ليش كل هالمراكظ على القرض!!!!!...والمفروض راعي المصلحة ما يصوت!!!!!!

الموضوع في 'السوق الكويتي للأوراق الماليه' بواسطة wsuwsu, بتاريخ ‏13 يناير 2009.

حالة الموضوع:
مغلق
  1. wsuwsu

    wsuwsu عضو جديد

    التسجيل:
    ‏30 يناير 2008
    المشاركات:
    65
    عدد الإعجابات:
    0
    خالد السلطان والنعم فيه شخص محترم و ملتزم و متواضعانا احد الناس الي كنت كل يوم وترك اذهب لمقرة الانتخابي عند اشارات غرناطة ويشهد على الله اني عطيتة صوت ولكن و مع شديد الاسف و الالم النائب للفاضل يدعوا الى اقراض شركات الاستثمار لتستفيد شركتة (الامتياز) من ذلك مع الاسفكان الاولى السكوت على الاقل او عدم اتاييد مادري شنو اقول ولا ابي ادخل بذمم الناس ولكن حرق نفسة حرق وهو يراكظ ورى قرضة!!!!!!!




    ندوة حول تداعيات الأزمة في ديوان العمير كيفية استخدام المال العام للإنقاذ

    كتب أحمد فتحي:

    ومن جانبه، كشف النائب خالد السلطان عن مشروع قانون سيتم عرضه على المجلس خلال الأسبوع الحالي يهدف إلى إصدار صكوك إسلامية للشركات التي لديها أصول جيدة تقوم من خلالها بتوفير السيولة اللازمة لدعم موقفها المالي، موضحاً أن هذا القانون سيفرق بين الشركات الجيدة والأخرى التي ليست لديها أصول حقيقية.




    «الامتياز»: 477 مليون دينار مجمل الديون حتى عام 2013


    وافقت الجمعية العمومية العادية وغير العادية المنعقدة بنصاب بلغ 76% على زيادة رأسمال الشركة بنسبة 50% ليصبح 97،5 مليون دينار تقريبا بقيمة اسمية 100 فلس للسهم وعلاوة اصدار 50 فلسا تدفع نقدا وعلى دفعة واحدة للمساهمين الحاليين.وأكد رئيس مجلس الادارة لشركة الامتياز للاستثمار خالد سلطان بن عيسى ان ارباح الشركة لن تقل عن 45 في المائة لعام 2008، موضحا ان زيادة رأسمال الشركة فقط من اجل الحفاظ على ارباح مستقبلية كبيرة من خلال وجود عقارات مميزة في ظل صعوبة الحصول على تمويل وصعوبة بيع الاصول بأسعارها المناسبة. ورفض بن عيسى الاقتراح المقدم من احد المساهمين بتأجيل بند الزيادة لحين الاطلاع على النتائج المالية لتكون الارقام واضحة، مبينا صعوبة الفكرة لضيق الوقت في الحصول على موافقة البنك المركزي. وكشف عن وجود خيارات لدى الشركة لسداد التزاماتها كبيع بعض الاصول، ولكنه سيكون خيارا اخيرا لانه سيقلل الارباح المستقبلية.وفي ما يتعلق بمديونيات الشركة، اوضح ان مجمل ديون الشركة حوالي 477 مليون دينار حتى عام 2013، مؤكدا وجود اصول للشركة بما يعادل 680 مليون دينار، حقوق الملاك فيها 124 مليون دينار وتبقى 550 مليون دينار اذا طرحنا منها الديون سيكون لدينا 70 مليون دينار كفائض، مع العلم ان القيمة السوقية الحالية رغم الظروف الصعبة تتجاوز هذا المبلغ.وأشار الى ان ارض قطر والبالغ سعرها 110 ملايين دينار ليست كل استثمارات الشركة، فهناك ارض اللوسيل، وارض في مصر وفي القطامية بمصر ايضا.(لا خوش اصول)وقيم بن عيسى سهم الشركة بـ 850 فلسا، وبين ان الشركة من افضل 3 شركات استثمارية من ناحية الملاءة المالية، ولكن الظرف الذي تمر به ليس عاديا
     
  2. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  3. wsuwsu

    wsuwsu عضو جديد

    التسجيل:
    ‏30 يناير 2008
    المشاركات:
    65
    عدد الإعجابات:
    0

    والله العظيم يا أخ فابلاس إني مثل غالبية الشعب الكويتي نعطي صوتنا للي نظن إنه يفيد البلد و يشوف مصلحة المواطنين أول قبل مصلحتة ...

