ممكن طلب

[tom_bourne]

السلام عليكم

صراحه وانا اتصفح لقيت اعلان للعمل في مكتب سفريات بس في مشكله عندي

ما ادري شنو طبيعة هالوظيفة واشلون بشتغل في وكالة سفريات

من عنده خبره ينقذني ؟ بشكل عام : جم الراتب؟ اشلون الدوام ؟ متعب؟ حلو؟ ممتع؟

اتمنى ماتحقروني مثل ذيج المرة

 

[Business Man1]

هلا بالحبيب

بالنسبة لوظايف السفريات
هاذي يبيلها شهادة خاصة يسمونها موظف حجز طيران او تذاكر
واعتقد معشاتهم 450 دينار
والدوام بشكل عام حلو مكتب و انت قاعد ..

 

[tom_bourne]

يعطيك العافية اخووي ماقصرت مشكوور والله عالمساعده يعطيك العافية مره ثانيه ^_^

 

[Business Man1]

يعطيك العافية اخووي ماقصرت مشكوور والله عالمساعده يعطيك العافية مره ثانيه ^_^

حبيب حبيب واذا معلومات زيادة قولي وانا حاضر

 

[نيويورك]

اخوي ما يمنع تروح و تستفسر منهم بالضبط .. و تشوف كل شي على الطبيعه .. و موفق خير ان شاء الله

 

[tom_bourne]

نيويورك

اخووي والله امس رحت واستفسرت قالولي الدوام شفتين الصبح من 9 لي 1 وبعدين من 5 لي 8 ونص ويوم اليمعه عطله وعلى الراتب البداية راح تكون 150 ليش راح اكوون متدرب وان شاء الله اذا تعينت يصير خير << هذا الكلام اللي وصلي امس

ويعطيكم الف عافية شباب واسمحولي عالتاخير في الرد

 

[fawazzz]

السلام عليكم
انا كنت اشتغل بالشركة اللي تزود مكاتب السفريات بنظام الحجز الآلي بس انا طلعت منهم من سنتين
الوظيفة زينة بس حق اللي يبي يشتغل لكن اللي يبي ينام ماتنفع كلش ولازم تكون حريص لان اي غلطة ترى فيها خسارة وانت تتحملها خصوصا بالمواعيد وتعديلها ومتى تطلع التذكرة
هم ماتدري شنو نفسية الزباين
رواتب الموظفين من 150 وتوصل اكثر من 700 حسب الاقدمية والخبرة وشكثر عندك زباين يتصلون عليك
على فكرة ماعمري شفت كويتي يشتغل بمكتب سفريات كلهم مقيمين
واذا تبي تاخذ دورة حجز التذاكر اخذ الدورة في شركة الأنظمة الآلية بالمنطقة التجارية الحرة
على فكرة في نظامين للحجز لازم تتعلم عليهم نظام ( جاليليو ) ونظام ( اميديوس )
يالله حبيبي اتمنى اكون افدتك واي شي انا حاضر

 

[اليوفي الثاني]

اذا لك خاطر اتصل 9951992 اذا حق معلومات عن طبيعة العمل واحد ممن الربع ويحب يخدم الشباب اللي نفسك

 

[اليوفي الثاني]

99581992

 

[tom_bourne]

اخواني فواز تسلم وماتقصر عالمعلومات وبالنسبة اخووي اليوفي اذا ماعليك امر حبيت تراسلني عالايميل ليش صراحه ما ادري اشلون راح تصير السالفه اتصل عليه واهوه مايعرفني ههههههههههه ؟؟
اخوي هذا ايميلي bluegemj@hotmail.com

واسمحولي عالتاخير لان النت مقطووع وتووه رد هههههههههههه