حكم الأعدام شنقا حتى الموت لمدير شركة فى الكويت

[مضارب شجاع]

صدقوني ياخوان اليوم الناس تتحلطم وتشتكي وتقول تجار البلد وحرامية البلد والناس كلها عارفه من هم تجار البلاد ومن هم لصوص البلد ومن يساعدهم على استمرار حرمنتهم

اليوم الشعب بسيط وعدده بعد يعد قليل بمقابل الدول الي شعوبها مثل النمل واللهم زيد وبارك

انا اسئل لو وصل عددنا 2 مليون كويتي وصارت الكويت فيها حتى الفراش كويتي ولاتنسون اليوم في مراسلين كويتيين يعني الكويتي اليوم ماعنده مشكله يشتغل بمهن متدنيه وهذا اكل عيش لاغبار عليه

انا اسئل لو وصلنا 2 مليون كعدد سكان ومنهم عدد كبير مثقفين ومتخرجين من افضل الجامعات

هل تتوقعون الكويتيين الجدد والجيل الشبابي القادم راح يترك هالناس بحالها وخصوصا من سهل لهم الدرب وكلكم عارف شقصد بالمسهلين للدرب

شالفرق بيني وبين من سهل الدرب للتجار ؟ صحيح الدستور عطاهم الحق في كل شي لكن الدستور كان له يوم وباجر له يومه

والله يستر على كل فاتوره راح ندفعها بسبب تخاذلنا اليوم

طبعا هذا القانون مستحيل يتطبق فى الكويت ، ولكن احنا نتمنى هذا الشئ للحفاظ على اموال الناس
ويمكن هذا العنوان راح يخوفهم لو يكتب فىالصفحه الاولى فى صحف الكويت ، اتوقع راح يصير فى بعض التجار المحتالين هبوط حاد فى الدوره الدمويه ورجفه والاحساس فى شهقة الموت وهم فى حبل المشنقه .

 

[مضارب شجاع]

ااااااااااااااااخ لو يعدمون واحد فى بالى

هلا والله اخوى المانع هو بسب واحد فى بالك !!!! انا فى بالى اكثر من خمسه وما ودى اذكر اسماء شركاتهم حتى لا نحددهم فى الاسماء
ولكن نقول لهم حلال الناس مو لعبه .

 

[دولار$]

طبعا هذا القانون مستحيل يتطبق فى الكويت ، ولكن احنا نتمنى هذا الشئ للحفاظ على اموال الناس
ويمكن هذا العنوان راح يخوفهم لو يكتب فىالصفحه الاولى فى صحف الكويت ، اتوقع راح يصير فى بعض التجار المحتالين هبوط حاد فى الدوره الدمويه ورجفه والاحساس فى شهقة الموت وهم فى حبل المشنقه .

يا مجرم ​

 

[مضارب شجاع]

الله لا يسلطك على رقاب العباد :|

إعدام مرة وحده؟؟؟ ليش الروح عندك رخيصة جذي علشان تزهقها بكل بساطه؟

هلا والله اخوى يونكس شلونك
الله يعينك على المشاحنات ولا فاتحين صفه لك للمدح وفوقها صفحه للطرد ::verymad::
انا ادرى انك راح تعارض فكرة الاعدام لمدير شركة اذا كان تسبب فى خسارة اموال الناس ، ولكن لا تنسى ان اموال الناس مو لعبه سهله على الاقل اذا ما ربحهم التاجر لا يخسرهم أ, اذا خسرهم لا يخسرهم كل حلالهم ، لازم يعمل حساب للمخاطره اذا كان عنده مشكله فى ادارة الشركه يتنازل عن الكرسي ويستريح فى بيته ،
وانا الروح مو عندى سهله ، ولكن حتى المال هو عديل الروح ، والله سبحانه وتعالى قال ( المال والبنون زينة الحياة الدنيا ) صدق الله العظيم
ومن يأخذ حلال الناس بالحيله والخداع يجب ان يحاسب ، والدفاع عن المال حلال ومن يموت عن ماله فهو شهيد .
وانت عارف وانا عارف ان او من يعارض على هذا القانون هم طبقة التجار لانهم يعرفون ان قائمة الاعدامات سوف من نصيب العائلات الكبيره فى الكويت لانهم هم من يعتمد سرقة اموال الناس فى زيادة أرصدتهم البنكيه فى سويسرا ولندن

 

[ميلان]

ليش اهم باقوا بيبسي من بقاله او علبة سردين على شان تحكم عليهم هذيل باقوا ملايين لازم نهاية خدمتهم تكريم وهدايه كل ماخف وزنه وزاد ثمنه لو واحد سارق لسد جوعه مايعرف ليله من نهاره من الضرب ويحكم عليه ويمكن يبيع مايملك لاتعاب المحامي

 

[عبدالمذرى]

ليش اعدام ياجماعه حرام مايستاهلوون يكفيهم جم طراق لانهم مو كفو للاعدام الاعدام لزلم

 

[balakt]

اللي يذبح واحد مايعدمونه هالدور تبيهم يعدمون تاجر

 

[balakt]

ياليت اصدار قانون يمنع اعضاء مجلس الامة من التكسب و الاستحواذ على المناقصات والمشاريع الحكومية والتوسط لتحقيق التكسب المالي و تهديد الوزراءبالاستجوابات مالم يمرر مصالحهم الخاصة

اي والله يبيلنا قانون يبعد اهل السياسه عن الاقتصاد
لان تدخلهم فيه دمره اكثر

 

[بومحمد55]

يعني شلووون اسهمنا الي خلينهااستثمار صارت ورق ::verymad::

 

[مال و أعمال]

ياليت اصدار قانون يمنع اعضاء مجلس الامة من التكسب و الاستحواذ على المناقصات والمشاريع الحكومية والتوسط لتحقيق التكسب المالي و تهديد الوزراءبالاستجوابات مالم يمرر مصالحهم الخاصة

اخوى اهم الى يسون القانون وحنا الى نصوت شفت المصيبه

 

[investor 2007]

بصراحة اعتقد اخواني محد جبركم تساهمون معاهم والحين تبون تعدمون هم بشر قد يخطأون وقد يصيبون ، ونعم بالكويت العوائل خط احمر وعوائل مقدسة بأمر من ....... لتوافق مصالحهم