بنك الدولي والسؤال المحير ؟

[>>الرويلي<<]

هل هو بداية اعلان الافلاس وحفظ ماء الوجه للملاك ؟
ام بداية الانطلاقة الجديده بثوب جديد ؟
خاصة وان مجلس ادارة البنك استقال وما خفي اعظم !
الرجاء من الاخوة اللي عنده خبر لا يبخل علينا لان لي صديق يملك كمية ومحتار بين الاحتفاظ او البيع مع الشكر مقدما لسعة صدركم بالمشاركة معنا

 

[ابو فهد 75]

والله انا نفس وضعك يالغالي

 

[Navigator]

بعطيكم اللي اعرفه

بس لازم تتأكدون ولا تقررون شيء بناء على كلامي

بو خمسين موجود للحين بادارة البنك ؟

هو ساس المشكله

واخر سوالفه شراء عقار من العربية (شركته) بمبلغ خيالي بهالوقت هذا ومبالغ فيه

لكن سمعت انهم كنسلوا البيعة

والناس كرهت السهم

والله يوفقكم

 

[Bo_jassim]

بعطيكم اللي اعرفه

بس لازم تتأكدون ولا تقررون شيء بناء على كلامي

بو خمسين موجود للحين بادارة البنك ؟

هو ساس المشكله

واخر سوالفه شراء عقار من العربية (شركته) بمبلغ خيالي بهالوقت هذا ومبالغ فيه

لكن سمعت انهم كنسلوا البيعة

والناس كرهت السهم

والله يوفقكم

انا هم سمعت ان البيعه ماتمت ونزلو خبر فيها والحين اقولون قدمو استقالتهم على البيعه ماني عارف شسالفه !!

 

[frozen]

مشاكل الشركات من كل صوب شصاير بالدنيا؟؟؟؟؟

 

[ابو فهد 75]

مافي مشكله والاوضاع اوكي

 

[مضارب شجاع]

هذا مو بنك هذا بقالة

 

[cocacola]

بو خمسين موجود للحين بادارة البنك ؟

هو ساس المشكله

واخر سوالفه شراء عقار من العربية (شركته) بمبلغ خيالي بهالوقت هذا ومبالغ فيه



صح بوخمسين اهوه اكبر مشكله في البنك
انا قريت اليوم ان البنك المركزي يدفع ديونه من ارباحه اتوقع هذا البنك

 

[qatel4]

اصرار بوخمسين على ان يمشي البيعة على البنك هو السبب في استقالة الوزان وراح يتبعة المتروك اذا ما عقل بوخمسين

لأن الجماعة رافضين شراء العقار للبنك بهذا السعر خصوصا ان السعر مبالغ فيه جدا وما له داعي سوى تفييد بوخمسين وضياع لحقوق المساهمين

والبنك وضعه المالي ممتاز بس المشكلة بوخمسين

إذا بوخمسين قال لك انا اللي وصلتك لهالكرسي مو راح تقدم استقالتك حفاظا لماء الوجه والنزول للانتخابات الجمعية العمومية لتفصل من ترشح

 

[abdullah.m]

الله كريم

 

[>>الرويلي<<]

مشكورين على التفاعل بس صاحبنا انصحه بالبيع او لا ولغاية متى ينطر اذا في بوادر حل لازمة البنك