    ولكن و مع شديد الأسى و الحسرة
    والله و الله شاهد على إني أقولها بكل حسرة ...مع الأسف مادري شنو أقول...

    مني إمتياز و مني منا القابضة و الخدع الي تصير فيها!!!!

    نائبنا الفاضل يقول أصول ممتازة الي بقطر و قيمتها 110 مليون !!!!! ولا حتى تييب 20 مليون الحين !!!!!!

    والله ياخي مادري شنو أقول ...أنا الصراحة ودي أصفي النية بس المشكلة إنت تشوف بعينك مصايب و عدم مصداقية
    بس شنو نسوي!!!!...نصفي النية و الباقي على الله

    عثمان بن عفان رضي الله عنة ينفق مالة بأكملة على المسلمين و بيت المال و يدعمهم وقت المحن ...و إحنا نوابنا الأفاضل يعدلون بالقوانين و يضبطونها لزيادة أموالهم الي ماتشيلها البعارين....

    أنا مابي أدخل بالنوايا و لكن عسى اللع يرزق كل واحد على نيتة

    والله و لي التوفيق
     
  4. معشي الجن

    معشي الجن عضو نشط

    التسجيل:
    ‏2 فبراير 2008
    المشاركات:
    1,668
    عدد الإعجابات:
    1
    مكان الإقامة:
    جزيرة قاروه
    أشمعنه الحين أطلعت خياسه ؟ لازم الواحد يفكر !
     
  5. wsuwsu

    wsuwsu عضو جديد

    التسجيل:
    ‏30 يناير 2008
    المشاركات:
    65
    عدد الإعجابات:
    0


    شنو قصدك أخوي؟؟؟....ما فهمت؟؟؟!!


    هل تقصد ليش أنا توني تكلمت عنة ؟؟!!!!
    لأني موضوع القروض الشركات راح يناقش الأسبوع الجاي و شركتة و حدة من هده الشركات

    ترى يمكن مافهمت سؤالك
    و بعدين أنا ما طلعت إخياسة ....لا ...النائب السلطان شخص محترم و متواضع و لكن أنا أخالفة الراي ....و مثل ما قالوا المال عديل الروح...والله أعلم بالنوايا
     
  6. معشي الجن

    معشي الجن عضو نشط

    التسجيل:
    ‏2 فبراير 2008
    المشاركات:
    1,668
    عدد الإعجابات:
    1
    مكان الإقامة:
    جزيرة قاروه
    والله أنت بره الموضوع
    أنا شفت هالسوالف من الجناعات من 10 سنوات
     
  7. الفاتح

    الفاتح عضو نشط

    التسجيل:
    ‏15 مارس 2006
    المشاركات:
    1,192
    عدد الإعجابات:
    0
    المال سلب لبهم
     
  8. د.فواز

    د.فواز عضو جديد

    التسجيل:
    ‏27 يونيو 2005
    المشاركات:
    90
    عدد الإعجابات:
    0
    نائب ويمثل الامه ومستذبح يبي ياكل من المال العام علشان تدعم شركته وشركات الاستثمار ...
    المصيبة انهم نفس الاشخاص اللي وقفوا ضد قروض المواطنين اللي يسمون نفسهم الجمعية الاقتصادية ... سياسة ودين وتجارة .. يعني شنو تبي عندنا ... الوطن للجميع .. والمال العام لنا فقط ... شعارات مجلس الامه عندما يختفي رجال مثل حمد الجوعان و وليد الجري .... خل نشوف فرسان الامة لعام 2008 شنو يكون رايهم ..
     
  9. wsuwsu

    wsuwsu عضو جديد

    التسجيل:
    ‏30 يناير 2008
    المشاركات:
    65
    عدد الإعجابات:
    0
    حلو
    زين خل نتناقش شوي ....
    أنا كمواطن الحين والله ألعن اليوم الي صوت فيه ...أقسم بالله العظيم إنة يانا الدوانية و رحبنا فيه ...ووصلناه لسيارتة لا و وعدنا نصوتلة و ننخالة و نكلم الشباب بعد ...و أقسم بالله العظيم إنا ما قصرنا معاه حتى الوالد كلم الشيبان و عطاه غير البيت و العمام و الربع الي نمون عليهم ...أقسم بالله العظيم حتى زوجتي وصيتها....


