات الى ذكرتهم

اخوي بالسفر اسئلني انا بصررااحة المووتر ودكك بصررااحة المكينة قوية وخااصة اذا حمولة الاهل والاغرااض وتبين معاااااااااك القوة بس بالتجاااوز ونات مساافر لالالادستلة شااال عمرة ويريحك السعوودية ماشاء اللة فيها صعدااات ونزللالالات لالازم المووتر يشييل عمرة وبالنسبة للنزين اكييد يصرف بس تبي انصحك نصييحة اخووية اخذ 6000 المكاانية اريح بالحراارة والتكلفة الصياانة والمكيف يفررك وانت رووح اسئل المكاانيكية احسللك

واتمنى افدتك وموفق

 

[ابو سالم1]

جزاكم الله خير جميعا
نصائح اخذها بعين الاعتبار