توريد بضايع للجمعيات

[extracrown]

لسلام عليكم
اخوكم محتاج مساعده
انا عندي مؤسسة استيراد مواد غذائية بس تعاملي كله مع بقالات ومطاحن الحين ودي اتوسع بنشاطي وادش جمعيات بس واللهماعندي خبره معاهم محد يقدر يدلني على الطريقه?
وشلون اقدم بضاعتي لهم ويقبلونها بدون واسطه? علما بان بضاعتي مرغوبه عليها طلب? واذا في احد شغال ابهالمجال يساعدني اكون له من الشاكرين

 

[Taekwondo]

الله يوفقك ان شاء الله اخوي واحسن شي انك تراجع الجمعيات نفسها وتستفسر منهم يمكن احد يفيدك اكثر منا

 

[Business Man1]

السلام عليكم

انا عندي مؤسسة تجارة عامة ومقاولات ااذا تحب نتعاون بهالشي ماعندي مانع
بوعيد
99966525

 

[sulaimanajmani]

خذ لك دورة كيف تقدم رشوة بطريقة غير ماشرة عند واحد مصرى او عين لك مصرى

لان الجمعيات كلها تاخذ رشاوى تحت مسمى ثانى وما راح تدش من غير هذا الباب

 

[شكير]

اخوي انا حاضر لاي استشاره
اول شي جيب مندوب لفتح الجمعيات والخطوات كاتالي
تعمل كتاب اسمه اعتماد اصناف وتودي مع الكتاب عينات للجمعيه راح يواعدونك لعرضها على اللجنه عندهم بعد الاعتماد الصنف مع السعر راح يعطونك امر شراء وعاده مايكون نص بنص اي نص الشد مجاني والنص الاخر سحاسبونك عليه
بعدين يطلبون منك بعد ماتخلص االبضاعه هني يجي دور المندوب يعمل طلب تزويد
بعد مايوقعه من مسؤل الرف هناك اسرار كثيره وتعب في الجمعيات
فلوسك تستلمها بعد شهر او كثر
الله يوفقك

 

[extracrown]

لسلام عليكم
اخوي شكير
على الي فهمته من كلامك عيل لازم ارفع سعر البضاعه لي الضعف عشان اطلع ربح اذا بياخذون نص الكميه ابلاش صح كلامي??
وباخذون ابلاش بس اول مره ولادايما كل اادخل اخوي??
مشكور

 

[شكير]

لا اخوي اول مره نص الشد مجاني بس
بالنسبه لرفع السعر لاتنسى انه فيه لجنه يعرض عليها سعرك وجودة منتجك
اذا كان سعرك عالي لها الحق بعدم اعتمادك بالجمعيه
بالتوفيق

 

[مساهم11]

مابي اكسر مجاديفك
والجمعيات 70% بوابة بيع البضائع بالبلد
ولكن الي اسمعه وخلاني اهون من التعامل معهم اخذ الرشاوي
بشكل مباشر وغير مباشر

 

[teacher]

السلام عليكم..

اذا انت مقتنع ان بضاعتك سعرها مناسب...فر على الجمعيات كلها....واعرض اصنافك..

ملاحظة مهمة,,,لجنة المشتريات....عندها قانون ...(1+1 وعشر دنانير عن كل صنف)..لاول مرة فقط.......مثال انت جايب تمور بتوردها للجمعية 500 كرتون فرضا....اذا نزلت عندهم نزل كمية قليلة ....عشان يقل المجاني.....مثال نزل اول مرة عشر كراتين ...+عشرة مجاني....واذا طلبوا المرة الثانية تنتهي سالفة المجاني....اتمنى ان الفكرة وصلت....واذا تعرف احد بالمشتريات يستثنيها لك