    زين ...بعد موقف مثل هدا شنو الحل؟؟؟

    أنا الصراحة صار فيني إحباط...إدا ناس متعشم فيهم خير و يطلعون مع الأسف عكس التوقعات ..
     
  10. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    وينك يا أحمد الشريعان

    هو الوحيد الي ما أكل من الكيكه و الكل يشهد

    والله هذا الي يرفع راس الكويت
     
  11. wooow

    wooow عضو جديد

    التسجيل:
    ‏8 يونيو 2008
    المشاركات:
    1,143
    عدد الإعجابات:
    0
    بديت اشك ان خالد السلطان داش المجلس لحماية املاكه مثل الخرافي والصقر وغيرهم........ لاحظو انهاا صارت من اساسيات وبرستيج التاجر يكون عضو مجلس امه ويحمى املاكه واستمرار عقوده مع الحكومه
     
  12. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
    شنو تترجون من نائب سلفي خالد السلطان رفيجه احمد باقر ( حدس )

    يستخدمون الدين لمصالحهم التجارية و عندهم شركات خاصه لهم و لربعهم

    مثل مركز سلطان ..

    عادي هذيلا وقفوا ضد الشعب من اسقاط فوائد القروض و الخمسين دينار

    والله حسافه على الشعب مخدوعين من نواب الشعارات ..!!
     
  13. wsuwsu

    wsuwsu عضو جديد

    التسجيل:
    ‏30 يناير 2008
    المشاركات:
    65
    عدد الإعجابات:
    0

    أخي العزيز
    فقط لإحقاق الحق و تبيان الحقيقة ...النائب الفاضل خالد السلطان لا يملك شي بمركز سلطان
    هدا طبعا على حسب كلام مقربين له (بس موقع البورصة يقول إنه يملك 9 و شي بالمية) يمكن متصافي و يا أخوانة ...لأن يقول إن مركز سلطان يبيع زقاير و هو معارض لهالشي.

    الوزير المحترم باقر من السلف و ليس الأخوان)حدس)

    إحنا ما ضيعنا إلا هالأحزاب و التجمعاتّ!!!!!!...و بعد فترة تلقى الواحد صار مليونير و يقول ليش الحسد...الله رزقني؟؟؟!!!!

    زين ليش الله ما رزقك إلا بعدما صرت عضو مجلس أمة!!؟؟؟...مثل منا القابضة و ربعها....
    قام يحجون بالملايين...

    أهم شي إن الواحد يتعود من الشيطان و يصفي نيتة و الله موجود و يحاسب كلن على نيتة...

    وعسى الله بس يحفظ كويتنا لنا يارب
     
  14. AutoCad

    AutoCad عضو نشط

    التسجيل:
    ‏31 ديسمبر 2006
    المشاركات:
    625
    عدد الإعجابات:
    1
    خالد السلطان حصل من الحكومة ترخيص ببناء فرع مركز سلطان في منطقة الجابرية قطعة 12 وبين بيوت ... أشلون ما أدري .... مشروع تجاري في منطقة سكنية والمصيبة محد راضي يتكلم ... جدامي واحد أعرفه يشتغل في قناة سكوب اتصل على واحد من عيال السعيد علشان يصورون الموضوع ويحطونه في القناة .... اشصار؟

    رد عليه وقاله عنده ترخيص جايبه من فوق ....


    فوق وين يعني؟ ومقابل شنو؟


    وآخيراً فرع مركز سلطان في لبنان يبيع الخمور نهاراً جهاراً


    سلم لي على الدين
     
  15. حوت السوق

    حوت السوق عضو نشط

    التسجيل:
    ‏12 يوليو 2004
    المشاركات:
    374
    عدد الإعجابات:
    1
    فهد الخنة باق اموال الدولة وتقرير ديوان المحاسبة يشهد وهو نائب سلفي.

    والحين خالد السلطان (اكبر مالك في مركز سلطان اخذها مني واي مساهم يقدر يتأكد من كشف المساهمين) يراكض على مساعدة شركات الاستثمار لينقذ شركة الامتياز واتباعه وهو نائب سلفي. وين تضارب المصالح.

    أليس مركز سلطان عنده عقود مليونية مع الامريكان (وين سالفة اليهود والنصارى؟)

    أليس مركز سلطان يبيع شجرة الكريسماس كل عام ويزين محلاته باللون الاحمر؟ (ويقولك حرام تسلم وتهني مسيحي) هابي نيو يير ياعزيزي

    أليس مركز سلطان يبيع كروت فالنتاين (عيد الحب) وقلوب حب باللون الاحمر (ويقولك مكافحة الظواهر السلبية)

    أليست شركة الامتياز عندها جامعة مختلطة وهي جامعة الخليج العربي الامريكية (ويقولك لا للاختلاط)

    والله انتو وين و الدين وين.

    يالله كل واحد حط لحية وقص على العالم.

    الامتياز - الدار - المسلم - السلطان- الزبيد

    ربنا اللي يحاسبكم مو احنا.

    الله كريم.
     
  16. ابو مبارك 1

    ابو مبارك 1 عضو جديد

    التسجيل:
    ‏22 ابريل 2008
    المشاركات:
    455
    عدد الإعجابات:
    0
    مكان الإقامة:
    كويت
    ياجماعه صلو على النبى صلى الله عليه وسلم اذا الدولة ماساعدت الشركات شنو الحل تعتقدون ترى خراب مالطه لابد من تدخل الدوله ولكن مع مراعات الحفاظ على المال العام و بوضع ضوابط للاقراض واسترداد الدوله لجميع ما دفع للشركات نفس العالم الفاهمه وبعدين اتركو الغيبه
     
  17. ALIMTIAZ

    ALIMTIAZ عضو نشط

    التسجيل:
    ‏3 يناير 2009
    المشاركات:
    144
    عدد الإعجابات:
    0
    اخوى الكريم
    ابى اسئلك سؤال بس لا تزعل منى

    شنو الشركات للى عاجبتكم بالسوق وللى تشتغل بذمه وضمير ؟
    منو من الاشخاص للى يشتغل بذمه وضمير وماله مصالح شخصيه ؟

    ولك تحياتى
     
  18. AutoCad

    AutoCad عضو نشط

    التسجيل:
    ‏31 ديسمبر 2006
    المشاركات:
    625
    عدد الإعجابات:
    1
    نفس هالصيغة إللي إنت كاتبها طلبنا لاسقاط ديون المواطنين ... يعني

    يتم إسقاط الديون عبر شراء الدولة لأصل الديون من البنوك وبالتالي تسقط الفوائد ، بعدين الدولة تقوم بتقسيط مبلغ أصل الدين على المواطنين ... شنو إللي صار؟

    اطلعت الفتاوي سوت الحلال حرام والحرام حلال واطلعت سالفة العجز الاكتواري ما أدري الارتوازي وغير وغير وغير ...

    قلناها من زمان

    هالديرة الأولوية فيها للهوامير

    لنا الله
     
  19. hamadxp

    hamadxp عضو جديد

    التسجيل:
    ‏10 يناير 2007
    المشاركات:
    265
    عدد الإعجابات:
    0
    صبحكم الله بالخير

    يا جماعه شنو تتوقعون من واحد يدفع ملايين عشان ينجح في الانتخابات ؟

    اكيد انه متاكد من حصوله على مبلغ اكبر بكثير من المبلغ اللي دفعه في الحمله الانتخابيه للحصول على الكرسي في البرلمان

    اما سالفة انه يستذبح عشان الاصلاح ؟ اعتقد مو موجوده هالخصله

    فيه مثل يقول (( محد يحج الا يدور للمغفره ))

    والناس هذي تبي توصل عشان تاكل
     
  20. حوت السوق

    حوت السوق عضو نشط

    التسجيل:
    ‏12 يوليو 2004
    المشاركات:
    374
    عدد الإعجابات:
    1
    اخذ عندك (الاسلاميات فقط)

    بيت التمويل الكويتي
    بيت الاوراق المالية
    الامان للاستثمار
    الاولى للاستثمار
    بيت الاستثمار الخليجي


    هذي الشركات اللي تمثل نموذج صحيح للاستثمار الاسلامي.

    وسلم لي على (علي أحمد زبيد) وايد وايد وقوله خل يرد فلوس الناس بصندوق الامتياز المالي و الاستثماري.
     
حالة الموضوع:
مغلق